22 Elii kaakpadɩyɩ siŋŋ, ɛlɛ ɛɛnɩ mbʋ payɩ ɛ-pɩyalaa lakaɣ+ Izrayɛɛlɩ tɩŋa yɔ nɛ ɛzɩma pasʋwaɣnɩ halaa mba palakaɣ tʋmɩyɛ kediɣzaɣ kizinziku nɔnɔɔ taa yɔ pɩ-tɔm.+ 23 Eheyaɣ-wɛ se: «Ɛbɛ yɔɔ ɩwɛɛ nɛ ɩlakɩ lakasɩ nzɩ mbʋ? Mbʋ pʋyɔɔ yɔ tɔm ndʋ mɛwɛɛ nɛ manɩɣ mɩ-yɔɔ samaɣ kpeekpe cɔlɔ yɔ, tɩfɛyɩ ɖeu. 24 Aayɩ, man-pɩyalaa, tɔm ndʋ manɩɣ tɩwɛɛ nɛ tɩyɛlɩɣ Yehowa samaɣ taa yɔ, tɩfɛyɩ ɖeu. 25 Ye ɛyʋ ɛyʋsɩnɩ ɛyʋ lɛlʋ yɔ, nɔɔyʋ pɩzɩɣ nɛ etendi Yehowa ɛ-yɔɔ;* ɛlɛ ye ɛyʋ ɛyʋsɩnɩ Yehowa yɔ,+ apɩzɩɣ nɛ ɛtɩmɩ ɛ-yɔɔ?» Ɛlɛ pekizi se paawelisiɣni pa-caa, mbʋ pʋyɔɔ yɔ Yehowa kaaɖʋwa se ɛkʋʋ-wɛ.+