Keɣa
Daviid hendu.
29 Mɩ ɖoŋ tɩnaa pɩyalaa, ɩcɛlɩ Yehowa mbʋ pɩmʋnaa se pɛcɛlɩ-ɩ yɔ,
Yehowa samtʋ nɛ e-ɖoŋ yɔɔ lɛ, ɩcɛlɩ-ɩ mbʋ pɩmʋnaa se pɛcɛlɩ-ɩ yɔ.+
2 Ɩcɛlɩ Yehowa samtʋ ndʋ tɩmʋnɩ ɛ-hɩɖɛ yɔ.
Isuu wondu kɩbandʋ kiɖeɖetu nɛ iluŋ Yehowa tɛɛ.*
3 Panɩ Yehowa nɔɔ lɩm yɔɔ;
Ɛsɔ samtʋ tʋ nɔɔ tiliɣ.+
Yehowa wɛ lɩm sakɩyɛ yɔɔ.+
4 Yehowa nɔɔ wɛ ɖoŋ;+
Yehowa nɔɔ wɛ kajʋka.
5 Yehowa nɔɔ pɛlɩɣ sɛɛdrɩ tɩŋ;
Ɛɛɛ, Yehowa pʋʋtʋʋ Libaŋ sɛɛdrɩ tɩŋ.+
7 Yehowa nɔɔ tɔʋ miŋ nzʋlʋma;+
8 Yehowa nɔɔ lakɩ nɛ kañɩmbusuu seliɣ;+
Yehowa lakɩ nɛ Kadɛɛsɩ kañɩmbusuu+ seliɣ.
9 Yehowa nɔɔ lakɩ nɛ nam seliɣ nɛ ɛlʋlʋʋ,
Kalakɩ nɛ laŋ wɛɣ ndaakpasɩ.+
Nɛ mba payɩ pɛwɛ e-templo taa yɔ pɔtɔŋ se: «Samtʋ!»
10 Yehowa caɣ lɩm mbʋ pɩwadɩɣ yɔ pɩ-yɔɔ* e-kewiyaɣ kpelaɣ yɔɔ;+
Yehowa kɛ Wiyaʋ kewiyaɣ kpelaɣ yɔɔ tam.+
11 Yehowa kaɣ haʋ ɛ-samaɣ ɖoŋ.+
Yehowa kaɣ haʋ ɛ-samaɣ laŋhɛzɩyɛ nɛ ɛwazɩnɩ-kɛ.+