• Izaayii 41:7
    Bibl—Ɛjaɖɛ kɩfaɖɛ tɔm ɖɛzʋʋ

    •  7 Mbʋ nesi tɛɛ tʋmlaɖʋ kpazɩɣ ɖoŋ ñɩɣtʋ wondu luɖu;+

      Weyi ɛkpakɩɣ hama ŋgʋ polukina yɔ nɛ ɛmakɩ ñɩɣyʋʋ se kɩwɛɛ tatayaa yɔ

      Ɛkpazɩɣ ɖoŋ weyi eɖiɣni lubu maaʋ pɩyɛ yɔɔ yɔ.

      Ɛyɔɔdʋʋ ñɩɣtʋ ndʋ eɖiɣni kpɩtʋʋ yɔ tɩ-tɔm se: «Pɩwɛ ɖeu.»

      Pʋwayɩ lɛ, nɔɔyʋ cɛyɩsɩ sɩʋ kpeliɣa nɛ ñɩma se pitaaciɣdi-kɛ.

  • Izaayii 46:6, 7
    Bibl—Ɛjaɖɛ kɩfaɖɛ tɔm ɖɛzʋʋ

    •  6 Nabɛyɛ wɛɛ nɛ pohutuu sika ŋga kɛwɛ po-huyuu taa yɔ;

      Pamaɣzɩɣ liidiye yuŋ kɩmaɣzʋʋ yɔɔ.

      Pɛtɛɣʋ ñɩɣtʋ wondu luɖu, nɛ ɛlɛ kpaɣ-ɖɩ nɛ elubini ɛsɔ.+

      Pʋwayɩ lɛ poluŋuu ɛ-tɛɛ, ɛɛɛ, pɛsɛɣ-ɩ.+

       7 Pɔhɔɔlʋʋ-ɩ pa-hazasɩ yɔɔ;+

      Pakpakɩɣ-ɩ nɛ pasɩɩ e-lone taa, nɛ ɛsɩŋ yem peeɖe.

      Eeciɣdiɣ e-lone taa.+

      Pamakɩ kubusi nɛ payaɣ-ɩ, ɛlɛ eecosuu;

      Ɛɛpɩzɩɣ nɛ ɛlɩzɩ nɔɔyʋ kʋñɔŋ taa.+

  • Yereemii 10:3, 4
    Bibl—Ɛjaɖɛ kɩfaɖɛ tɔm ɖɛzʋʋ

    •  3 Mbʋ pʋyɔɔ yɔ ɛyaa samasɩ tɛ sɔnzɩ kɛ cɛtɩm.*

      Pɩkɛ laʋ tɛɛ tɩʋ ŋgʋ pɛsɛtaa yɔ yem,

      Ŋgʋ nesi tɛɛ tʋmlaɖʋ kpaɣ ɛ-tʋmɩyɛ wonuu* nɛ ɛsaɣ yɔ.+

       4 Pakpakɩɣ liidiye nɛ sika nɛ pacanɩɣnɩ-kʋ+

      Nɛ pakpakɩɣ hama nɛ ñɩma nɛ pɛcɛyɩsɩɣnɩ-kʋ se kɩtaatɔlɩ.+