Keɣa
118 Ɩsɛɛ Yehowa se ɛlabaɣ lɛ, mbʋ pʋyɔɔ yɔ ɛwɛ ɖeu;+
Ɛ-sɔɔlɩm siɣsiɣ ñɩmbʋ wɛ tam.
2 Izrayɛɛlɩ ɛyɔɔdɩ lɛɛlɛɛyɔ se:
«Ɛ-sɔɔlɩm siɣsiɣ ñɩmbʋ wɛ tam.»
3 Aarɔɔnɩ ɖɩɣa taa mba ɩyɔɔdɩ lɛɛlɛɛyɔ se:
«Ɛ-sɔɔlɩm siɣsiɣ ñɩmbʋ wɛ tam.»
4 Mba peseɣ Yehowa sɔɔndʋ yɔ pɔyɔɔdɩ lɛɛlɛɛyɔ se:
«Ɛ-sɔɔlɩm siɣsiɣ ñɩmbʋ wɛ tam.»
5 Maya Yah* man-kʋñɔŋ taa;
Yah cosi-m nɛ ewoni-m lone nɖɩ ɖɩ-taa kaɖɛ naɖɩyɛ ɛɛpɩzɩɣ nɛ ɖɩtalɩ-m yɔ.*+
6 Yehowa wɛ mɔn-cɔlɔ; sɔɔndʋ ɛɛkaɣ-m kpaʋ.+
Ɛbɛ ɛyʋ pɩzɩɣ nɛ ɛlabɩ-m?+
7 Yehowa wɛ mɔn-cɔlɔ se ɛsɩnɩ-m;*+
Mankaɣ cɔnʋʋ mba papaɖɩɣ-m yɔ nɛ taa leleŋ alɩwaatʋ ndʋ pɔtɔlʋʋ yɔ.+
8 Pɩwɛ ɖeu se ɛyʋ ɛɖʋ Yehowa kʋyʋʋ
Nɛ pɩkɩlɩ se ɛtaa ɛyaa liu.+
11 Aacɔ-m nɛ ata, ɛɛɛ, aacɔ-m nɛ ata hɔɔlɩŋ tɩŋa taa,
Ɛlɛ Yehowa hɩɖɛ taa lɛ,
Mɔnɖɔɔnɩ-yɛ.
12 Aacɔ-m nɛ ata ɛzɩ tʋŋ yɔ,
Ɛlɛ aɖɩm lɛɛ lɛɛ ɛzɩ sɔɔ miŋ yɔ.
Yehowa hɩɖɛ taa lɛ,
Mɔnɖɔɔnɩ-yɛ.+
13 Potuzi-m* ɖoŋ se mɔntɔlɩ,
Ɛlɛ Yehowa sɩnɩ-m.
14 Yah kɛnɩ man-ɖɩjɔzɩyɛ nɛ mon-ɖoŋ,
Ɛpɩsɩ ma-ñʋʋ yaɖʋ.+
15 Panɩɣ taa leleŋ nɛ ñʋʋ yabʋ* kogoye taŋ
Siɣsiɣ tɩnaa kizinzikiŋ tɛɛ.
Yehowa nesi kɩbanzɩ ɖiɣni si-ɖoŋ wɩlʋʋ.+
16 Yehowa nesi kɩbanzɩ ɖiɣni kpaʋ;
Yehowa nesi kɩbanzɩ ɖiɣni si-ɖoŋ wɩlʋʋ.+
17 Maakaɣ sɩbʋ, ɛɛɛ, mankaɣ caɣʋ wezuu
Nɛ monsusi Yah tʋma.+
19 Ɩtʋlɩ-m siɣsiɣ wɛtʋ nɔnɔsɩ;+
Mankaɣ-sɩ tɩŋnʋʋ nɛ mansʋʋ nɛ mansa Yah.
20 Yehowa nɔnɔɔ yɔ.
Ɛyaa siɣsiɣ tɩnaa kaɣ-kɛ tɩŋnʋʋ nɛ pasʋʋ.+
21 Mankaɣ-ŋ sam, mbʋ pʋyɔɔ yɔ ŋcosi-m+
Nɛ ŋpɩsɩ ma-ñʋʋ yaɖʋ.
24 Kɩyakʋ ŋgʋ Yehowa laba yɔ, ŋgʋ yɔ;
Ðɩwɛɣ laŋhʋlʋmɩyɛ taa nɛ ɖɩmɛyɩ ki-wiye.
25 Hayɩ Yehowa, ɖitendi-ŋ, ya ɖa-ñʋʋ!
Yehowa, ɖitendi-ŋ, yele nɛ ɖɩwa!
27 Yehowa kɛnɩ Ɛsɔ;
Ɛhaɣ-ɖʋ ñalɩmɩyɛ.+
28 Ñɛkɛnɩ mɛ-Ɛsɔ, nɛ mankaɣ-ŋ sam;
Mɛ-Ɛsɔ, mankaɣ-ŋ ñɔkʋʋ.+