13 Nɛ pʋwayɩ ɛkʋyɩ Nazarɛɛtɩ lɛ, ewolo nɛ ɛcaɣ Kapɛrɩnawum,+ kɩwɛ teŋgu nɔɔ, Zebulɔɔnɩ nɛ Naftalii ageeta taa, 14 se pɩsa nɛ tɔm ndʋ paatɩŋnɩ nayʋ Izaayii yɔɔ nɛ pɔyɔɔdɩ yɔ tɩla, ndʋ lɛ se: 15 «Oo Zebulɔɔnɩ ɛjaɖɛ nɛ Naftalii ɛjaɖɛ, mɩ mba ɩwɛ teŋgu habɩyɛ yɔɔ, Yɔɔrdaŋ pɔɔ wayɩ yɔ, ajɛɛ tɛ Galilee! 16 Samaɣ ŋga kacaɣ cɩkpɛndʋʋ taa yɔ, kana ñalɩmɩyɛ sɔsɔɖɛ naɖɩyɛ, piyele nɛ mba pacaɣ sɩm cɩkpɛndʋʋ* egeetiye taa yɔ, ñalɩmɩyɛ+ ñandɩ pɔ-yɔɔ.»+

78 mbʋ pʋyɔɔ yɔ ɖɛ-Ɛsɔ naɣ pʋtɔdɩyɛ siŋŋ. Nɛ pʋtɔdɩyɛ naʋ mbʋ pʋyɔɔ lɛ, ñalɩmɩyɛ naɖɩyɛ kaɣ lɩnʋʋ ɛsɔdaa ɛzɩ tɛʋ feŋuu yɔ nɛ ɖitii ɖɔ-yɔɔ, 79 se ɖɩñandɩ mba pacaɣ cɩkpɛndʋʋ tɛɛ nɛ sɩm kuzotuu taa yɔ+ nɛ ɖiɖiyi ɖa-nɩŋgbanzɩ laŋhɛzɩyɛ nʋmɔʋ taa.»

30 mbʋ pʋyɔɔ yɔ mɛ-ɛsa na nʋmɔʋ ŋgʋ kɩ-yɔɔ ŋtɩŋɩɣna se ŋkɔnɩ ñʋʋ yabʋ yɔ,+ 31 ŋgʋ ŋñɔɔzɩ ajɛɛ kpeekpe ɛsɩndaa yɔ,+ 32 ñalɩmɩyɛ+ nɖɩ ɖikuluu kɛdɛɛka ŋga kohuuzi ajɛɛ ɛsa yɔɔ yɔ,+ nɛ ña-samaɣ Izrayɛɛlɩ samtʋ.»

9 Ñalɩmɩyɛ toovenim ñɩnɖɛ nɖɩ ɖɩhaɣ ñalɩmɩyɛ ɛyaa ndɩ ndɩ yɔ, ɖɩɩwɩzɩ kɔm ɛjaɖɛ yɔɔ.+

8 12 Nɛ Yesu tasɩ-wɛ yɔɔdɩnʋʋ nɛ ɛtɔ se: «Mɛkɛnɩ ɛjaɖɛ ñalɩmɩyɛ.+ Weyi ɛtɩŋɩɣ ma-wayɩ yɔ, ɛɛkaɣ ɖɔm cɩkpɛndʋʋ taa kpa, ɛlɛ ɛkaɣ wɛnʋʋ wezuu ñalɩmɩyɛ.»+