17 Ɛkpaɣ nʋmɔʋ nɛ ɛɖɛɣ lɛ, abalʋ nɔɔyʋ se nɛ ewolo nɛ eluŋ ɛ-nʋmbɔla yɔɔ ɛ-ɛsɩndaa nɛ ɛpɔzɩ-ɩ se: «Wɩlɩyʋ kɩbanʋ, ɛbɛ pɩwɛɛ se mala nɛ mehiɣ wezuu maatɛŋ?»+ 18 Yesu cosi-i se: «Ɛbɛ yɔɔ ŋyaɣ-m se kɩbanʋ? Nɔɔyʋ tɩkɛ kɩbanʋ, ɛlɛ Ɛsɔ ɖeke koŋ kɛnɩ kɩbanʋ.+ 19 Ŋsɩm paɣtʋ: “Taakʋ ɛyʋ,+ taala acɛyɛ,+ taamɩlɩ,+ taalɩzɩ cɛtɩm aseɣɖe,+ taamuli,+ ɖʋ ña-caa nɛ ño-ɖoo hɩɖɛ.”»+ 20 Abalʋ ɛnʋ ekitini-i se: «Wɩlɩyʋ, mɔnɖɔm paɣtʋ ndʋ tɩ-tɩŋa payɩ tɩ-yɔɔ kpaɣnɩ ɖooo me-evebitu taa.» 21 Yesu cɔnɩ-ɩ nɛ ɛsɔɔlɩ-ɩ nɛ eheyi-i se: «Pɩkazɩ-ŋ pʋyʋ kʋɖʋm: Wolo nɛ ŋpɛdɩ mbʋ ŋwɛna yɔ nɛ ŋha kʋñɔndɩnaa, nɛ ŋkaɣ wɛnʋʋ ñɩm ɛsɔdaa; nɛ ŋkɔɔ ŋtɩŋ ma-wayɩ.»+ 22 Ɛlɛ Yesu heyi-i mbʋ lɛ, ɛ-ɛsɩndaa wɛɛkɩ; nɛ ɛɖɛɛnɩ laŋwɛɛkɩyɛ mbʋ pʋyɔɔ yɔ ɛɛwɛnɩ ñɩm sakɩyɛ.+

18 Nɛ ñʋndɩnaa taa nɔɔyʋ pɔzɩ-ɩ se: «Wɩlɩyʋ kɩbanʋ, ɛbɛ pɩwɛɛ se mala nɛ mehiɣ wezuu maatɛŋ?»+ 19 Yesu cosi-i se: «Ɛbɛ yɔɔ ŋyaɣ-m se kɩbanʋ? Nɔɔyʋ tɩkɛ kɩbanʋ, ɛlɛ Ɛsɔ ɖeke koŋ kɛnɩ kɩbanʋ.+ 20 Ŋsɩm paɣtʋ: “Taala acɛyɛ,+ taakʋ ɛyʋ,+ taamɩlɩ,+ taalɩzɩ cɛtɩm aseɣɖe,+ ɖʋ ña-caa nɛ ño-ɖoo hɩɖɛ.”»+ 21 Nɛ ɛlɛ kitini-i se: «Mɔnɖɔm paɣtʋ ndʋ tɩ-tɩŋa payɩ tɩ-yɔɔ kpaɣnɩ ɖooo me-evebitu taa.» 22 Yesu nɩ mbʋ lɛ, eheyi-i se: «Pɩtasɩ-ŋ kazʋʋ pʋyʋ kʋɖʋm: Pɛdɩ mbʋ payɩ ŋwɛna yɔ nɛ ŋtayɩ kʋñɔndɩnaa liidiye, nɛ ŋkaɣ wɛnʋʋ ñɩm ɛsɔdaa; nɛ ŋkɔɔ ŋtɩŋ ma-wayɩ.»+ 23 Ɛnɩ mbʋ lɛ, ɛwɛɛ laŋwɛɛkɩyɛ taa siŋŋ, mbʋ pʋyɔɔ yɔ ɛɛwɛnɩ ñɩm pɩdɩɩfɛyɩ.+