41 Fenaɣ 7 ñɩŋga taa, Eliisama pɩyalʋ Netaniya pɩyalʋ Isimayɛɛlɩ,+ weyi ɛɛkɛ wiyaʋ liɖe* taa tʋ nɛ wiyaʋ ɛyaa sɔsaa taa nɔɔyʋ yɔ, ɛ nɛ abalaa 10 lalaa pɔkɔɔ Ahikam pɩyalʋ Gedaliya cɔlɔ Mizpaa.+ Pɛkpɛndaa nɛ pɔtɔkɩ tɔɔnaɣ Mizpaa lɛ, 2 Netaniya pɩyalʋ Isimayɛɛlɩ nɛ ɛyaa 10 mba paawɛ ɛ-cɔlɔ yɔ, pakʋyɩ nɛ pakʋ Safaanɩ pɩyalʋ Ahikam pɩyalʋ Gedaliya nɛ laɣɖɛ. Mbʋ ɛkʋ weyi Babilɔɔnɩ wiyaʋ kaalɩzaa nɛ ɛkɛ wiyaʋ ɛjaɖɛ taa yɔ.