20 Yehowa tasɩ heyuu Aarɔɔnɩ se: «Ŋŋkaɣ wɛnʋʋ ñɩm nabʋyʋ pɛ-ɛjaɖɛ taa, nɛ kotoŋa nakɛyɛ ɛɛkaɣ pɩsʋʋ ña-pʋyʋ pɛ-hɛkʋ taa.+ Mɛkɛnɩ ñe-ɖeɖe nɛ ña-ñɩm Izrayɛɛlɩ mba hɛkʋ taa.+

18 «Cɔjɔnaa Leevi mba nɛ Leevi cejewiye kpeekpe ɩɩkaɣ wɛnʋʋ ɖeɖe yaa ñɩm nabʋyʋ ɛzɩ Izrayɛɛlɩ mba lalaa yɔ. Kɩlaŋ weyi pañaɣzɩɣ-ɩ miŋ Yehowa yɔ, weyi ɩkɛ ɛ-ñɩm yɔ, ɩ-taa pakaɣ tɔɔʋ pɔ-tɔɔnaɣ.+

14 Leevi mba cejewiye ɖeke ɛtaatayɩnɩ tɛtʋ.+ Kɩlaŋ weyi pañaɣzɩɣ-ɩ miŋ Izrayɛɛlɩ tɛ Ɛsɔ Yehowa yɔ, ɛnɩ kɛnɩ pe-ɖeɖe,+ ɛzɩ ɛɛlabʋ-wɛ tamaɣ yɔ.+

4 Hɔɔlʋʋ ŋgʋ, kɩkaɣ kɛʋ ɛjaɖɛ hɔɔlʋʋ kiɖeɖeu ŋgʋ kɩkɛ cɔjɔnaa pʋyʋ yɔ;+ cɔjɔnaa mba pɛkɛ kooka kiɖeɖeɣa lɩmɖʋyaa yɔ, mba pɔñɔtʋʋnɩ Yehowa se paɖʋ-ɩ lɩm yɔ.+ Kɩkaɣ kɛʋ lone nɖɩ ɖɩ-taa pa-ɖɩsɩ wɛɣ yɔ nɛ lone kiɖeɖeye nɖɩ ɖɩ-taa kooka kiɖeɖeɣa wɛɣ yɔ.