• Yereemii 30:10
    Bibl—Ɛjaɖɛ kɩfaɖɛ tɔm ɖɛzʋʋ

    • 10 «Nɛ ña, ma-lɩmɖʋyʋ Yakɔɔb, sɔɔndʋ ɛtaakpa-ŋ,

      Nɛ taaseli, Oo Izrayɛɛlɩ.+

      Mbʋ pʋyɔɔ yɔ mankaɣ ña-ñʋʋ yabʋ nɛ ɖooo poliŋ taa

      Nɛ maya ña-lʋlʋʋ taa mba ñʋʋ ɛjaɖɛ nɖɩ ɖɩ-taa powoni-wɛ yomiye taa yɔ.+

      Yakɔɔb kaɣ pɩsʋʋ nɛ ɛcaɣ ɖiɣ ɖiɣ nɛ ɛkaɣ wɛʋ kaalɛyɩtʋ,

      Nɛ nɔɔyʋ ɛɛkaɣ-ɩ ɖʋʋ sɔɔndʋ,»+ Yehowa yɔɔdʋʋna.

  • Yereemii 46:27
    Bibl—Ɛjaɖɛ kɩfaɖɛ tɔm ɖɛzʋʋ

    • 27 “Piyele nɛ ña yɔ, sɔɔndʋ ɛtaakpa-ŋ, ma-lɩmɖʋyʋ Yakɔɔb,

      Nɛ taaseli, Oo Izrayɛɛlɩ.+

      Mbʋ pʋyɔɔ yɔ mankaɣ ña-ñʋʋ yabʋ nɛ ɖooo poliŋ taa

      Nɛ maya ña-lʋlʋʋ taa mba* ñʋʋ ɛjaɖɛ nɖɩ ɖɩ-taa powoni-wɛ yomiye taa yɔ.+

      Yakɔɔb kaɣ pɩsʋʋ nɛ ɛcaɣ ɖiɣ ɖiɣ nɛ ɛkaɣ wɛʋ kaalɛyɩtʋ.

      Nɛ nɔɔyʋ ɛɛkaɣ-ɩ ɖʋʋ sɔɔndʋ.+