• 2 Awiya 18:13, 14
    Bibl—Ɛjaɖɛ kɩfaɖɛ tɔm ɖɛzʋʋ

    • 13 Wiyaʋ Ezekiyaasɩ pɩnaɣ 14 ñɩŋga taa, Asiirii wiyaʋ+ Senakeribʋ kpa Yuuda tɛtʋ ɖoŋ ñɩndʋ tɩŋa wayɩ nɛ ɛmʋ-tʋ.+ 14 Peeɖe Yuuda wiyaʋ Ezekiyaasɩ tiyaa se peheyi Asiirii wiyaʋ Lakisi taa se: «Mɛwɛɛkaa. Yebi-m yonuu nɛ ŋɖɛɛ, nɛ mankaɣ-ŋ cɛlʋʋ mbʋ payɩ ŋpɛlɩɣ-m se mɛhɛyɩ yɔ.» Asiirii wiyaʋ pɛlɩ Yuuda wiyaʋ Ezekiyaasɩ se ɛhɛyɩ liidiye talaŋwaa* 300 nɛ sika talaŋwaa 30.

  • Izaayii 8:7, 8
    Bibl—Ɛjaɖɛ kɩfaɖɛ tɔm ɖɛzʋʋ

    •  7 Pʋyɔɔ lɛ na! Yehowa kaɣ kɔnʋʋ pɔ-yɔɔ

      Pɔɔ* taa lɩm mbʋ pɩwɛ hoɖe nɛ pɩɖɔɔ sakɩyɛ yɔ,

      Asiirii wiyaʋ+ nɛ ɛ-samtʋ kpeekpe.

      Ɛkaɣ suu e-lemisi tɩŋa taa

      Nɛ ɛwadɩ e-kidiilimiŋ tɩŋa yɔɔ

       8 Nɛ ɛwadɩ Yuuda yɔɔ.

      Ɛkaɣ suu nɛ ɛwadɩ, nɛ ɛkpa ɛtalɩ liu tɛɛ;+

      E-keŋ weyi eposaa yɔ ɩkaɣ huuzuu ñɛ-ɛjaɖɛ walanzɩ yɔɔ,

      Oo Emaanʋyɛɛlɩ!»*+