Efɛɛzɩ mba
1 Ma Pɔɔlɩ, weyi pɩtɩŋnɩ Ɛsɔ sɔɔlɩm yɔɔ nɛ ɛpɩsɩ Krɩstʋ Yesu tɛ apostoloo yɔ, mamaɣnɩ takayaɣ kanɛ ɛyaa kiɖeɖema mba pɛwɛ Efɛɛzɩ+ nɛ pɛwɛɛ siɣsiɣ pa nɛ Krɩstʋ Yesu pɔ-nɔɔ kʋɖʋmaɣ labʋ taa yɔ:
2 Tɛtɛ nɛ ɩwɛɛnɩ lootiye nɛ laŋhɛzɩyɛ nɖɩ ɖɩlɩnɩ ɖa-Caa Ɛsɔ nɛ Kɩbaɣlʋ Yesu Krɩstʋ pɔ-cɔlɔ yɔ.
3 Pasa ɖa-Kɩbaɣlʋ Yesu Krɩstʋ tɛ Ɛsɔ nɛ ɛ-Caa, mbʋ pʋyɔɔ yɔ ɛkpaɣ paa fezuu taa wazaɣ ŋga lɛ nɛ ɛwazɩnɩ-ɖʋ ɛsɔdaa, ɖa nɛ Krɩstʋ ɖɔ-nɔɔ kʋɖʋmaɣ labʋ taa,+ 4 ɛzɩ ɛlɩzʋʋ-ɖʋ se ɖa nɛ ɩ* ɖɩwɛɛ nɔɔ kʋɖʋmaɣ pʋcɔ nɛ pasɩɣ ɛjaɖɛ tigiɖe yɔ, se pɩsa nɛ ɖɩkɛ kiɖeɖema nɛ pataana azuluma naayɛ ɖɔ-yɔɔ+ ɛ-ɛsɩndaa, sɔɔlɩm taa. 5 Mbʋ pʋyɔɔ yɔ, ɛɛɖʋ ɖooo lɔŋ+ se ɛtɩŋɩɣnɩ Yesu Krɩstʋ yɔɔ nɛ ɛkpaɣ-ɖʋ ɛzɩ ɛ-maɣmaɣ ɛ-pɩyalaa yɔ,+ ɛzɩ pɩkɛdʋʋnɩ-ɩ yɔ nɛ ɛzɩ ɛ-sɔɔlɩm pɔzʋʋ yɔ;+ 6 ɛlabɩ mbʋ se pasa e-lootiye sɔsɔɖɛ+ nɖɩ ɛtɩŋnɩ ɛ-Pɩyalʋ kʋsɔɔlʋ yɔɔ nɛ ɛlabɩ-ɖʋ faaa yɔ.+ 7 Pɩtɩŋnɩ ɛ-yɔɔ lɛ, poholi-ɖʋ pɩtɩŋnɩ kɩhɛyʋʋ pʋ-ñʋʋ taa yɔɔ, ɛ-calɩm yɔɔ;+ ɛɛɛ, pekpeɣ-ɖʋ ɖa-kɩwɛɛkɩm,+ pɩtɩŋnɩ e-lootiye sɔsɔɖɛ yɔɔ.
8 Ɛsɔ laba nɛ ɖɩwɛɛnɩ lootiye nɖɩ sakɩyɛ, lɔŋsɩnɖɛ nɛ tɔm taa nɩʋ lɛɣtʋ pe-kpeekpe pa-taa 9 alɩwaatʋ ndʋ eyeba nɛ ɖɩtɩlɩ ɛ-sɔɔlɩm tɛ mɛsaɣ tɛɛ tɔm kiɖeɖetu yɔ.+ Tɩlabɩ nɔɔ kʋɖʋmaɣ nɛ mbʋ pɩkɛdɩnɩ-ɩ siŋŋ nɛ ɛ-maɣmaɣ ɛɖʋwa se ɛlakɩ yɔ, 10 se alɩwaatʋ ndʋ paɖʋwa yɔ tɩtɛŋ lɛ, ɛlakɩ wondu yɔɔ cɔnʋʋ ɖʋtʋ natʋyʋ;* nɛ ekpeɣli wondu tɩŋa Krɩstʋ taa, wondu ndʋ tɩwɛ ɛsɔdaa nɛ wondu ndʋ tɩwɛ tataa yɔ.+ Ɛɛɛ, ekpeɣliɣ-tʋ ɛ-taa, 11 ɛnʋ weyi ɖa nɛ ɩ ɖɩwɛ nɔɔ kʋɖʋmaɣ nɛ palɩzɩ-ɖʋ se ɖa nɛ ɩ ɖɩkaa ñɩm yɔ;+ Ɛsɔ lɩzɩ-ɖʋ ɖooo lɔŋ nɛ pɩla nɔɔ kʋɖʋmaɣ nɛ ɛ-tamaɣ, ɛnʋ weyi ɛlakɩ pɩtɩŋa ɛzɩ ɛsɔɔlʋʋ nɛ ɛɖʋ yɔ; 12 se pɩsa nɛ ɖa mba ɖɩcalɩ wɛnʋʋ lidaʋ Krɩstʋ yɔɔ yɔ, ɖɩɖʋ Ɛsɔ lɩm nɛ pɩɖʋ hɩɖɛ ɛ-samtʋ. 13 Ɛlɛ mɩ ɖɔɖɔ, ɩɩwɛnɩ lidaʋ ɛ-yɔɔ alɩwaatʋ ndʋ ɩnɩ toovenim tɔm yɔ, tɩkɛ mɩ-ñʋʋ yabʋ yɔɔ tɔm kɩbandʋ. Alɩwaatʋ ndʋ itisaa yɔ, patɩŋnɩ ɛ-yɔɔ nɛ pañɩɣ mɩ-yɔɔ fezuu kiɖeɖeu ŋgʋ paayɔɔdaa se pahaɣ-mɩ yɔ kɩ-mayaɣ;+ 14 kɩkɛ ñɩm mbʋ pakaɣ-ɖʋ cɛlʋʋ nɛ ɛsɩndaa yɔ pɩ-yʋsaɣ,+ se pɩsa nɛ Ɛsɔ tɩŋnɩ kɩhɛyʋʋ pʋ-ñʋʋ taa yɔɔ+ nɛ eholi ɛ-maɣmaɣ ɛ-samaɣ*+ se pɩɖʋ hɩɖɛ ɛ-samtʋ.
15 Mbʋ yebina nɛ ma ɖɔɖɔ, alɩwaatʋ ndʋ manɩ tisuu mbʋ ɩwɛnɩ Kɩbaɣlʋ Yesu yɔɔ nɛ sɔɔlɩm mbʋ ɩwɩlɩ ɛyaa kiɖeɖema tɩŋa yɔ pɩ-tɔm lɛ, 16 mantiyele Ɛsɔ sɛʋ mɩ-yɔɔ kpa se ɛlabaɣ lɛ. Mɛwɛɛ nɛ mɔntɔzʋʋ mɩ-yɔɔ ma-adɩma taa, 17 se ɖa-Kɩbaɣlʋ Yesu Krɩstʋ tɛ Ɛsɔ, weyi ɛkɛ samtʋ Caa yɔ, ɛha-mɩ ɖoŋ nɛ ɩkɛ lɔŋsɩnɖaa nɛ ɩnɩɩ mbʋ ɛlɩzɩɣ nɛ ɛwɩlɩɣ yɔ pʋ-tɔbʋʋ nɛ piyele nɛ ɩwɛɛnɩ toovenim sɩmtʋ ɛ-yɔɔ.+ 18 Ɛñandɩ ɛsa wena awɛ mɩ-laŋa taa yɔ a-yɔɔ, se pɩsa nɛ ɩtɩlɩ lidaʋ ŋgʋ ɛya-mɩ se ɩwɛɛna yɔ, ñɩm sɔsɔm mbʋ ɛsɩwa se pɩkɛnɩ ɛyaa kiɖeɖema ñɩm yɔ,+ 19 nɛ ɩtɩlɩ ɖɔɖɔ ɛzɩma e-ɖoŋ sɔsɔŋ wayɩ fɛyɩ yɔ, weyi ɛwɩlɩɣ ɖa mba ɖɩwɛnɩ tisuu yɔ.+ Panaɣ e-ɖoŋ paɣlɩka ɛzɩma ɛlakɩnɩ e-ɖoŋ sɔsɔŋ tʋmɩyɛ yɔ pɩ-taa, 20 weyi ɛlabɩnɩ tʋmɩyɛ Krɩstʋ hɔɔlʋʋ taa alɩwaatʋ ndʋ efezi-i nɛ sɩɖaa taa nɛ ɛcaɣzɩ-ɩ e-nesi kɩbanzɩ yɔɔ+ ɛsɔdaa, 21 kominawaa tɩŋa, ñʋndɩnaa tɩŋa, ɖoŋ tɩŋa, kɩbaɣlaa tɩŋa nɛ hɩla tɩŋa ñʋʋ yɔɔ yɔ;+ pɩtɩkɛ ɛjaɖɛ ɖɩnɛ* ɖɩ-taa ɖeke ɛlɛ nɖɩ ɖɩkaɣ kɔm yɔ ɖɩ-taa ɖɔɖɔ. 22 Eluzi ɖɔɖɔ wondu tɩŋa ɛ-nɩŋgbanzɩ tɛɛ+ nɛ ɛpɩsɩ-ɩ ñʋʋdʋ ɛgbɛyɛ taa wondu tɩŋa yɔɔ,+ 23 nɖɩ ɖɩkɛ e-tomnaɣ yɔ,+ nɛ ɛnʋ suni ɖɩ-taa; nɛ ɛnʋ lakɩna nɛ pɩtɩŋa payɩ pisuu pɩtɩŋa pɩ-taa.