Keɣa
Hendu teyaa ñʋʋdʋ: Gitiitɩ* yɔɔ. Azaafʋ+ hendu.
81 Ɩma taa leleŋ kubusi Ɛsɔ, ɛnʋ weyi ɛkɛ ɖo-ɖoŋ yɔ.+
Ɩma wabɩtʋ kubusi Yakɔɔb tɛ Ɛsɔ.
2 Ɩma minziiki, ɩkpaɣ nesi tɛɛ suye,*
Cɩmʋʋ ŋgʋ kiwiɣ camɩyɛ yɔ nɛ cɩmʋʋ wonuu ŋgʋ kɩ-yɔɔ wɛ nimasɩ yɔ.
3 Ɩhʋlɩ nɔndɔʋ alɩwaatʋ ndʋ fenaɣ kɩfalaɣ lɩɣ yɔ,+
Alɩwaatʋ ndʋ fenaɣ siki yɔ, ɖa-kazandʋ kɩyakʋ wiye.+
4 Mbʋ pʋyɔɔ yɔ pɩkɛnɩ paɣtʋ Izrayɛɛlɩ,
Yakɔɔb tɛ Ɛsɔ ɖʋnɩ paɣtʋ ndʋ.+
Manɩ nɔɔ* nakɛyɛ taŋ, ɛlɛ mantɩtɩlɩ-kɛ, kɔtɔŋaɣ se:
6 «Mankʋsɩ sʋʋtʋ ɛ-hazaɣ yɔɔ;+
E-nesi hɛzɩnɩ ɖɔkʋ ɖɔkʋʋ.
7 Ŋya-m alɩwaatʋ ndʋ ŋŋwɛ kʋñɔŋ taa yɔ, nɛ moholi-ŋ;+
Mantakɩ-ŋ Meriba* lɩm cɔlɔ.+ (Sɛɛla)
8 Man-samaɣ, welisi, mankaɣ lɩzʋʋ aseɣɖe nɛ mankʋ ñɔ-tɔm.
Oo Izrayɛɛlɩ, ye ŋŋwelisaɣni-m,+
9 Ðɩnɛ agbaaɣdaa ɛsɔ nɔɔyʋ taawɛɛ ñɛ-tɛ,
Nɛ ŋtaaluŋ agbaaɣdaa ɛsɔ nɔɔyʋ tɛɛ.+
10 Ma Yehowa, mɛkɛnɩ ñɛ-Ɛsɔ,
Weyi ɛlɩzɩ-ŋ Ejipiti ɛjaɖɛ taa yɔ.+
Haa ñɔ-nɔɔ haaa nɛ mahaɣzɩ-kɛ.+
11 Ɛlɛ man-samaɣ tiwelisi mɔ-nɔɔ;
Izrayɛɛlɩ taasɔɔlɩ se eluzi ɛ-tɩ mɛn-tɛɛ.+
13 Ye man-samaɣ eewelisaɣni-m,+
Ye Izrayɛɛlɩ mba ɩɩɖɔŋaɣ ma-nʋmɔŋ taa,+
14 Ðɩnɛ maaluzi po-koyindinaa lɛɛ lɛɛ;
Maakpazɩ me-nesi mba pakaɖɩɣnɩ-wɛ yɔ pɔ-yɔɔ.+
15 Mba papaɖɩɣ Yehowa yɔ, pakaɣ seluu nɛ poluzi pa-tɩ ɛ-ɛsɩndaa,
Nɛ mbʋ pɩtɛŋnɩ-wɛ yɔ,* pɩkaɣ wɛʋ tam.