15 Maawɛɛ nɛ mɔncɔŋnɩ Ɛsɔ tiyiyaa mba lɛ, mana pɔbɔɖɛ kʋɖʋmɖɩyɛ Ɛsɔ tiyiyaa mba pɛ-ɛsɩndaa wɛ tam 4 taa yɔ pa-taa paa weyi lɛ, ɛ-cɔlɔ tɛtʋ yɔɔ.+ 16 Pɔbɔla ñɩlɩsaɣ ɛzɩ krizooliitɩ pɛɛ palabɩnɩ-yɛ yɔ, nɛ a-naanza anɩɣzɩnɩ ɖama. Ye ŋcɔnɩ a-wɛtʋ nɛ ɛzɩma palabɩ-yɛ yɔ, pɩwɛ ɛzɩ pɔbɔɖɛ lɛɛɖɛ wɛ lɛɛɖɛ taa yɔ. 17 Aaɖɛɣ lɛ, apɩzɩɣ nɛ aɖɛɛnɩ hɔɔlɩŋ 4 ɛnɩ ɩ-taa nɛ aakɛzɩɣ a-tɩ. 18 A-kpayasɩ kʋyɩ siŋŋ nɛ ye ŋna-sɩ yɔ, sɩcaɣ sɔɔndʋ; nɛ ɛsa kaasu kpayasɩ nzɩ sɩ-naanza sɩ-yɔɔ nɛ pɩcɔɔ pɩta.+