20 Timootee, ɖɔkɩ mbʋ paɖʋzɩ ñe-nesi tɛɛ yɔ kpam,+ nɛ ŋha siɣye tɔm ndʋ tɩɩwazɩɣ pʋyʋ nɛ tipisiɣ wondu kiɖeɖetu yɔ nɛ tɔm hɔm mbʋ pɛcɛtɩɣ nɛ payaɣ se «sɩmtʋ» yɔ.+

16 Ɛlɛ kizi tɔm ndʋ tɩɩwazɩɣ pʋyʋ nɛ tipisiɣ wondu kiɖeɖetu yɔ,+ mbʋ pʋyɔɔ yɔ tɩkaɣ yebu nɛ Ɛsɔ yɔɔ kaañamtʋ wɛnʋʋ ɖɔɔ nɛ pɩkɩlɩ; 17 nɛ pɔ-tɔm kaɣ yɛlʋʋ ɛzɩ kɩjɩkpʋʋ ŋgʋ kɩtɛzɩɣ walʋʋ yɔ. Pa-taa kɛlɛ Imenee nɛ Filɛɛtɩ.+ 18 Ɛyaa mba, peyebi toovenim, nɛ pɔtɔŋ se pɛtɛm sɩɖaa fezuu,+ nɛ pɛwɛɛ nɛ paɖʋzʋʋ nabɛyɛ tisuu.