Samɩyɛɛlɩ takayaɣ naalɛ ñɩŋga
23 Daviid kɛdɛzaɣ tɔm yɔ:+
“Alɩwaatʋ ndʋ weyi ɛtɔkɩ kewiyitu ɛyaa yɔɔ yɔ ɛwɛ siɣsiɣ,+
Nɛ ɛtɔkɩ kewiyitu nɛ Ɛsɔ sɔɔndʋ seu yɔ,+
4 Pɩwɛ ɛzɩ tanaŋ tɛɛ wɩsɩ ñalɩmɩyɛ alɩwaatʋ ndʋ sɩlɩɣ yɔ,+
Tanaŋ ŋgʋ kɩ-tɛɛ ɛsɔmɩndʋ fɛyɩ yɔ.
Pɩwɛ ɛzɩ tɛʋ nɩɣʋ nɛ kɩfɛɣ nɛ ɛjaɖɛ yɔɔ wɛɣ kpayɩ kpayɩ,
Nɛ piyeki nɛ ñɩtʋ ñɔʋnɩ tɛtɛɛ yɔ.”+
5 Ɛzɩ pɩtɩkɛ mbʋ man-ɖɩɣa wɛ Ɛsɔ ɛsɩndaa?
Mbʋ pʋyɔɔ yɔ ɛɖʋ-m nɛ tamtam ɛgbɛyɛ,+
Ɛñɔɔzɩ-ɖɩ camɩyɛ hɔɔlɩŋ tɩŋa taa nɛ nabʋyʋ ɛɛkaɣ-ɖɩ labʋ.
Mbʋ pʋyɔɔ yɔ pɩkɛnɩ ma-ñʋʋ yabʋ pilim nɛ mon-koboyaɣ kpeekpe,
Pɩtɩkɛ pʋyɔɔ ɛlakɩ nɛ ɖɩpaɣlɩɣ?+
6 Ɛlɛ ɛyaa mba pɛfɛyɩ wazaɣ yɔ pɔlɔ pa-tɩŋa+ ɛzɩ sɔɔ cɔka yɔ,
Mbʋ pʋyɔɔ yɔ paapɩzɩɣ nɛ pakpaɣ-yɛ nɛ nesi.
7 Ye ɛyʋ ɛsɔɔlaa se etukuni-yɛ yɔ,
Pɩwɛɛ se ɛɖɔkɩ ñɩɣyʋʋ nɛ kɩgbɛzɛŋ ɖaʋ,
Nɛ pɩpɔzʋʋ se pañaɣzɩ-yɛ miŋ nɛ añaɣ cɩɖɩ cɩɖɩ a-lone taa.»
8 Daviid sɔdɩŋ ɖoŋ tɩnaa hɩla yɔ:+ Takɩmonii tʋ Yosɛɛb-Basebɛɛtɩ; ɛkɛ sɔdɩŋ 3 ñʋʋdʋ.+ Kɩyakʋ nakʋyʋ ɛkpaɣ ɛ-kɩgbɛzɛŋ nɛ ɛkʋnɩ ɛyaa 800. 9 Ɛ-wayɩ lɛ, Ahohi pɩyalʋ Dodo+ pɩyalʋ Eleyaazaarɩ;+ ɛɛwɛ sɔdɩŋ ɖoŋ tɩnaa 3 waa mba pa-taa Daviid cɔlɔ, alɩwaatʋ ndʋ pakʋyɩ Filistii mba yɔɔ yɔ. Filistii mba kaakpeɣli peeɖe se pala you, nɛ alɩwaatʋ ndʋ Izrayɛɛlɩ mba pɩsɩnɩ pa-tɩ yɔ, 10 ɛɛsɩŋ e-lone taa nɛ ɛwɛɛ Filistii mba kʋʋ yɔɔ nɛ pɩkɔɔ pɩnɩɩ ɛ-nɩŋgbɛɛŋa nɛ e-nesi kɔɔ sɩpɩsɩ canjanaa, mbʋ pʋyɔɔ yɔ ɛɖɔkɩ laɣɖɛ cɩŋ cɩŋ.+ Nɛ Yehowa kɔnɩ wabɩtʋ sɔsɔtʋ* evemiye nɖɩ;+ nɛ ɛyaa pɩsɩ nɛ patɩŋ ɛ-wayɩ nɛ pɔhɔzɩ mba pasɩba yɔ po-wondu.
11 Ɛ-wayɩ lɛ, Araari tʋ Akee pɩyalʋ Saamaa. Filistii mba kaakpeɣli Lehi, nɛ kotoŋa nakɛyɛ kaawɛ peeɖe, lantiiyinaa* su ka-taa; nɛ Filistii mba yɔɔ lɛ, ɛyaa se. 12 Ɛlɛ ɛsɩŋ hayɩm mbʋ pɩ-hɛkʋ taa nɛ ɛlʋ pɩ-yɔɔ nɛ ɛwɛɛ Filistii mba kʋʋ yɔɔ, nɛ Yehowa kɔnɩ wabɩtʋ sɔsɔtʋ.*+
13 Ñʋndɩnaa 30 taa ɛyaa 3 tibi Daviid cɔlɔ Adulam+ ɛwaɣ pɔʋ cɔlɔ, tɔɔnaɣ kʋmtʋ alɩwaatʋ taa, nɛ Filistii mba sɔɔjanaa tikaɣ nakɛyɛ kaakpeɣli* Refayim Fɛɛʋ* taa.+ 14 Alɩwaatʋ ndʋ lɛ, Daviid kaawɛ ɖɩjɔzɩyɛ taa,+ nɛ Filistii mba sɔɔjanaa feŋiyaa nabɛyɛ ñaawɛ Bɛtɩlɛhɛm. 15 Nɛ Daviid yɔɔdɩ se: «Ye maapɩzaɣ se mehiɣ Bɛtɩlɛhɛm nɔnɔɔ cɔlɔ lɔkɔ* taa lɩm nɛ mɔñɔɔ yɔ, pɩɩkɛdɩnɩ-m!» 16 Peeɖe sɔdɩŋ ɖoŋ tɩnaa 3 waa mba, pasʋnɩ ɖoŋ Filistii mba sɔɔjanaa ɖigbeɣliye* taa nɛ polu lɩm Bɛtɩlɛhɛm nɔnɔɔ cɔlɔ lɔkɔ* taa nɛ pɔkɔnɩ-pʋ Daviid; ɛlɛ ekizi se ɛɛñɔʋ-pʋ nɛ ɛpɩyɩ-pʋ tataa Yehowa ɛsɩndaa.+ 17 Nɛ ɛyɔɔdɩ se: «Oo Yehowa, pɩɩwɛɣ ɖeu kpa se mala mbʋ! Ɛzɩ pɩpɔzʋʋ se mɔñɔɔ ɛyaa mba paɖʋ pe-weziŋ* kaɖɛ taa yɔ, pa-calɩm+ na?» Nɛ ekizi se ɛɛñɔʋ-pʋ. Mbʋ mbʋ ɛ-sɔdɩŋ ɖoŋ tɩnaa 3 waa mba palaba yɔ, mbʋ lɛ.
18 Zeruyaa+ pɩyalʋ Yowaabʋ ɖalʋ* Abisayii+ kaakɛ 3 waa lalaa ñʋʋdʋ; ɛkpaɣ ɛ-kɩgbɛzɛŋ nɛ ɛkʋ ɛyaa 300, nɛ ɛ-hɩɖɛ kaasɛwa ɖɔɖɔ ɛzɩ sɔdɩŋ 3 waa mba yɔ.+ 19 Paa ɛ-hɩɖɛ kaasɛ siŋŋ nɛ pɩkɩlɩ 3 waa lalaa nɛ ɛkɛ pa-ñʋʋdʋ yɔ, ɛ-hɩɖɛ tɩsɛɛ nɛ pɩtalɩ 3 waa kajalaɣ ñɩma.
20 Yehoyiyada pɩyalʋ Benayaa+ kaakɛ abalʋ weyi ɛwɛ abalɩtʋ yɔ,* nɛ ɛlabɩ abalɩtʋ tʋma sakɩyɛ Kabɩzeyɛɛlɩ+ tɛtʋ taa. Ɛkʋ Mowaabʋ tʋ Ariyɛɛlɩ pɩyalaa 2 mba ɛlɛ kaawɛna yɔ, nɛ etii pɔʋ nakʋyʋ taa ɖɔmbɛɛ alɩwaatʋ taa nɛ ɛkʋ mʋʋzʋʋ.+ 21 Ɛkʋ ɖɔɖɔ Ejipiti abalʋ nɔɔyʋ, weyi ɛ-paɣlɩka kaawɛ ŋgee kpem yɔ. Paa Ejipiti tʋ ɛnʋ ɛɛɖɔkɩ kɩgbɛzɛŋ e-nesi tɛɛ yɔ, Benayaa wobi ɛ-wayɩ nɛ ɖaʋ nɛ ɛmʋ kɩgbɛzɛŋ Ejipiti tʋ nesi tɛɛ nɛ ɛkʋ-ɩ nɛ kɩgbɛzɛŋ ŋgʋ. 22 Abalɩtʋ tʋma ana Yehoyiyada pɩyalʋ Benayaa laba, nɛ ɛ-hɩɖɛ kaasɛwa ɛzɩ sɔdɩŋ 3 waa lalaa yɔ. 23 Paa ɛ-hɩɖɛ kaasɛwa nɛ pɩkɩlɩ 30 waa yɔ, ɛ-hɩɖɛ tɩsɛɛ nɛ pɩtalɩ 3 waa mba. Paa mbʋ yɔ Daviid lɩzɩ-ɩ nɛ ɛkɛ sɔɔjanaa mba pakandɩyɩɣ ɛ-yɔɔ yɔ pa-ñʋʋdʋ.
24 Yowaabʋ neu* Asayɛlɩ+ kaawɛ 30 waa mba pa-taa: Bɛtɩlɛhɛm tʋ Dodo pɩyalʋ Elanaanɩ,+ 25 Haroodɩ tʋ Saamaa, Haroodɩ tʋ Elika, 26 Pelɛɛtɩ tʋ Helɛɛzɩ,+ Tekowa tʋ Ikɛɛsɩ pɩyalʋ Ira,+ 27 Anatɔɔtɩ tʋ+ Abi-Ezɛɛrɩ,+ Husa tʋ Mebunaayɩ, 28 Ahohi tʋ Zalɩmɔɔnɩ, Netofa tʋ Maharaayɩ,+ 29 Netofa tʋ Baanaa pɩyalʋ Helɛɛbɩ, Bɛnjamɛɛ mba tɛ Gibeyaa tʋ Ribaayɩ pɩyalʋ Itayii, 30 Piratɔɔnɩ tʋ Benayaa,+ Gaasɩ+ lemisi* taa tʋ Hidayii, 31 Araba tʋ Abi-Alɩbɔɔnɩ, Bar-Humi tʋ Azɩmavɛɛtɩ, 32 Saalibim tʋ Eliyaba, Yasɛɛnɩ pɩyalaa, Yonataanɩ, 33 Araari tʋ Saamaa, Araari tʋ Saraarɩ pɩyalʋ Ahiyam, 34 Maakat tʋ pɩyalʋ Aasɩbayɩ pɩyalʋ Elifelɛɛtɩ, Gilo tʋ Ahitofɛɛlɩ+ pɩyalʋ Eliyam, 35 Karmɛɛlɩ tʋ Ɛzɩroo, Arabii tʋ Paarayɩ, 36 Zobaa tʋ Naataanɩ pɩyalʋ Igaalɩ, Gaadɩ tʋ Bani, 37 Amooni tʋ Zelɛɛkɩ, Beerɔɔtɩ tʋ Naharayɩ, weyi ɛɖɔkaɣ Zeruyaa pɩyalʋ Yowaabʋ you wondu yɔ, 38 Itri tʋ Ira, Itri tʋ+ Garɛɛbɩ, 39 nɛ Hɛɛtɩ tʋ Uriya+—pa-tɩŋa pɛkpɛndɩ 37.