15 Pɔ-cɔzɔnaa tɛ Ɛsɔ Yehowa tɩŋnɩ mba etiyi-wɛ yɔ pɔ-yɔɔ nɛ ɛwɛɛ ɛpakɩ-wɛ, ɛpakɩ-wɛ nɛ ɛlɛlɩɣ tam sakɩyɛ, mbʋ pʋyɔɔ yɔ ɛ-samaɣ nɛ ɛ-ɖɩjaɣyɛ pɔ-tɔm labɩ-ɩ pʋtɔdɩyɛ. 16 Ɛlɛ pɛwɛɛ nɛ powoŋuu mba Ɛsɔ toovenim tʋ tiyaɣ yɔ,+ nɛ peniŋ ɛ-tɔm+ nɛ powoŋuu ɛ-nayaa,+ pɩkɔɔ nɛ pɩtalɩ alɩwaatʋ ndʋ Yehowa kɔ pana nɛ ɛ-samaɣ,+ pɩkɔɔ nɛ pɩtalɩ alɩwaatʋ ndʋ pɩɩsaŋ se pawaa-kɛ yɔ.

24 Ɛlɛ patiwelisi nɛ patɩkʋ nɩŋgbaŋʋʋ;+ ɛlɛ pɔɖɔm mbʋ pa-maɣmaɣ paɖʋwa se palakɩ yɔ pɩ-yɔɔ,* palabɩ ñʋʋ taa ɖoŋ nɛ patɩŋɩɣ pa-laŋɩyɛ kɩdɛkɛdɩyɛ,+ nɛ ɖenɖe ɛzɩ paaɖɛnɩ ɛsɩndaa lɛ, papɩsɩɣnɩ wayɩ, 25 kpaɣnɩ kɩyakʋ ŋgʋ mɩ-cɔzɔnaa lɩ Ejipiti ɛjaɖɛ taa yɔ nɛ pɩkɔɔ pɩtalɩ sɔnɔ kɩyakʋ kʋnɛ.+ Pʋyɔɔ mɛwɛɛ nɛ mentiyiɣ ma-lɩmɖʋyaa mba payɩ pɛkɛ nayaa yɔ mɩ-cɔlɔ, mentiyiɣ-wɛ paa ɖooye, mentiyiɣ-wɛ nɛ mɛlɛlɩɣ tam sakɩyɛ.*+ 26 Ɛlɛ pekizi se paawelisiɣni-m, nɛ patɩkʋ nɩŋgbaŋʋʋ.+ Ɛlɛ palabɩ ñʋʋ taa ɖoŋ,* nɛ pala lakasɩ kɩdɛkɛdɩsɩ nɛ pɩkpaɖɩ pɔ-cɔzɔnaa!

15 Nɛ maawɛɛ nɛ mentiyiɣ ma-lɩmɖʋyaa mba payɩ pɛkɛ nayaa yɔ mɩ-cɔlɔ, mentiyaɣ-wɛ nɛ mɛlɛlɩɣ tam sakɩyɛ*+ se peheyi-mɩ se: “Ðitendi-mɩ, mɩ-taa paa weyi lɛ eyele ɛ-nʋmɔŋ kɩdɛkɛdɩŋ nɛ ɛpɩsɩ,+ nɛ ɛla mbʋ pɩtʋʋzaa yɔ! Ɩtaatɩŋ ɛsɔnaa lalaa wayɩ nɛ ɩsɛɛ-wɛ. Ðɩnɛ ɛlɛ ɩkaɣ wobu pɩ-yɔɔ nɛ ɩcaɣ ɛjaɖɛ nɖɩ maha mɩ nɛ mɩ-cɔzɔnaa yɔ ɖɩ-taa.”+ Ɛlɛ ɩtɩkʋ nɩŋgbaŋʋʋ nɛ itiwelisini-m.