24 Mowaabʋ mba sʋ Izrayɛɛlɩ ɖigbeɣliye* taa lɛ, Izrayɛɛlɩ mba kʋyɩ nɛ papaɣzɩ-wɛ kʋʋ, nɛ Mowaabʋ mba se.+ Izrayɛɛlɩ mba wolo pasʋʋ Mowaabʋ taa, nɛ pɛwɛɛ pakʋʋ Mowaabʋ mba wobu yɔɔ. 25 Pɔyɔkɩ tɛtʋ ndɩ ndɩ; nɛ paa weyi lɛ, ɛlɔ pɩyɛ hayɩm kɩbam tɩŋa taa, nɛ peyele nɛ pɛɛ su pɩ-taa; paɖɩɣ lɩm hila tɩŋa,+ pɛsɛtɩ tɩŋ kɩbaŋ tɩŋa.+ Nɛ Kiir-Haresɛɛtɩ+ pɛɛ kolonzi ɖeke pɩɩkazaa se sɩsɩŋaa; nɛ pʋtɔɖɛ tɔyaa cɔɔ tɛtʋ ndʋ nɛ pata nɛ pɔyɔkɩ-tʋ.