24 Yesu heyi-wɛ se: «Ɛzɩ pɩtɩkɛ pʋyɔɔ piyiɣdi-mɩ? Mbʋ pʋyɔɔ yɔ ɩɩsɩŋ Masɩ nɛ ɩɩsɩŋ ɖɔɖɔ Ɛsɔ ɖoŋ.+ 25 Mbʋ pʋyɔɔ yɔ, alɩwaatʋ ndʋ sɩɖaa feŋ yɔ, abalaa ɩɩkpakɩɣ halaa nɛ halaa ɖɔɖɔ ɩɩwalɩɣ, ɛlɛ pɛwɛɣ ɛzɩ Ɛsɔ tiyiyaa yɔ ɛsɔdaa.+ 26 Ɛlɛ sɩɖaa femtu yɔɔ tɔm lɛ, ɩtɩkalɩ Moyizi takayaɣ taa, sɔɔ cɔkɔyɛ tɔm taa se Ɛsɔ heyi-i se: “Mɛnkɛ Abraham tɛ Ɛsɔ nɛ Izaakɩ tɛ Ɛsɔ nɛ Yakɔɔb tɛ Ɛsɔ” yaa we?+ 27 Ɛtɩkɛ sɩɖaa tɛ Ɛsɔ, ɛlɛ ɛsadɩnaa tɛ Ɛsɔ. Piyiɣdi-mɩ kpem.»+