Yɔɔb
32 Ðɩnɛ ɛlɛ abalaa mba pa-naadozo peyele Yɔɔb cosuu, mbʋ pʋyɔɔ yɔ ɛ-taa kaatɛma se ɛwɛ siɣsiɣ.*+ 2 Ɛlɛ Buuzi tʋ+ Barakɛɛlɩ pɩyalʋ Eliihu, weyi ɛlɩnɩ Raam hɔʋ taa yɔ, ɛ-taa wɩɩ siŋŋ. Ɛ-taa wɩnɩ Yɔɔb siŋŋ, mbʋ pʋyɔɔ yɔ ɛlɛ ñakaɣ pana se ɛwɩlɩ se ɛnʋ* kɛnɩ siɣsiɣ tʋ, pɩtɩkɛ Ɛsɔ.+ 3 Ɛ-taa wɩnɩ Yɔɔb taabalaa mba pa-naadozo ɖɔɖɔ siŋŋ, mbʋ pʋyɔɔ yɔ patɩna ndʋ pocosi yɔ, ɛlɛ pɔyɔɔdaa se Ɛsɔ kɛ kañatʋ tʋ.+ 4 Eliihu kaawɛnɩ tɔm se ɛyɔɔdʋʋ, ɛlɛ ɛɖaŋ se Yɔɔb ɛtɛ ɛ-ñɩndʋ nɛ pʋcɔ, mbʋ pʋyɔɔ yɔ paakɩlɩ-ɩ pɩnzɩ.+ 5 Eliihu nawa se abalaa mba pa-naadozo pataawɛɛnɩ natʋyʋ se pocosi lɛ, ɛ-pana kpa. 6 Nɛ Buuzi tʋ Barakɛɛlɩ pɩyalʋ Eliihu yɔɔdɩ se:
Pʋyɔɔ mɔnɖɔkɩ man-tɩ nɛ ñamtʋ,+
Nɛ mantɩkatɩ se meheyi-mɩ ndʋ mansɩma yɔ.
7 Mamaɣzaɣ se: “Sɔsɔtʋ* ɛyɔɔdɩ,
Pɩnzɩ sakɩyɛ ɩyɔɔdɩ lɔŋsɩnɖɛ tɔm.”
8 Ɛlɛ fezuu ŋgʋ kɩwɛ ɛyaa taa yɔ,
Helim mbʋ Ðoŋ Tɩŋa Tʋ hosuu yɔ, mbʋ haɣnɩ-wɛ tɔm taa nɩʋ lɛɣtʋ.+
10 Pʋyɔɔ mɔntɔŋ se: “Welisini-m,
Nɛ ma ɖɔɖɔ meheyi-ŋ ndʋ mansɩma yɔ.”
12 Mewelisini-mɩ camɩyɛ,
Ɛlɛ mɩ-taa nɔɔyʋ tɩpɩzɩ nɛ ɛwɩlɩ se Yɔɔb tɔm sɩba*
Nɛ nɔɔyʋ tɩpɩzɩ ɖɔɖɔ nɛ ecosi ɛ-tɔm yɔɔ.
13 Pʋyɔɔ lɛ, ɩtaayɔɔdɩ se: “Ðɩlɩ lɔŋsɩnɖɛ yɔɔ;
Ɛsɔ wɩlɩna se ɛ-tɔm sɩba, pɩtɩkɛ ɛyʋ.”
14 Ɛtɩyɔɔdɩ tɔm se ɛkaɖɩnɩ-m,
Pʋyɔɔ lɛ, maakaɣ-ɩ cosuu nɛ mɩ-tɔm.
15 Pɩɖɩɣzɩ-wɛ yem, patɩtasɩ wɛnʋʋ natʋyʋ se pocosi;
Patɩtasɩ wɛnʋʋ natʋyʋ se pɔyɔɔdɩ.
16 Manɖaŋaa, ɛlɛ peyebi yɔɔdʋʋ;
Pasɩŋ peeɖe yem, paatasɩɣ natʋyʋ cosuu.
17 Pʋyɔɔ lɛ, ma ɖɔɖɔ mankaɣ cosuu;
Ma ɖɔɖɔ mankaɣ yɔɔdʋʋ ndʋ mansɩma yɔ,
18 Mbʋ pʋyɔɔ yɔ tɔm su man-taa;
Fezuu ŋgʋ kɩwɛ man-taa yɔ kiseɣtiɣ-m.
19 Mo-lotu taa wɛ ɛzɩ vɛɛ ŋgʋ kɩ-yɔɔ posulaa nɛ kɩɩnaɣ ɖenɖe kɩlɩɩna yɔ,
20 Mɔyɔɔdʋʋ nɛ mɔ-yɔɔ hɛɛ!
Monkuluu mɔ-nɔɔ nɛ moncosi.
22 Mbʋ pʋyɔɔ yɔ maasɩŋ ɛyaa peɣzuu;
Ye menpeɣzi nɔɔyʋ yɔ, ma-Mayʋ kaɣ-m ɖɩzʋʋ kpɛdɛyɛ.