Kɩgalʋʋ
23 Ðɩnɛ ɛlɛ Baalam heyi Baalaakɩ se: «Ma altaarunaa 7 lone ɖɩnɛ ɖɩ-taa,+ ñɔɔzɩ-m ɖɔɖɔ naŋ abalɩñɩŋ 7 nɛ ɛyaŋ 7.» 2 Kpaagbaa mbʋ lɛ, Baalaakɩ la ɖeyi ɖeyi ɛzɩ Baalam yɔɔdʋʋ yɔ. Nɛ Baalaakɩ nɛ Baalam palaa nɔ abalɩñɩnʋ kʋɖʋm nɛ ɛyaʋ kʋɖʋmʋʋ paa altaaru ŋgʋ lɛ kɩ-yɔɔ.+ 3 Pʋwayɩ lɛ, Baalam heyi Baalaakɩ se: «Caɣ ña-kɩlaʋ kɩñaɣzʋʋ cɔlɔ cɩnɛ, ma lɛ mɛnɖɛɣ. Pʋtɔma yɔ, Yehowa kaɣ-m ɛ-tɩ wɩlʋʋ. Tɔm ndʋ payɩ eheyiɣ-m yɔ, mankaɣ-ŋ tʋ heyuu.» Ðɩnɛ ɛlɛ ɛɖɛɛ nɛ ɛkpa piyaɣ nakɛyɛ ñʋʋ taa.
4 Pʋwayɩ lɛ, Ɛsɔ wɩlɩ ɛ-tɩ Baalam,+ nɛ Baalam heyi-i se: «Mensiɣ altaarunaa mba pa-lʋbɛ, manpɩlɩ-wɛ canzɩ canzɩ; nɛ malaa nɔ abalɩñɩnʋ kʋɖʋm nɛ ɛyaʋ kʋɖʋmʋʋ paa altaaru ŋgʋ lɛ kɩ-yɔɔ.» 5 Nɛ Yehowa ɖʋ tɔm Baalam nɔɔ taa nɛ eheyi-i se:+ «Pɩsɩ Baalaakɩ cɔlɔ, nɛ ŋheyi-i tɔm ndʋ.» 6 Ðɩnɛ ɛlɛ, ɛɖɛɛ nɛ ɛpɩsɩ nɛ ɛna se Baalaakɩ nɛ Mowaabʋ awumbiya tɩŋa paasɩŋ ɛ-kɩlaʋ kɩñaɣzʋʋ cɔlɔ. 7 Ðɩnɛ ɛlɛ etuu eduuye ɖɩnɛ:+
«Mowaabʋ wiyaʋ Baalaakɩ kɔnɩ-m nɛ Aram,+
Ɛkʋsɩ-m nɛ wɩsɩ ɖɩlɩyɛ taa pʋŋ taa:
“Kɔɔ nɛ ŋlɔ-m nɔɔ kɩdɛkɛdaɣ Yakɔɔb yɔɔ.
Ɛɛɛ, kɔɔ nɛ ŋkʋ Izrayɛɛlɩ tɔm.”+
8 Ɛzɩma manpɩzɩɣ nɛ mɔlɔ nɔɔ kɩdɛkɛdaɣ mba pɔ-yɔɔ Ɛsɔ tɩlɔ nɔɔ kɩdɛkɛdaɣ yɔ?
Nɛ ɛzɩma manpɩzɩɣ nɛ mankʋ mba Yehowa tɩkʋ pɔ-tɔm yɔ pɔ-tɔm?+
9 Manaɣ-wɛ nɛ kaaŋ ñʋŋ taa,
Nɛ manaɣ-wɛ nɛ piyisi yɔɔ.
10 Apɩzɩɣ nɛ ɛkalɩ Yakɔɔb kañɩŋa pee?+
Yaa apɩzɩɣ nɛ ɛkalɩ cɛɛkɛ Izrayɛɛlɩ hɔɔlʋʋ 4 ñɩŋgʋ maɣmaɣ?
Tɛtɛ nɛ mansɩ* ɛyaa siɣsiɣ tɩnaa sɩm,
Nɛ pɩtɛmnɩ-m ɛzɩ paba ɖɔɖɔ yɔ.»
11 Ðɩnɛ ɛlɛ Baalaakɩ heyi Baalam se: «Ɛbɛ ŋlabɩ-m mbʋ yɔ? Mɔnkɔnɩ-ŋ se ŋlɔ nɔɔ kɩdɛkɛdaɣ mon-koyindinaa yɔɔ, ɛlɛ ñeyele nɛ ŋwazɩ-wɛ kɩwazʋ.»+ 12 Nɛ ɛlɛ kitini-i se: «Pɩtɩkɛ tɔm ndʋ Yehowa ɖʋʋ mɔ-nɔɔ taa yɔ pɩwɛɛ se mɔyɔɔdɩ yaa we?»+
13 Nɛ Baalaakɩ heyi-i se: «Mentendi-ŋ, tɩŋɩ-m nɛ ɖɩɖɛɛ lone lɛɛɖɛ taa, ɖenɖe ŋpɩzɩɣ nɛ ŋwɛɛ nɛ ŋna-wɛ yɔ. Pɔ-hɔɔlʋʋ nakʋyʋ ɖeke ŋkaɣ naʋ; ŋŋkaɣ pe-kpeekpe naʋ. Wɛɛ peeɖe nɛ ŋlɔ-m pɔ-yɔɔ nɔɔ kɩdɛkɛdaɣ.»+ 14 Ðɩnɛ ɛlɛ ɛkpaɣ-ɩ nɛ ewoni Zofim hayɩm taa, Pizɩga ñʋʋ taa,+ nɛ ɛma altaarunaa 7 nɛ ɛlaa nɔ abalɩñɩnʋ kʋɖʋm nɛ ɛyaʋ kʋɖʋmʋʋ paa altaaru ŋgʋ lɛ kɩ-yɔɔ.+ 15 Nɛ Baalam heyi Baalaakɩ se: «Caɣ ña-kɩlaʋ kɩñaɣzʋʋ cɔlɔ cɩnɛ nɛ mowolo peeɖeyɔ nɛ Ɛsɔ wɩlɩ-m ɛ-tɩ.» 16 Nɛ Yehowa wɩlɩ ɛ-tɩ Baalam nɛ ɛɖʋ tɔm ɛ-nɔɔ taa nɛ eheyi-i se:+ «Pɩsɩ Baalaakɩ cɔlɔ, nɛ ŋheyi-i tɔm ndʋ.» 17 Ðɩnɛ ɛlɛ ɛpɩsɩ ɛ-cɔlɔ nɛ ɛna se ɛɛsɩŋ ɛ-kɩlaʋ kɩñaɣzʋʋ cɔlɔ, nɛ Mowaabʋ awumbiya kaawɛ ɛ-cɔlɔ. Nɛ Baalaakɩ pɔzɩ-ɩ se: «Suwe Yehowa yɔɔdaa?» 18 Ðɩnɛ ɛlɛ etuu eduuye ɖɩnɛ:+
«Baalaakɩ, kʋyɩ nɛ ŋwelisi.
Oo Zipɔɔrɩ pɩyalʋ, welisini-m.
Ye ɛyɔɔdɩ natʋyʋ yɔ, ɛɛkaɣ labʋ ɛzɩ ɛyɔɔdʋʋ yɔ?
Ye tɔm natʋyʋ ɛlɩnɩ ɛ-nɔɔ taa yɔ, ɛɛkaɣ tɩ-yɔɔ ɖɔm yaa we?+
21 Ɛɛhaɣ nʋmɔʋ se palabɩnɩ tʋmɩyɛ maajiki ɖoŋ nɩɩyɩ Yakɔɔb yɔɔ,
Nɛ eeyeki se kʋñɔŋ nakʋyʋ ɛtalɩ Izrayɛɛlɩ.
Ɛ-Ɛsɔ Yehowa wɛ pɔ-cɔlɔ,+
Nɛ pasamɩ-ɩ kpem ɛzɩ wiyaʋ yɔ pɛ-hɛkʋ taa.
22 Ɛsɔ ɖiɣni-wɛ lɩzʋʋ nɛ Ejipiti.+
Ɛwɛ-wɛ ɛzɩ tɛyɛ nɔ abalɩñɩnʋ hɩŋ yɔ.+
23 Mbʋ pʋyɔɔ yɔ natʋ tɔm kɩdɛkɛdɩtʋ natʋyʋ ɛɛpɩzɩɣ nɛ tɩkɔnɩ asɛyʋʋ Yakɔɔb yɔɔ,+
Nɛ tɩyɩtʋ natʋyʋ ɛɛpɩzɩɣ nɛ tɩkɔnɩ kʋñɔŋ Izrayɛɛlɩ yɔɔ.+
Papɩzɩɣ nɛ pɔyɔɔdɩ Yakɔɔb nɛ Izrayɛɛlɩ yɔɔ lɛɛlɛɛyɔ se:
“Na mbʋ Ɛsɔ laba yɔ!”
24 Samaɣ nakɛyɛ kaɣ kʋyʋʋ ɛzɩ mʋʋzʋʋ yɔ,
Nɛ ɛzɩ mʋʋzʋʋ yɔ, kakaɣ sɩŋʋʋ ka-nɩŋgbanzɩ yɔɔ.+
Kaakaɣ hɩnʋʋ nɛ katɩtɛ tɔɔʋ mbʋ kakpawa yɔ
Nɛ katɩñɔɔ mbʋ kakʋwa yɔ pɩ-calɩm.»
25 Nɛ Baalaakɩ heyi Baalam se: «Ye ŋŋpɩzɩɣ pɔ-yɔɔ nɔɔ kɩdɛkɛdaɣ lɔʋ yɔ, pɩfɛyɩ ɖɔɖɔ se ŋwazɩ-wɛ.» 26 Baalam cosi Baalaakɩ se: «Mantaaheyi-ŋ se: “Malakɩ mbʋ payɩ Yehowa yɔɔdʋʋ yɔ”?»+
27 Nɛ Baalaakɩ heyi Baalam se: «Mentendi-ŋ, kɔɔ nɛ mantasɩ-ŋ wonuu lone lɛɛɖɛ taa. Pʋtɔma yɔ, pɩkaɣ wɛʋ ɖeu Ɛsɔ toovenim tʋ ɛsɩndaa se ŋwɛɛ peeɖe nɛ ŋlɔ-m pɔ-yɔɔ nɔɔ kɩdɛkɛdaɣ.»+ 28 Ðɩnɛ ɛlɛ Baalaakɩ kpaɣ Baalam nɛ ɛkpanɩ-ɩ Peyɔɔrɩ ñʋʋ taa, peeɖe kaaha ɛsa nɛ Yesimɔɔnɩ.*+ 29 Ðɩnɛ ɛlɛ Baalam heyi Baalaakɩ se: «Ma altaarunaa 7 lone ɖɩnɛ ɖɩ-taa, ñɔɔzɩ-m ɖɔɖɔ naŋ abalɩñɩŋ 7 nɛ ɛyaŋ 7.»+ 30 Nɛ Baalaakɩ la ɖeyi ɖeyi ɛzɩ Baalam yɔɔdʋʋ yɔ, nɛ ɛlaa nɔ abalɩñɩnʋ kʋɖʋm nɛ ɛyaʋ kʋɖʋmʋʋ paa altaaru ŋgʋ lɛ kɩ-yɔɔ.