Izaayii
31 Pɩtɔɔ mba petiki Ejipiti se pasɩnɩ-wɛ yɔ,+
Mba pataɣ kpaŋnaŋ liu yɔ,+
Mba pataɣ liu you kɛɛkɛɛnaa yɔ mbʋ pʋyɔɔ yɔ pɔɖɔwa yɔ,
Nɛ you kpaŋnaŋ* mbʋ pʋyɔɔ yɔ ɩwɛ ɖoŋ yɔ.
Ɛlɛ paataɣ liu Izrayɛɛlɩ tɛ Kiɖeɖeu,
Nɛ paañɩnɩɣ Yehowa.
2 Ɛlɛ ɛnʋ ɖɔɖɔ ɛkɛ lɔŋsɩnɖʋ nɛ ɛkaɣ kɔnʋʋ asɛyʋʋ,
Nɛ ɛkaɣ ɖɔm ɛ-tɔm yɔɔ.
Ɛkaɣ kʋyʋʋ nɛ eyooni ɛyaa kɩdɛkɛdaa
Nɛ mba pasɩɣnɩ kɩdɛkɛdɩm laɖaa yɔ.+
3 Ɛlɛ Ejipiti mba yɔ, pɛkɛ ɛyaa yem nɛ patɩkɛ Ɛsɔ;
Pa-kpaŋnaŋ kɛ tomnaɣ nɛ ɩtɩkɛ fezuu.+
Alɩwaatʋ ndʋ Yehowa seziɣ e-nesi yɔ,
Weyi ɛsɩɣna yɔ pɩkaɣ-ɩ tuuluu
Nɛ weyi pasɩɣna yɔ ɛkaɣ tɔlʋʋ;
Pa-tɩŋa pakaɣ ɖɩm alɩwaatʋ kʋɖʋmtʋ taa.
4 Mbʋ pʋyɔɔ yɔ tɔm tʋnɛ Yehowa heyi-m:
«Ɛzɩ mʋʋzʋʋ ŋgʋ kɩwɛ ɖoŋ yɔ* kɩmʋdʋʋ mbʋ kɩkpawa yɔ pɩ-yɔɔ,
Alɩwaatʋ ndʋ ninɖiɣyaa tindimiye naɖɩyɛ tɩŋa kpeɣliɣ se pakaɖɩnɩ-kʋ,
Nɛ sɔɔndʋ ɛɛkpaɣ-kʋ nɛ po-kubusi,
Yaa kɩ-paa fɛyɩnɩ pɔ-kɔkɔɖɛ yɔ,
Mbʋ ɖɔɖɔ yoyaa tɛ Yehowa kaɣ tibu se ɛla you
Siyɔŋ Pʋʋ yɔɔ nɛ ki-piyaɣ yɔɔ.
5 Ɛzɩ sumasɩ nzɩ sitiki fɩɩɩ yɔ, mbʋ ɖɔɖɔ yoyaa tɛ Yehowa kaɣ lʋbʋ Yeruzalɛm yɔɔ.+
Ɛkaɣ kɩ-yɔɔ lʋbʋ nɛ ɛya kʋ-ñʋʋ.
Ɛkaɣ-kʋ lɩzʋʋ pɩ-taa nɛ eholi-kʋ.»
6 «Hayɩ Izrayɛɛlɩ samaɣ, ɩpɩsɩ Weyi ɩkʋyaa nɛ ɩkaɖɩnɩ-ɩ kaɣlaa yɔ ɛ-cɔlɔ.+ 7 Mbʋ pʋyɔɔ yɔ kɩyakʋ ŋgʋ ki-wiye, paa weyi ɛkaɣ lɔʋ ɛ-ɛsɔnaa mba polubini liidiye nɛ pɛfɛyɩ wazaɣ yɔ nɛ ɛ-ɛsɔnaa mba polubini sika nɛ paawazɩɣ pʋyʋ yɔ, mba mi-nesi maɣmaɣ luba nɛ pɩkɛ kɩwɛɛkɩm yɔ.
8 Nɛ pakaɣ kʋʋ Asiirii tʋ nɛ laɣɖɛ, ɛlɛ pɩɩkɛɣnɩ ɛyʋ laɣɖɛ;
Nɛ laɣɖɛ naɖɩyɛ kaɣ-ɩ tɔɔʋ, ɛlɛ pɩɩkɛɣnɩ ɛyʋ laɣɖɛ.+
Laɣɖɛ yɔɔ lɛ, ɛkaɣ seu,
Nɛ pakaɣ ɖʋʋ e-evebiya kɩjɛyʋʋ tʋma.
9 Sɔɔndʋ maɣmaɣ yɔɔ lɛ, ɛ-kaaʋ kaɣ mʋʋʋ,
Nɛ yʋsaɣ sizika yɔɔ lɛ, sɔɔndʋ sɔsɔtʋ kaɣ kpaʋ ɛ-awumbiya,» Yehowa yɔɔdʋʋna,
Ɛnʋ weyi ɛ-ñalɩmɩyɛ* wɛ Siyɔŋ taa nɛ e-miŋ momoɖe wɛɛ Yeruzalɛm taa yɔ.