Keɣa
71 Hayɩ Yehowa, ña manɖʋ kʋyʋʋ.
Fɛyɛ ɛtaakpa-m kpa.+
2 Ñe-siɣsiɣ wɛtʋ yɔɔ lɛ, ya ma-ñʋʋ nɛ ŋholi-m.
Kʋ nɩŋgbaŋʋʋ* nɛ ŋwelisini-m nɛ ŋya ma-ñʋʋ.+
3 Pɩsɩ man-kaaʋ ŋgʋ kɩ-tɛɛ mɔncɔzʋʋ yɔ,
Ðenɖe manpɩzɩɣ nɛ mansʋʋ paa ɛzɩmtaa yɔ.
Ðʋ paɣtʋ nɛ paya ma-ñʋʋ,
Mbʋ pʋyɔɔ yɔ ñɛkɛnɩ man-kaaʋ nɛ men-tilimiye ɖoŋ ñɩnɖɛ.+
4 Hayɩ mɛ-Ɛsɔ, holi-m kañatʋ tʋ nesi tɛɛ,+
Holi-m nazɩyʋ weyi ɛfɛyɩ siɣsiɣ yɔ e-nesi tɛɛ.
6 Ñɔ-yɔɔ mɛwɛɛ, kpaɣnɩ alɩwaatʋ ndʋ palʋlɩ-m yɔ;
Ñalɩzɩnɩ-m nɛ mon-ɖoo lotu taa.+
Mansaŋɩ-ŋ paa ɛzɩmtaa.
7 Manpɩsɩ maamaaci pʋyʋ ɛyaa sakɩyɛ ɛsɩndaa,
Ɛlɛ ñɛkɛnɩ man-ɖɩjɔzɩyɛ ɖoŋ ñɩnɖɛ.
8 Ña-samtʋ su mɔ-nɔɔ taa;+
Evemiye kpeekpe, mɛnkɛdɩɣ ñe-keɖeɣa tɔm.
10 Mon-koyindinaa yɔɔdʋʋ tɔm kɩdɛkɛdɩtʋ mɔ-yɔɔ,
11 Pɔyɔɔdʋʋ se: «Ɛsɔ lɔ-ɩ.
Ɩɖʋ ɛ-wayɩ nɛ ɩkpa-ɩ, mbʋ pʋyɔɔ yɔ nɔɔyʋ fɛyɩ se ɛyakɩ ɛ-ñʋʋ.»+
12 Hayɩ Ɛsɔ, taaposini-m.
Hayɩ mɛ-Ɛsɔ, kɔɔ lɛɛ lɛɛ nɛ ŋsɩnɩ-m.+
Mba pañɩnɩɣ se asɛyʋʋ ɛtalɩ-m yɔ,
Fɛyɛ ɛkpa-wɛ; fɛyɛ ɛkpa-wɛ kʋɖɩɩɩ.+
14 Ɛlɛ ma lɛ, mɛwɛɣ ɖaŋʋʋ yɔɔ;
Mankaɣ-ŋ sam nɛ pɩkɩlɩ.
15 Mɔ-nɔɔ kaɣ kɛdʋʋ ñe-siɣsiɣ wɛtʋ tɔm,+
Kakaɣ kɛdʋʋ ña-ñʋʋ yabʋ tʋma tɔm evemiye kpeekpe,
16 Oo Kɩbaɣlʋ Kɩlɩm Yehowa,
Mankaɣ kɔm nɛ mɛnkɛdɩ ña-tʋma sɔsɔna tɔm;
Mankaɣ yɔɔdʋʋ ñe-siɣsiɣ wɛtʋ tɔm, ñe-ɖeke ñe-siɣsiɣ wɛtʋ tɔm.
17 Oo Ɛsɔ, ŋwɩlɩ-m tɔm kpaɣnɩ ɖooo me-evebitu taa,+
Nɛ halɩ nɛ sɔnɔ mantiyele susuu ñe-piti tʋma tɔm.+
18 Paa mankpadɩyaa nɛ ma-ñʋʋ hʋlʋmɩ yɔ, Oo Ɛsɔ, taalɔ-m.+
20 Ŋlaba nɛ kʋñɔmɩŋ sakɩyɛ nɛ asɛyɩŋ sakɩyɛ talɩ-m,+
Paa mbʋ yɔ, la nɛ manɖaɣnɩ wɛʋ wezuu;
Lɩzɩ-m nɛ tɛtʋ cukaŋ taa.+
21 Yele nɛ manpaɣlɩ nɛ pɩkɩlɩ,
Cɔ-m nɛ ŋta nɛ ŋhɛzɩ ma-laŋɩyɛ.
22 Ðɩnɛ ɛlɛ, Oo mɛ-Ɛsɔ, ñe-siɣsiɣ wɛtʋ yɔɔ lɛ,+
Mankaɣ-ŋ sam nɛ cɩmʋʋ wonuu ŋgʋ kɩ-yɔɔ wɛ nimasɩ yɔ.
Oo Izrayɛɛlɩ tɛ Kiɖeɖeu,
Mankaɣ mabʋ cɩmʋʋ nɛ menteeni-ŋ samtʋ hendu.
23 Mo-ndomee kaɣ kou taa leleŋ kogoye alɩwaatʋ ndʋ menteɣ-ŋ samtʋ hendu yɔ,+