Ebree mba

1 Ðooo lɔndaa lɛ, Ɛsɔ kaatɩŋnɩ nayaa yɔɔ nɛ nʋmɔŋ sakɩyɛ yɔɔ nɛ ɛyɔɔdɩnɩ ɖɔ-cɔzɔnaa tam sakɩyɛ.+ 2 Lɛɛlɛɛyɔ, kɩyakɩŋ ɛnɩ ɩ-ɖɩdɛnɖɛ lɛ, ɛtɩŋnɩ Pɩyalʋ+ nɔɔyʋ yɔɔ nɛ ɛyɔɔdɩnɩ-ɖʋ, Pɩyalʋ weyi ɛlɩzɩ-ɩ se pɩtɩŋa payɩ pɩpɩsɩ ɛ-pʋyʋ yɔ,+ nɛ weyi ɛ-yɔɔ ɛtɩŋnaa nɛ ɛlɩzɩ mbʋ payɩ pɩwɛɛ yɔ.*+ 3 Ɛkɛ Ɛsɔ samtʋ kɩlɛmʋʋ+ nɛ mbʋ Ɛsɔ kɛnaa ɖeyi ɖeyi yɔ pɩ-lɛzʋʋ,+ nɛ ɛtɩŋɩɣnɩ e-ɖoŋ tɔm yɔɔ nɛ ɛɖɔkʋʋ pɩtɩŋa payɩ. Nɛ ɛñalɩ ɖa-kɩwɛɛkɩm nɛ pɩtɛ lɛ,+ ɛcaɣ Kɩlɩm nesi kɩbanzɩ yɔɔ ɛsɔdaa.+ 4 Pʋyɔɔ ɛkɔm nɛ ɛkɩlɩ Ɛsɔ tiyiyaa,+ nɛ halɩ paha-ɩ hɩɖɛ nɖɩ ɖɩkpaɖɩ ɖeu pa-ñɩna yɔ.+

5 Kɩɖaʋ nakʋyʋ yɔ: Ɛsɔ tiyiyu weyi Ɛsɔ tɛm heyuu wiɖiyi se: «Ŋkɛ man-pɩyalʋ; sɔnɔ, manpɩsɩ ña-caa»?+ Nɛ ɖɔɖɔ se: «Mankaɣ pɩsʋʋ ɛ-caa, nɛ ɛkaɣ pɩsʋʋ man-pɩyalʋ»?+ 6 Ɛlɛ alɩwaatʋ ndʋ ɛɖaɣnɩɣ tiyuu ɛ-Kajalaɣ Pɩɣa+ tɛtʋ yɔɔ yɔ, ɛyɔɔdɩ tɩ-tɔm se: «Nɛ Ɛsɔ tiyiyaa tɩŋa ɩha-ɩ ñamtʋ.»*

7 Pɩtasɩ lɛ, ɛyɔɔdɩ Ɛsɔ tiyiyaa tɔm se: «Ɛpɩsɩɣ e-tiyiyaa feziŋ, nɛ ɛpɩsɩɣ ɛ-lɩmɖʋyaa*+ miŋ nzʋlʋmɩyɛ.»+ 8 Ɛlɛ ɛyɔɔdɩ Pɩyalʋ tɔm se: «Ɛsɔ kɛnɩ ñe-kewiyaɣ kpelaɣ+ tam, nɛ ñe-Kewiyaɣ ɖaʋ kɛ siɣsiɣ wɛtʋ kewiyitu ɖaʋ. 9 Ŋsɔɔlɩ siɣsiɣ wɛtʋ nɛ ŋpaɖɩ paɣtʋ yɔɔ maʋ. Pʋyɔɔ Ɛsɔ, ñɛ-Ɛsɔ ta-ŋ amɛya num+ nɛ pɩkɩlɩ ña-taabalaa.»+ 10 Nɛ: «Kiɖe tɛɛ lɛ, hayɩ Kɩbaɣlʋ, ŋsɩ tɛtʋ tigila, nɛ ɛsɔdaa kɛ ñe-nesi tɛɛ tʋmɩyɛ. 11 Pakaɣ ɖɩm, ɛlɛ ña lɛ ŋkaɣ wɛʋ tam; nɛ pa-tɩŋa pakaɣ hʋʋ ɛzɩ toko yɔ, 12 nɛ ŋkaɣ-wɛ kpiyuu ɛzɩ toko sɔsɔʋ yɔ, ɛzɩ wondu kususutu yɔ, nɛ pakaɣ-wɛ lɛɣzʋʋ. Ɛlɛ ña lɛ, ŋŋlɛɣzɩɣ; nɛ ña-pɩnzɩ ɩɩkaɣ tɛm kaaʋ.»+

13 Ɛlɛ Ɛsɔ tiyiyu weyi tɔm ɛtɛm yɔɔdʋʋ wiɖiyi se: «Caɣ me-nesi kɩbanzɩ yɔɔ nɛ pɩkɔɔ nɛ pɩtalɩ alɩwaatʋ ndʋ mansɩɣ ño-koyindinaa nɛ pɛkɛ ña-nɩŋgbanzɩ ɖɩzɩyɛ yɔ»?+ 14 Ɛzɩ pa-tɩŋa patɩkɛ feziŋ weyi ɩlakɩ tʋmɩyɛ kiɖeɖeye yɔ,*+ weyi petiyi-i se ɩɖʋ lɩm mba pakaɣ hiɣu ñʋʋ yabʋ yɔ?