12 nɛ mɛncɛlɩ Maseyiya pɩyalʋ Neriya+ pɩyalʋ Baaruuki+ hayɩm yabʋ takayaɣ; mɛncɛlɩ-ɩ kɛ man-caa ɖalʋ pɩyalʋ Hanamɛɛlɩ, aseɣɖe tɩnaa mba pama tɔm hayɩm yabʋ takayaɣ taa yɔ, nɛ Yuuda ñɩma mba payɩ paacaɣ Feŋiyaa Kadaɣ+ taa yɔ pɛ-ɛsɩndaa.

2 «Tɔm tʋnɛ Izrayɛɛlɩ tɛ Ɛsɔ Yehowa yɔɔdʋʋ ña Baaruuki ñɔ-yɔɔ: 3 “Ŋyɔɔdaa se: ‘Pɩtɔɔ-m, mbʋ pʋyɔɔ yɔ Yehowa sɔzɩ laŋwɛɛkɩyɛ men-siziŋ nɩʋ yɔɔ! Pɩnɩ-m nɛ mɔla, nɛ mantihiɣ ɖɩhɛzɩyɛ lone naɖɩyɛ.’”

4 «Pɩwɛɛ se ŋheyi-i se: “Tɔm tʋnɛ Yehowa yɔɔdʋʋ: ‘Na! Mbʋ mamawa yɔ, mɔyɔkʋʋ-pʋ; nɛ mbʋ mɔnsɔwa yɔ, mɛnkpɛzɩɣ-pʋ, pʋ-tɔbʋʋ se ɛjaɖɛ tɩŋa.+ 5 Ɛlɛ ŋwɛɛ nɛ ŋñɩnɩɣ ña-tɩ* wondu sɔsɔtʋ. Yele wondu ndʋ tɩ-ñɩnʋʋ.’”

«“Mbʋ pʋyɔɔ yɔ mawɩzɩ kɔnʋʋ asɛyʋʋ tomnasɩ* kpeekpe yɔɔ,+ nɛ paa le ŋwoki yɔ, mankaɣ-ŋ cɛlʋʋ ñe-wezuu* nɛ pɩkɛ ña-kɩhɛyʋʋ,”*+ Yehowa yɔɔdʋʋna.»