Izaayii
42 Ɩna! Ma-lɩmɖʋyʋ,+ weyi manɖʋʋ-ɩ nesi yɔ!
Weyi malɩzɩ-ɩ yɔ,+ weyi ɛ-tɔm kɛdɩnɩ-m* yɔ!+
Ɛkaɣ wɛʋ toovenim nɛ ɛkɔnɩ siɣsiɣ wɛtʋ.+
4 Pɩɩkaɣ-ɩ nɩʋ yaa pɩɩkaɣ e-toma taa tibu pɩkɔɔ nɛ pɩtalɩ alɩwaatʋ ndʋ ɛkɔnɩ siɣsiɣ wɛtʋ tɛtʋ yɔɔ yɔ;+
Nɛ lɩm hɛkʋ taa tɛtʋ wɛɛ nɛ tɩɖaŋɩɣ ɛ-paɣtʋ.*
5 Tɔm tʋnɛ Ɛsɔ toovenim tʋ, Yehowa yɔɔdʋʋ,
Weyi ɛlɩzɩ ɛsɔdaa yɔ, Ɛsɔ Sɔsɔ weyi eposi-kʋ yɔ,+
Weyi eposi tɛtʋ nɛ ɛla mbʋ pɩwɛ tɩ-yɔɔ yɔ,+
Weyi ɛhaɣ ɛyaa mba pɛwɛ tɩ-yɔɔ yɔ helim mbʋ pefeziɣ yɔ+
Nɛ ɛhaɣ fezuu mba pɔɖɔŋ tɩ-yɔɔ yɔ:+
6 «Ma Yehowa, maya-ŋ siɣsiɣ wɛtʋ taa;
Mɔnɖɔkɩ ñe-nesi.
Mankaɣ kandɩyʋʋ ñɔ-yɔɔ se pɩsa nɛ ŋkɛ ɛgbɛyɛ ma nɛ samaɣ ɖɛ-hɛkʋ taa+
Nɛ ŋkɛ ajɛɛ ñalɩmɩyɛ,+
7 Se pɩsa nɛ ŋkuli yʋlʋmaa ɛsa,+
Ŋlɩzɩ salaka tʋ salaka taa
Nɛ ŋlɩzɩ mba pacaɣ cɩkpɛndʋʋ taa yɔ salaka taa.+
9 Ɩna, kajalaɣ tɔm laba;
Lɛɛlɛɛyɔ menɖiɣni susuu tɔm kɩfatʋ.
Pʋcɔ nɛ tɩpaɣzɩ lɛ, meheyiɣ-mɩ tʋ.»+
10 Itee hendu kɩfatʋ Yehowa,+
Itee ɛ-samtʋ hendu, kpaɣnɩ tɛtʋ kamasɩ yɔɔ,+
Mɩ mba itiki teŋgu taa yɔ nɛ mbʋ payɩ pisu kɩ-taa yɔ,
Mɩ, lɩm hɛkʋ taa tɛtʋ ndɩ ndɩ nɛ tɩ-taa mba.+
Kaaʋ yɔɔ mba ɩma kubusi nɛ taa leleŋ;
Pama kubusi nɛ pʋŋ ñʋŋ taa.
12 Pɛcɛlɩ samtʋ Yehowa
Nɛ pɔñɔkɩ-ɩ lɩm hɛkʋ taa tɛtʋ ndɩ ndɩ taa.+
13 Yehowa kaɣ lɩʋ ɛzɩ abalʋ ɖoŋ tʋ yɔ.+
Ɛkaɣ yebu nɛ e-kpekpeka fe ɛzɩ you laɖʋ yɔ.+
Ɛkaɣ kou, ɛɛɛ, ɛkaɣ mabʋ you kubuka;
Ɛkaɣ wɩlʋʋ se ɛkɩlɩ ɖoŋ e-koyindinaa.+
14 «Monsum ɖiɣ ɖiɣ alɩwaatʋ sakɩyɛ.
Monsum tamɩyɛ nɛ mɔnɖɔkɩ man-tɩ.
Ɛzɩ halʋ weyi eɖiɣni lʋlʋʋ yɔ,
Mankaɣ mɔlʋʋ, mankaɣ fezuu faka faka, nɛ mankaɣ men-feziŋ libu alɩwaatʋ kʋɖʋmtʋ taa.
15 Mankaɣ yɔkʋʋ pʋŋ nɛ piyisi
Nɛ meyele nɛ mbʋ payɩ pɩwɛ pɔ-yɔɔ yɔ pɩwɩlɩ.
Mankaɣ yebu nɛ pɔsɩ pɩsɩ lɩm hɛkʋ taa tɛtʋ*
Nɛ meyele nɛ lɩŋgamɩŋ weyi ɩ-taa nɛ kañɩŋgbayɩsɩ yɔ ɩsɔɔ.+
Mankaɣ yebu nɛ cɩkpɛndʋʋ ŋgʋ kɩwɛ pɛ-ɛsɩndaa yɔ kɩpɩsɩ ñalɩmɩyɛ+
Nɛ meyele nɛ kaaŋ tɛtʋ pɩsɩ tɛtʋ ndʋ tɩwɛ layɩɩ yɔ.+
Mbʋ mankaɣ-wɛ labʋ, nɛ maakaɣ-wɛ lɔʋ.»
17 Mba pataɣ sɩʋ kpelisi liu yɔ,
Mba peheyiɣ ñɩɣtʋ sɩʋ kpelisi* se: «Ɩkɛ ɖɛ-ɛsɔnaa» yɔ,
Pakaɣ-wɛ pɩsɩnʋʋ nɛ pa-wayɩ nɛ pakaɣ-wɛ ɖʋʋ fɛyɛ pɩdɩɩfɛyɩ.+
18 Iwelisi, mɩ mba ɩkɛ tandamaa yɔ;
Ɩcɔna nɛ ɩna, mɩ mba ɩkɛ yʋlʋmaa yɔ.+
19 Akɛ yʋlʋm nɛ pɩtɩkɛ ma-lɩmɖʋyʋ?
Akɛ tandam kpem ɛzɩ weyi mentiyiɣ-i yɔ?
Akɛ yʋlʋm kpem ɛzɩ weyi ɛmʋ kɩhɛyʋʋ yɔ?
Akɛ yʋlʋm kpem ɛzɩ Yehowa lɩmɖʋyʋ yɔ?+
20 Ŋnaɣ wondu sakɩyɛ, ɛlɛ ŋŋcakɩnɩ ñɛ-ɛsa.
Ŋkuluu ña-nɩŋgbaaŋ, ɛlɛ ŋŋwelisiɣ.+
21 Yehowa siɣsiɣ wɛtʋ yɔɔ lɛ,
Pɩkɛdɩnɩ-ɩ se eyele nɛ paɣtʋ* paɣlɩ nɛ tɩmʋnɩ samtʋ.
22 Ɛlɛ pɛkɛ samaɣ ŋga pamɩlɩ ka-ñɩm nɛ pakpaɣ-pʋ nɛ ɖoŋ nɛ pɛɖɛna yɔ;+
Pa-tɩŋa payɩ pañɩbɩ-wɛ nɛ pakpa-wɛ pɔŋ taa nɛ pɛmɛsɩ-wɛ salakanaa taa.+
Palazɩ pa-ñɩm nɛ nɔɔyʋ fɛyɩ se ɛya pa-ñʋʋ,+
Nɛ pakpaɣ pa-ñɩm nɛ ɖoŋ nɛ pɛɖɛna nɛ nɔɔyʋ fɛyɩ se ɛyɔɔdɩ se: «Ɩpɩsɩnɩ-pʋ!»
23 Mɩ-taa anɩ kaɣ tɔm tʋnɛ nɩʋ?
Akaɣ kʋm nɩŋgbaŋʋʋ nɛ ewelisi nɛ ɛɖaŋnɩ mbʋ pɩkaɣ labʋ cee wayɩ yɔ?
24 Akpaɣ Yakɔɔb nɛ ɛcɛlɩ se pakpaɣ ɛ-ñɩm nɛ ɖoŋ nɛ pɛɖɛna
Nɛ ɛɖʋzɩ Izrayɛɛlɩ lazɩyaa nesi tɛɛ?
Ɛzɩ pɩtɩkɛ Yehowa, Weyi ɖɩyʋsɩnɩ-ɩ yɔ?
25 Pʋyɔɔ ɛɛwɛɛ nɛ ɛpɩyɩɣ pɔ-yɔɔ ɛ-pana,
Ɛ-ɖɩwɩzɩyɛ nɛ you pana sɔsɔna.+
Pɩñaɣ pɩtɩŋa pɔ-cɔlɔ kpɛɛɛ, ɛlɛ pa-paa fɛyɩ.+