• Wayɩ Wayɩ Paɣtʋ 24:14, 15
    Bibl—Ɛjaɖɛ kɩfaɖɛ tɔm ɖɛzʋʋ

    • 14 «Pɩfɛyɩ se ŋmuli abaa tʋ weyi ɛwɛ kɩcɛyɩm taa nɛ ɛkɛ kʋñɔndʋ yɔ, paa pɩtɩɩkɛ ño-koobu nɔɔyʋ yaa ɛgɔm weyi ɛwɛ ñɛ-ɛjaɖɛ taa tɛtʋ* natʋyʋ taa yɔ.+ 15 Pɩwɛɛ se ŋhɛyɩ-ɩ kɩyakʋ ŋgʋ ki-wiye maɣmaɣ,+ pʋcɔ nɛ wɩsɩ ɖʋ; mbʋ pʋyɔɔ yɔ ɛwɛ kɩcɛyɩm taa, nɛ mbʋ ŋhɛyɩɣ-ɩ yɔ mbʋ ɖɔkʋʋnɩ e-wezuu.* Pɩtɩkɛ mbʋ yɔ, ñɔ-yɔɔ lɛ, ɛkaɣ mabʋ kubusi nɛ Yehowa cɔlɔ kiŋ, ɖɩnɛ ɛlɛ ŋɖɔʋ wɛɛ.+

  • Yereemii 22:13
    Bibl—Ɛjaɖɛ kɩfaɖɛ tɔm ɖɛzʋʋ

    • 13 Pɩtɔɔ weyi ɛmaɣ ɛ-ɖɩɣa ɛlɛ ɛɛtɩŋɩɣnɩ siɣsiɣ wɛtʋ yɔɔ yɔ

      Nɛ ɛmaɣ ɛ-ɛsɔdaa kuduyuŋ ɛlɛ ɛɛtɩŋɩɣnɩ siɣsiɣ wɛtʋ yɔɔ yɔ,

      Weyi eyeki nɛ e-koobu lakɩ-ɩ tʋmɩyɛ falaa,

      Nɛ ekiziɣ se ɛɛhɛyɩɣ-ɩ ɛ-kɩhɛyʋʋ yɔ;+

  • Malakii 3:5
    Bibl—Ɛjaɖɛ kɩfaɖɛ tɔm ɖɛzʋʋ

    • 5 «Mankaɣ-mɩ ñɔtɩnʋʋ se mahʋʋnɩ-mɩ tɔm, nɛ mankaɣ aseɣɖe lɩzʋʋ lɛɛ lɛɛ nɛ mankʋ maajiki laɖaa tɔm,+ acɛyɛ laɖaa tɔm, mba palakɩ cɛtɩm ɖuutu yɔ pɔ-tɔm,+ mba pomuluu weyi ɛlakɩ tʋmɩyɛ se pɛhɛyɩ-ɩ yɔ,+ mba pomuluu lelu nɛ pɩɣa ŋga kɛfɛyɩ caa yɔ* pɔ-tɔm,+ nɛ mba pekiziɣ se paasɩɣnɩ ɛgɔm yɔ* pɔ-tɔm.+ Patise-m sɔɔndʋ,» yoyaa tɛ Yehowa yɔɔdʋʋna.