Keɣa

127 Ye Yehowa ɛtɩma ɖɩɣa yɔ,

falaa yem ka-mayaa ñakɩ pana nɛ ka-maʋ.+

Ye Yehowa etifeŋ tɛtʋ yɔɔ yɔ,+

falaa yem feŋiyaa cakɩnɩ pɛ-ɛsa.

 2 Falaa yem ɩkʋyʋʋ lɔŋ,

falaa yem iiɖou lɔŋ,

nɛ falaa yem itiŋ soŋaɣ nɛ ɩñɩnɩɣ tɔɔnaɣ,

mbʋ pʋyɔɔ yɔ ɛcɔŋnɩ ɛ-kʋsɔɔlaa kɩcɛyɩm ɖeɖe nɛ ɛhaɣ-wɛ ɖom.+

 3 Ɩna, piya* kɛnɩ ñɩm mbʋ pɩlɩnɩ Yehowa cɔlɔ yɔ;+

piya nzɩ ɛyʋ lʋlʋʋ yɔ sɩkɛnɩ kɩhɛyʋʋ.*+

 4 Piya nzɩ ɛyʋ lʋlʋʋ e-evebitu taa yɔ,

sɩwɛ ɛzɩ tɔʋ ñɩma abalʋ ɖoŋ tʋ nesi taa yɔ.+

Fɛyɛ ɛɛkaɣ-wɛ kpaʋ,

mbʋ pʋyɔɔ yɔ pakaɣ yɔɔdɩnʋʋ koyindinaa tɛtʋ nɔnɔɔ taa.