20 Nɛ pakpa tɛtɛgbɩnɛ, ɖɩ nɛ cɛtɩm nayʋ+ weyi ɛlabɩ ɖɩ-ɛsɩndaa yʋsasɩ nzɩ sɩ-yɔɔ ɛtɩŋnaa nɛ epeɣzi mba pamʋ tɛtɛgbɩnɛ yʋsaɣ+ nɛ mba pɛsɛɣ ɖɩ-lɛzʋʋ yɔ.+ Pakpaɣ pa-naalɛ nɛ pɔlɔ-wɛ nɛ pɛ-ɛsa miŋ lɩyɛ nɖɩ ɖɩ-taa wɛ tɩm nɛ ɖɩmʋʋ siŋŋ yɔ ɖɩ-taa.+

4 Nɛ mana kewiyaɣ kpelisi, nɛ mba pacaɣ sɩ-yɔɔ yɔ paha-wɛ ɖoŋ se pahʋʋ tɔm. Ɛɛɛ, mba pakʋ-wɛ* aseɣɖe nɖɩ palɩzɩ Yesu yɔɔ nɛ Ɛsɔ tɔm ndʋ pɔyɔɔdaa yɔ tɩ-yɔɔ yɔ, nɛ mba patɩsɛɛ tɛtɛgbɩnɛ yaa ɖɩ-lɛzʋʋ nɛ patɩmʋ yʋsaɣ pe-kiɖe taa nɛ pe-nesi yɔɔ yɔ, mana pa-kalɩzasɩ.*+ Nɛ pefe nɛ pa nɛ Krɩstʋ pɔtɔɔ kewiyitu+ pɩnzɩ 1 000.