31 Mbʋ pʋyɔɔ yɔ pa-kaaʋ fɛyɩ ɛzɩ ɖa-Kaaʋ yɔ,+

Halɩ ɖo-koyindinaa maɣmaɣ nɩ pɩ-taa mbʋ.+

 2 Nɔɔyʋ fɛyɩ nɛ ɛkɛ kiɖeɖeu ɛzɩ Yehowa yɔ,

Nɔɔyʋ fɛyɩ nɛ pɩtasɩnɩ-ŋ,+

Nɛ kaaʋ nakʋyʋ fɛyɩ ɛzɩ ɖɛ-Ɛsɔ yɔ.+

33 Ɛsɔ toovenim tʋ kɛ man-ɖɩjɔzɩyɛ ɖoŋ ñɩnɖɛ,+

Nɛ ɛkaɣ labʋ nɛ ma-nʋmɔʋ tʋʋzɩ.+

34 Ɛlakɩ nɛ ma-nɩŋgbanzɩ wɛɣ ɛzɩ hɩŋ ñɔɔɔ tʋ* nɩŋgbanzɩ yɔ;

Ɛlakɩ nɛ mansɩŋɩɣ lona wena akʋyaa yɔ a-taa.+

35 Ɛfalɩsɩɣ me-nesi se sɩla you;

Me-nesi pɩzɩɣ nɛ sikoti tɔʋ ŋgʋ palabɩnɩ ñɩɣyʋʋ kɩsɛɛmʋʋ yɔ.

36 Ŋhaɣ-m ña-kpayʋʋ ŋgʋ kɩyakɩ ma-ñʋʋ yɔ,

Nɛ ña-tɩ luzuu yeki nɛ manpɩsɩɣ sɔsɔ.+

37 Ŋwalɩsɩɣ ma-nʋmɔʋ;

Pɩɩkaɣ tuu ma-nɩŋgbanzɩ.*+

38 Mankaɣ ɖʋʋ mon-koyindinaa wayɩ nɛ manɖɩzɩ-wɛ;

Maakaɣ pɩsʋʋ nɛ mantɩɖɩzɩ-wɛ.

39 Nɛ mankaɣ-wɛ ɖɩzʋʋ nɛ mɔntɔyɩtɩ-wɛ, nɛ paakaɣ kʋyʋʋ;+

Pakaɣ tɔlʋʋ ma-nɩŋgbanzɩ tɛɛ.

40 Ŋkaɣ-m haʋ ɖoŋ nɛ mala you;+

Ŋkaɣ labʋ nɛ mon-koyindinaa tɔlɩ mɛn-tɛɛ.+

41 Ŋkaɣ labʋ nɛ mon-koyindinaa se mɛ-ɛsɩndaa;*+

Mankaɣ ɖɩzʋʋ mba papaɖɩɣ-m yɔ.*+

42 Pamakɩ kubusi se pasɩnɩ-wɛ, ɛlɛ nɔɔyʋ fɛyɩ se ɛya pa-ñʋʋ;

Halɩ pamakɩ kubusi nɛ Yehowa cɔlɔ kiŋ, ɛlɛ eecosuu-wɛ.+

43 Mankaɣ-wɛ sɔbʋ nɛ pakpɩzɩ ɛzɩ tataa mʋzʋʋ yɔ;

Mankaɣ-wɛ naŋʋʋ nɛ mɛnfɛyɩ pɔ-yɔɔ ɛzɩ habɛɛ yɔɔ ahɔya yɔ.