• Keɣa 15:1-5
    Bibl—Ɛjaɖɛ kɩfaɖɛ tɔm ɖɛzʋʋ

    • 15 Oo Yehowa, apɩzɩɣ nɛ ɛkɔɔ ɛgɔndʋ ñe-kizinziku tɛɛ?

      Apɩzɩɣ nɛ ɛcaɣ ña-pʋʋ kiɖeɖeu taa?+

       2 Ɛyʋ weyi kɩwɛɛkɩtʋ natʋyʋ fɛyɩ* ɛ-ɖɔnɛ taa yɔ,+

      weyi ɛlakɩ mbʋ pɩtʋʋzaa+

      nɛ ɛyɔɔdʋʋ toovenim ɛ-laŋɩyɛ taa yɔ.+

       3 Ɛɛwɛɛkɩɣ nɔɔyʋ hɩɖɛ nɛ ɛ-nzʋlʋmɩyɛ,+

      ɛɛlakɩ ɛyʋ lɛlʋ mbʋ pɩfɛyɩ ɖeu yɔ,+

      nɛ ɛɛyɔɔdʋʋ tɔm kɩdɛkɛdɩtʋ ɛ-taabalaa yɔɔ.*+

       4 Ɛ nɛ kɩdɛkɛdɩm laɖʋ paacakɩ,+

      ɛlɛ ɛɖʋʋ hɩɖɛ mba peseɣ Yehowa sɔɔndʋ yɔ.

      Ye eɖuwaa* yɔ, ɛɛpɩsɩɣnɩ wayɩ, halɩ paa pɩɖʋzʋʋ-ɩ yɔ.+

       5 Ɛɛkɩndɩɣ e-liidiye se paahɛyɩ-ɩ nɛ kɛzɛɣa,+

      ɛɛmʋʋ kʋjɔʋ se emuli weyi ɛtɩɖɔɔ wɛɛ yɔ.+

      Ɛyʋ weyi ɛlakɩ mbʋ yɔ, pɩɩkaɣ-ɩ ñamsʋʋ* kpa.+

  • Keɣa 84:1-4
    Bibl—Ɛjaɖɛ kɩfaɖɛ tɔm ɖɛzʋʋ

    • 84 Oo yoyaa tɛ Yehowa,

      ña-kɩɖanɖʋʋ sɔsɔʋ ɖe* mbʋ suwe!+

       2 Menselitiɣ Yehowa kadasɩ yɔɔ+

      nɛ ma-laŋɩyɛ kpeekpe,*

      ɛɛɛ, me-liu wɛ-sɩ siŋŋ nɛ piyele nɛ mon-ɖoŋ tɛŋ.

      Ma-laŋɩyɛ nɛ mon-tomnaɣ makɩ taa leleŋ kubusi Ɛsɔ ɛsadʋ.

       3 Halɩ sumaɣ maɣmaɣ hikiɣ ɖɩjaɣyɛ peeɖe

      nɛ canjaafuwa lakɩ ka-tɩ ɖandʋ peeɖe,

      ɖenɖe kɔcɔŋnɩ ke-piya yɔɔ

      ña-altaaru sɔsɔʋ cɔlɔ yɔ, Oo yoyaa tɛ Yehowa,

      me-Wiyaʋ nɛ mɛ-Ɛsɔ!

       4 Koboyaɣ tɩnaa kɛlɛ mba pɛwɛ ña-ɖɩɣa taa yɔ!+

      Pasaŋɩ-ŋ kaahɛzaɣ.+ (Sɛɛla)

  • Keɣa 84:10
    Bibl—Ɛjaɖɛ kɩfaɖɛ tɔm ɖɛzʋʋ

    • 10 Mbʋ pʋyɔɔ yɔ kɩyakʋ kʋɖʋmʋʋ ña-kadasɩ taa kɩlɩ ɖeu kɩyakɩŋ 1000 paa lone lɛɛɖɛ nɖɩ lɛ ɖɩ-taa!+

      Malɩzaa se mansɩŋɩɣ mɛ-Ɛsɔ ɖɩɣa nɔnɔɔ taa,

      nɛ pɩkɩlɩ se mancaɣ kañatʋ kizinzikiŋ tɛɛ.