57 Nɛ ɖanaɣ ɖanaa lɛ, Ariimatee abalʋ ñɩm tʋ nɔɔyʋ kɔɔ, payaɣ-ɩ se Yosɛɛfʋ, nɛ ɛɛpɩsɩ ɖɔɖɔ Yesu tɔmkpɛlɩkɩyʋ.+ 58 Abalʋ ɛnʋ, ewolo Pilaatɩ cɔlɔ nɛ ɛpɔzɩ se pɛcɛlɩ-ɩ Yesu tomnaɣ.+ Nɛ Pilaatɩ ha nɔɔ se pɛcɛlɩ-ɩ kɛ.+ 59 Yosɛɛfʋ kpaɣ tomnaɣ nɛ ɛhɔkɩ-kɛ pɩsaʋ kɩbaŋʋ ŋgʋ kɩwɛ cɩɖɩ cɩɖɩ yɔ kɩ-taa,+ 60 nɛ ɛhɩzɩ-kɛ ɛ-pɩlaʋ* kɩfalʋʋ+ ŋgʋ eehuyi-kʋ kaaʋ taa yɔ kɩ-taa. Nɛ epilisi kaaʋ sɔsɔʋ nakʋyʋ nɛ ɛɖɩɣ pɩlaʋ* nɔɔ lɛ, ɛɖɛɛ.

43 Yosɛɛfʋ Ariimatee tʋ kɔɔ, ɛɛkɛ Yuuda mba Ɛsɔ sɛtʋ tɔm ɖɩhʋyɛ* taa tʋ weyi pañaŋaɣ-ɩ yɔ, nɛ ɛnʋ ɖɔɖɔ ɛɛɖaŋ Ɛsɔ Kewiyaɣ. Ɛla abalɩtʋ nɛ ewolo Pilaatɩ cɔlɔ nɛ ɛpɔzɩ se pɛcɛlɩ-ɩ Yesu tomnaɣ.+ 44 Ɛlɛ Pilaatɩ ñɩnaɣ se ɛna se ɛzɩ Yesu tɛm sɩbʋ na, pʋyɔɔ ɛya sɔɔja sɔsɔ nɛ ɛpɔzɩ-ɩ se Yesu tɛm sɩbʋ na. 45 Nɛ sɔɔja sɔsɔ heyi-i se toovenim taa Yesu sɩba lɛ, ɛha Yosɛɛfʋ nʋmɔʋ se ɛkpaɣ e-tomnaɣ. 46 Ɛyabɩ pɩsaʋ kɩbaŋʋ nakʋyʋ nɛ etisi-i sizika yɔɔ lɛ, ɛhɔkɩ-ɩ pɩsaʋ kɩbaŋʋ ŋgʋ kɩ-taa nɛ ɛhɩzɩ-ɩ pɩlaʋ*+ ŋgʋ paahuyi-kʋ kaaʋ taa yɔ kɩ-taa; nɛ epilisi kaaʋ sɔsɔʋ nakʋyʋ nɛ ɛɖɩɣ pɩlaʋ nɔɔ.+

38 Nɛ pʋwayɩ lɛ, Yosɛɛfʋ Ariimatee tʋ, weyi ɛɛkɛ Yesu tɔmkpɛlɩkɩyʋ mɛsaɣ tɛɛ mbʋ pʋyɔɔ yɔ eseɣaɣ Yuuda mba sɔɔndʋ yɔ,+ ɛpɔzɩ Pilaatɩ se ɛna se ɛpɩzɩɣ nɛ etisi Yesu tomnaɣ yaa we; nɛ Pilaatɩ ha-ɩ nʋmɔʋ. Peeɖe ɛkɔma nɛ etisi Yesu tomnaɣ.+