• Izaayii 9:7
    Bibl—Ɛjaɖɛ kɩfaɖɛ tɔm ɖɛzʋʋ

    •  7 E-kewiyitu tɔɔʋ* kaɣ talʋʋ paa le

      Nɛ laŋhɛzɩyɛ ɛɛkaɣ wɛnʋʋ tɩnaɣ+

      Daviid kewiyaɣ kpelaɣ+ yɔɔ nɛ e-kewiyaɣ taa

      Se pɩsa nɛ ɛkam-kɛ camɩyɛ+ nɛ ɛɖɔkɩ-kɛ

      Pɩtɩŋnɩ mbʋ pɩtʋʋzaa yɔ+ pɩ-labʋ yɔɔ nɛ siɣsiɣ wɛtʋ+ yɔɔ

      Kpaɣnɩ lɛɛlɛɛyɔ nɛ pɩɖɛɛ tam tam.

      Yoyaa tɛ Yehowa kpekpeka kaɣnɩ labʋ mbʋ.

  • Izaayii 11:3, 4
    Bibl—Ɛjaɖɛ kɩfaɖɛ tɔm ɖɛzʋʋ

    •  3 Nɛ ɛkaɣ hiɣu taa leleŋ Yehowa sɔɔndʋ seu taa.+

      Ɛɛkaɣ cɔnʋʋ ɛsa yɔɔ yem nɛ ɛhʋʋ tɔm,

      Nɛ ɛɛkaɣ nɩŋgbaŋʋʋ hɔm tɔm ndʋ ɛnɩɣ yɔ ti-ɖeke tɩ-yɔɔ.+

       4 Ɛkaɣ ajamaa tɔm hʋʋ siɣsiɣ,*

      Nɛ ɛkaɣ labʋ mbʋ pɩtʋʋzaa yɔ se pɩsa nɛ ɛkandɩyɩ hɛɛɛ tɩnaa mba pɛwɛ tɛtʋ yɔɔ yɔ pɔ-yɔɔ.

      Ɛkaɣ mabʋ tɛtʋ nɛ ɛ-nɔɔ taa ɖaʋ+

      Nɛ ɛkʋ ɛyʋ kɩdɛkɛdʋ nɛ e-ndomee helim.*+