13 Pʋwayɩ lɛ, ɛyaa kɔnɩ-ɩ piya cikpesi se ɛtɩnɩ e-nesi sɩ-yɔɔ nɛ ɛtɩmɩ sɩ-yɔɔ, ɛlɛ tɔmkpɛlɩkɩyaa kalɩ-wɛ.+ 14 Ɛlɛ Yesu heyi-wɛ se: «Iyele piya cikpesi, ɩtaaɖaŋ-sɩ se sɩtaakɔɔ mɔn-cɔlɔ, mbʋ pʋyɔɔ yɔ mba pɛwɛ ɛzɩ piya nzɩ yɔ, mba tɩnɩ ɛsɔdaa Kewiyaɣ.»+ 15 Nɛ ɛtɩnɩ e-nesi sɩ-yɔɔ nɛ ɛkʋyɩ peeɖe nɛ ɛɖɛɛ.

13 Nɛ ɛyaa paɣzɩ-ɩ kɔnʋʋ piya cikpesi se etukuni-sɩ, ɛlɛ tɔmkpɛlɩkɩyaa kalɩ-wɛ.+ 14 Yesu na mbʋ lɛ, pɩwɩzɩ-ɩ nɛ eheyi-wɛ se: «Iyele piya cikpesi nɛ sɩkɔɔ mɔn-cɔlɔ; ɩtaaɖaŋ-sɩ, mbʋ pʋyɔɔ yɔ mba pɛwɛ ɛzɩ piya nzɩ yɔ, mba tɩnɩ Ɛsɔ Kewiyaɣ.+ 15 Toovenim taa lɛ, meheyiɣ-mɩ se, weyi ɛɛmʋʋ Ɛsɔ Kewiyaɣ ɛzɩ pɩɣa cikpelaɣ yɔ, ɛɛkaɣ sʋʋ ka-taa kpa.»+ 16 Nɛ ɛkpaɣ piya ɛ-nɔkɔyʋʋ taa, nɛ ɛtɩnɩ e-nesi sɩ-yɔɔ nɛ ɛpaɣzɩ-sɩ wazʋʋ.+