Yɔɔb
26 Yɔɔb cosi nɛ ɛyɔɔdɩ se:
2 «Ŋsɩnɩ weyi ɛfɛyɩ ɖoŋ yɔ mbʋ suwe!
Ŋyabɩ nesi nzɩ sɩfɛyɩ ɖoŋ yɔ sɩ-ñʋʋ mbʋ suwe!+
3 Lɔŋ kɩbaŋ kpem ŋtasɩ weyi ɛfɛyɩnɩ lɔŋsɩnɖɛ yɔ!+
Ŋwɩlɩ ñɔ-lɔŋsɩnɖɛ* faaa* kpem mbʋ suwe!
4 Anɩ ŋcaɣ yɔɔdɩnʋʋ?
Nɛ aseɣti-ŋ se ŋyɔɔdɩ tɔm ndʋ?*
5 Mba pɛfɛyɩnɩ ɖoŋ nɩɩyɩ sɩm taa yɔ peseliɣ;
Halɩ pɛwɛ ɖooo hadɛ nɛ pɩkɩlɩ teŋgu nɛ mbʋ mbʋ pɩwɛ kɩ-taa yɔ.
7 Eposuu hayo kiŋ ɛsɔdaa* lone nɖɩ ɖɩwɛ kpɛɖɛ yɔ ɖɩ-yɔɔ,+
Etisusi tɛtʋ nabʋyʋ yɔɔ;
8 Ɛhɔkʋʋ lɩm ɛ-mɩndʋ taa,+
Se pɩsa nɛ pi-yuŋ etaayele nɛ mɩndʋ ya;
9 Eposuu ɛ-mɩndʋ e-kewiyaɣ kpelaɣ yɔɔ,
Se ehuuzini kɔ-yɔɔ.+
10 Ɛhɛɣ caŋa nɛ ɛɖʋʋnɩ kamaɣ teŋgu nɛ ɛsɔdaa pɛ-hɛkʋ taa;+
Ɛɖʋʋ kamaɣ ñalɩmɩyɛ nɛ cɩkpɛndʋʋ pɛ-hɛkʋ taa.
11 Ɛsɔdaa tilima maɣmaɣ ñamsɩɣ;
Ɛñazɩɣ lɛ, sɔɔndʋ kpaɣ-yɛ.
13 Efeziɣ lɛ, eyeki nɛ ɛsɔdaa ñandɩɣ ñamm;
E-nesi tʋlʋʋ pɔŋ ɖʋm weyi ɛ-kpaʋ wɛ kaɖɛ yɔ.*
14 Na! Ɛ-nʋmɔŋ kpɛnzɩ ɖeke lɛ;+
Tɔm ndʋ ɖɩnɩ ɛ-yɔɔ yɔ tɩwɛ yem ɛzɩ pɛwɛɛtʋʋ tɔm yɔ!
Ye mbʋ, apɩzɩɣ nɛ ɛnɩɩ ɛ-tɛʋ nazʋʋ sɔsɔm tɔbʋʋ?»+