• Izaayii 51:3
    Bibl—Ɛjaɖɛ kɩfaɖɛ tɔm ɖɛzʋʋ

    •  3 Mbʋ pʋyɔɔ yɔ Yehowa kaɣ hɛzʋʋ Siyɔŋ laŋɩyɛ.+

      Ɛkaɣ kɔnʋʋ laŋɩyɛ hɛzʋʋ kɩ-njaa tɩŋa taa,+

      Nɛ ɛkaɣ yebu nɛ kɩ-kañɩmbusuu wɛɛ ɛzɩ Edɛɛnɩ yɔ+

      Nɛ kɩ-kañɩmbusuu kɛdɛɛŋa wɛɛ ɛzɩ Yehowa kaɖaɣ yɔ.+

      Amɛya nɛ taa leleŋ kaɣ wɛʋ kɩ-taa,

      Sɛtʋ haʋ nɛ hendu kɩbandʋ kaɣ wɛʋ kɩ-taa.+

  • Yereemii 30:18, 19
    Bibl—Ɛjaɖɛ kɩfaɖɛ tɔm ɖɛzʋʋ

    • 18 Tɔm tʋnɛ Yehowa yɔɔdʋʋ:

      «Ɩna, menɖiɣni kpeɣluu Yakɔɔb kizinzikiŋ yomaa,+

      Nɛ mankaɣ naʋ ɛ-Ɛsɔ sɛtʋ kɩɖanɖɩŋ pʋtɔdɩyɛ.

      Pakaɣ tɛtʋ ɖaɣnʋʋ maʋ ti-piyaɣ yɔɔ,+

      Nɛ ɖoŋ tilimiye kaɣ sɩŋʋʋ lone nɖɩ ɖɩ-taa pɩpɔzʋʋ yɔ.

      19 Nɛ pakaɣ nɩʋ ɛsɩmɩyɛ nɛ woŋa taŋ pɔ-cɔlɔ.+

      Mankaɣ yebu nɛ pohuu, nɛ paakaɣ pasʋʋ;+

      Mankaɣ yebu nɛ pɔɖɔɔ sakɩyɛ,*

      Nɛ paakaɣ kɛʋ mba patɩlɩɩ pʋyʋ yɔ.+

  • Amoosi 9:14
    Bibl—Ɛjaɖɛ kɩfaɖɛ tɔm ɖɛzʋʋ

    • 14 Mankaɣ kpeɣluu man-samaɣ Izrayɛɛlɩ yomaa nɛ manpɩsɩnɩ-wɛ,+

      Nɛ pakaɣ ɖaɣnʋʋ maʋ pɛ-tɛtʋ ndʋ tɩpɩsɩ njɛyɛ yɔ nɛ pɛwɛɛ tɩ-taa;+

      Pakaɣ sɔʋ viiñi nɛ pɔñɔɔ kɩ-vɛɛ,+

      Nɛ pakaɣ labʋ kaɖasɩ nɛ pɔtɔɔ sɩ-taa pee.”+