20 Yuuda mba cɔlɔ lɛ, manpɩsɩ ɛzɩ Yuuda tʋ yɔ se pɩsa nɛ mehiɣ Yuuda mba;+ mba pɛwɛ paɣtʋ tɛɛ yɔ pɔ-cɔlɔ lɛ, manpɩsɩ ɛzɩ weyi ɛwɛ paɣtʋ tɛɛ yɔ, ŋgʋ ma-maɣmaɣ mɛnfɛyɩ paɣtʋ tɛɛ, se pɩsa nɛ mehiɣ mba pɛwɛ paɣtʋ tɛɛ yɔ.+ 21 Mba pɛfɛyɩnɩ paɣtʋ yɔ pɔ-cɔlɔ lɛ, manpɩsɩ ɛzɩ weyi ɛfɛyɩnɩ paɣtʋ yɔ, paa mantɩkɛ weyi ɛfɛyɩnɩ paɣtʋ Ɛsɔ cɔlɔ yɔ, ɛlɛ mɛwɛ paɣtʋ tɛɛ Krɩstʋ cɔlɔ,+ se pɩsa nɛ mehiɣ mba pɛfɛyɩnɩ paɣtʋ yɔ. 22 Ajamaa cɔlɔ lɛ, manpɩsɩ ɛjam, se pɩsa nɛ mehiɣ ajamaa.+ Manpɩsɩ pɩtɩŋa payɩ ɛyaa ndɩ ndɩ cɔlɔ, se ye pɩsaŋ kɔyɔ, mala mbʋ payɩ manpɩzɩɣ yɔ nɛ maya pa-taa nabɛyɛ ñʋʋ.

19 Mon-koobiya, ye pipeɣzi mɩ-taa nɔɔyʋ nɛ eposini toovenim nɛ lɛlʋ pɩsɩnɩ-ɩ yɔ, 20 ɩtɩlɩ se weyi ɛlɩzɩɣ kɩwɛɛkɩm laɖʋ ɛ-nʋmɔʋ kilebuu taa yɔ,+ ɛkaɣ yabʋ kɩwɛɛkɩm laɖʋ ɛnʋ ɛ-ñʋʋ* sɩm taa nɛ ɛkaɣ huuzuu kɩwɛɛkɩm sakɩyɛ yɔɔ.+