Keɣa

Ɩsa Yehowa nɛ ɖooo ɛsɔdaa;+

ɩsamɩ-ɩ, mɩ mba ɩwɛ hayo yɔ.

 4 Oo ɛsɔdaa liɣ liɣ,* samɩ-ɩ,

ɛsɔdaa mɩndʋ, ɩsamɩ-ɩ.

 5 Pɩtɩŋa mbʋ yɔ pɩsa Yehowa hɩɖɛ,

mbʋ pʋyɔɔ yɔ ɛ-maɣmaɣ ɛɖʋnɩ paɣtʋ, nɛ ɛlɩzɩ-pʋ.+

 6 Ɛkam-pʋ pi-lona taa tam;+

ɛɖʋ paɣtʋ nɛ tɩɩkaɣ sɩʋ tɩnaɣ.+

 7 Ɩsa Yehowa nɛ tɛtʋ yɔɔ,

mɩ, lɩm tɛɛ kpɩna sɔsɔna nɛ lɩm cukaŋ ñɩmbʋ kpeekpe,

 8 mɩ, tɛʋ ñɩlɩsʋʋ nɛ ɖɔmbɛɛ, nɛ mɩndʋ ndʋ tiyu kpimm yɔ,

ña, helim sɔsɔm, ña weyi ŋɖɔŋ ɛ-tɔm yɔɔ yɔ,+

 9 mɩ, pʋŋ nɛ piyisi tɩŋa,+

mɩ, tɩŋ weyi ɩlʋlʋʋ pee yɔ nɛ sɛɛdrɩ tɩŋ tɩŋa,+

10 mɩ, tɛtɛgbɩna+ nɛ ɖɩɣa kpɩna kpeekpe,

mɩ, kpɩna wena atuu tataa yɔ nɛ sumasɩ,

11 mɩ, tɛtʋ yɔɔ awiya nɛ ajɛɛ kpeekpe,

mɩ, awumbiya nɛ tɛtʋ yɔɔ tɔm hʋyaa kpeekpe,+

12 mɩ, evebiya nɛ pɛlaa,*

mɩ, akpadɩyaa* nɛ piya.

13 Pasa* Yehowa hɩɖɛ,

mbʋ pʋyɔɔ yɔ e-ɖeke ɛ-hɩɖɛ kʋyɩna nɛ ɖɩtalɩ ɖenɖe nɔɔyʋ eehikiɣ yɔ.+

14 Ɛkaɣ kpazʋʋ* ɛ-samaɣ ɖoŋ,*

se pɩkɛnɩ samtʋ ɛ-ɛyaa siɣsiɣ tɩnaa kpeekpe,

Izrayɛɛlɩ pɩyalaa, samaɣ ŋga kɔñɔtɩnɩ-ɩ yɔ.