Kroniiki takayaɣ kajalaɣ ñɩŋga
5 Izrayɛɛlɩ pɩɣa kajalaɣ ñɩŋga Rubɛɛnɩ+ pɩyalaa yɔ. Ɛkɛ kajalaɣ pɩɣa, ɛlɛ episi ɛ-caa kaɖʋ;+ pʋyɔɔ lɛ, pakpaɣ kajalaɣ pɩɣa waɖɛ nɖɩ ɛwɛna yɔ nɛ pɛcɛlɩ Izrayɛɛlɩ pɩyalʋ Yosɛɛfʋ+ pɩyalaa, pʋyɔɔ pɔ-hɔʋ liɖe takayaɣ taa lɛ, patɩma ɛ-hɩɖɛ se ɛwɛnɩ kajalaɣ pɩɣa waɖɛ. 2 Paa Yuuda+ kaakpaɖɩ e-koobiya, nɛ paa ɛ-lʋlʋʋ taa weyi ɛkaɣ kɛʋ ɖiyiyu yɔ ɛlɩɣna yɔ,+ Yosɛɛfʋ pɛcɛlɩ kajalaɣ pɩɣa waɖɛ. 3 Izrayɛɛlɩ pɩɣa kajalaɣ ñɩŋga Rubɛɛnɩ pɩyalaa yɔ: Hanɔɔkɩ, Paluu, Ɛsɩrɔɔnɩ nɛ Karɩmii.+ 4 Yowɛɛlɩ pɩyalaa yɔ: Ɛ-pɩyalʋ Semayaa, ɛ-pɩyalʋ Gɔɔgɩ, ɛ-pɩyalʋ Simeyii, 5 ɛ-pɩyalʋ Mikee, ɛ-pɩyalʋ Reyaya, ɛ-pɩyalʋ Baalɩ, 6 nɛ ɛ-pɩyalʋ Beeraa, weyi Asiirii wiyaʋ Tilɩgaatɩ-Pilinezɛɛrɩ+ kɛzɩ-ɩ tɛtʋ yɔ; ɛɛkɛ Rubɛɛnɩ mba ñʋʋdʋ nɔɔyʋ. 7 E-koobiya yɔ, ɛzɩ pamaʋ pa-lʋlʋʋ taa ñɩma hɩla hɔʋ hɔʋ yɔ: Ñʋʋdʋ Yeyiyɛɛlɩ, Zakarii, 8 nɛ Beela, Azazɩ pɩyalʋ, Sema pɩyalʋ, Yowɛɛlɩ pɩyalʋ; weyi ɛɛcaɣ Arowɛɛrɩ+ nɛ piwolo pɩtalɩ Nebo nɛ Baalɩ-Meyɔɔnɩ+ yɔ. 9 Ɛcaɣ wɩsɩ ɖɩlɩyɛ taa nɛ piwolo pɩtalɩ ɖooo Efraatɩ Pɔɔ+ cɔlɔ kañɩmbusuu ɖɩbazɩyɛ, mbʋ pʋyɔɔ yɔ pa-kpɩna kaaɖɔ sakɩyɛ Galaadɩ egeetiye taa.+ 10 Palabɩnɩ Hagrɩ mba you Sɔɔlɩ alɩwaatʋ taa nɛ pawabɩ-wɛ, nɛ pacaɣ pe-kizinzikiŋ tɛɛ Galaadɩ wɩsɩ ɖɩlɩyɛ egeetiye kpeekpe taa.
11 Nɛ Gaadɩ lʋlʋʋ taa mba kaacaɣ pɔ-cɔlɔ nɛ pɔñɔtɩnɩ-wɛ kpam Basaanɩ ɛjaɖɛ taa nɛ piwolo pɩtalɩ Saleka.+ 12 Basaanɩ taa lɛ, Yowɛɛlɩ kaakɛnɩ ñʋʋdʋ, ɛ-wayɩ tʋ lɛ Safam; Yanaayɩ nɛ Safaatɩ ɖɔɖɔ paawɛɛ. 13 Nɛ po-koobiya mba paakɛ pa-caanaa ɖɩsɩ taa ñɩma yɔ mba yɔ: Mikayɛɛlɩ, Mesulam, Seeba, Yoraayɩ, Yakaanɩ, Ziiya nɛ Ebɛɛrɩ; pa-tɩŋa pɛkpɛndɩ lʋbɛ. 14 Mba kaakɛnɩ Abihayɩlɩ pɩyalaa. Abihayɩlɩ kaakɛ Huurii pɩyalʋ, ɛlɛ ñaakɛ Yaroowa pɩyalʋ, ɛlɛ ñaakɛ Galaadɩ pɩyalʋ, ɛlɛ ñaakɛ Mikayɛɛlɩ pɩyalʋ, ɛlɛ ñaakɛ Yesisaayɩ pɩyalʋ, ɛlɛ ñaakɛ Yaado pɩyalʋ, ɛlɛ ñaakɛ Buuzi pɩyalʋ. 15 Ahii, Abɩdɩyɛɛlɩ pɩyalʋ, Guuni pɩyalʋ kaakɛnɩ pa-caanaa ɖɩɣa ñʋʋdʋ. 16 Paacaɣ Galaadɩ+ taa, Basaanɩ+ nɛ kɩ-tɛtʋ cikpetu ndɩ ndɩ taa,* nɛ Sarɔɔnɩ lona wena a-taa kpɩna tɔkɩ ñɩtʋ yɔ a-tɩŋa a-taa nɛ piwolo pɩtalɩ a-kamasɩ yɔɔ. 17 Yuuda wiyaʋ Yotam+ alɩwaatʋ taa nɛ Izrayɛɛlɩ wiyaʋ Yerobowam*+ alɩwaatʋ taa pama pa-tɩŋa pa-hɩla pɔ-hɔŋ liɖe takayɩsɩ taa.
18 Rubɛɛnɩ mba, Gaadɩ mba, nɛ Manaasee cejewiye hɔɔlʋʋ paawɛnɩ sɔdɩŋ ɖoŋ tɩnaa 44 760 pɔ-sɔɔjanaa taa, mba pɔɖɔkaɣ kpayɩŋ nɛ laɣla nɛ tɔŋ* yɔ; nɛ paafalɩsɩ-wɛ nɛ patɩlɩ you labʋ camɩyɛ. 19 Paalabɩ you nɛ Hagrɩ mba,+ Yetuuri, Nafiisi+ nɛ Nodaabʋ. 20 Poyowaɣni-wɛ lɛ, Ɛsɔ sɩnɩ-wɛ nɛ ɛɖʋzɩ Hagrɩ mba nɛ mba payɩ pa nɛ Hagrɩ mba paawɛɛ yɔ pe-nesi tɛɛ, mbʋ pʋyɔɔ yɔ paya Ɛsɔ se ɛsɩnɩ-wɛ you taa, nɛ ecosi pa-adɩma yɔɔ, mbʋ pʋyɔɔ yɔ pata-ɩ liu.+ 21 Pakpa pa-kpɩna—aɖaaɖaanaa 50 000, heŋ 250 000, nɛ kpaŋasɩ 2 000—pɩkpɛndɩnɩ ɛyaa* 100 000. 22 Pakʋ ɛyaa sakɩyɛ, mbʋ pʋyɔɔ yɔ Ɛsɔ toovenim tʋ lakaɣnɩ you.+ Nɛ pacaɣ po-lone taa nɛ pɩkɔɔ pɩtalɩ tɛtʋ kɛzʋʋ alɩwaatʋ.+
23 Manaasee cejewiye hɔɔlʋʋ+ lʋlʋʋ taa mba kaacaɣ kpaɣnɩ Basaanɩ ɛjaɖɛ taa nɛ piwolo Baalɩ-Hɛrmɔɔnɩ nɛ Seniiri nɛ Hɛrɩmɔɔnɩ Pʋʋ.+ Paaɖɔ sakɩyɛ. 24 Pa-caanaa ɖɩsɩ ñʋndɩnaa yɔ: Efɛɛrɩ, Isii, Eliyɛɛlɩ, Azɩriyɛɛlɩ, Yereemii, Odaviya nɛ Yadɩyɛɛlɩ; paakɛ you laɖaa sɔsaa, abalaa mba paawɛ abalɩtʋ siŋŋ yɔ, nɛ pa-caanaa ɖɩsɩ ñʋndɩnaa. 25 Ɛlɛ pala mbʋ pɩfɛyɩ siɣsiɣ pɔ-cɔzɔnaa tɛ Ɛsɔ ɛsɩndaa yɔ nɛ pala hayitu nɛ ɛjaɖɛ taa samasɩ ɛsɔnaa,+ samasɩ nzɩ Ɛsɔ kaaɖɩzɩ pɛ-ɛsɩndaa yɔ. 26 Pʋyɔɔ Izrayɛɛlɩ tɛ Ɛsɔ seɣti Asiirii wiyaʋ Puli fezuu+ (pʋ-tɔbʋʋ se Asiirii wiyaʋ Tilɩgaatɩ-Pilinezɛɛrɩ+) nɛ piyele nɛ ɛlɛ kpaɣ Rubɛɛnɩ mba, Gaadɩ mba, Manaasee cejewiye hɔɔlʋʋ nɛ ɛkɛzɩ-wɛ tɛtʋ; ewoni-wɛ Hala, Habɔɔrɩ, Hara nɛ Gozaŋ pɔɔ+ cɔlɔ, nɛ pɛwɛɛ peeɖe halɩ nɛ sɔnɔ.