Ejipiti Lɩʋ

40 Nɛ Yehowa heyi Moyizi se: 2 «Kajalaɣ fenaɣ tɛ kajalaɣ kɩyakʋ wiye lɛ, pɩwɛɛ se ŋsiɣ Ɛsɔ sɛtʋ kɩɖanɖʋʋ, kediɣzaɣ kizinziku.+ 3 Sʋnɩ Aseɣɖe Lɩzʋʋ aɖakaɣ kɩ-tɛɛ,+ nɛ ŋpuzi pɩsaʋ kikenduu nɛ pikendi Aɖakaɣ yɔɔ.+ 4 Pɩwɛɛ se ŋsʋnɩ taabɩlɩ+ kɩ-tɛɛ nɛ ŋñɔɔzɩ wondu ndʋ palakɩnɩ tʋmɩyɛ kɩ-yɔɔ yɔ nɛ ŋsʋnɩ kanɖʋnaa ɖɩzɩyɛ+ nɛ ŋsɔ kanɖʋnaa+ mba pɛwɛ ɖɩ-yɔɔ yɔ. 5 Pʋwayɩ lɛ, ŋkpaɣ ŋgee tɩlaaɖɩ sika altaaru+ nɛ ŋsɩɩ Aseɣɖe Lɩzʋʋ aɖakaɣ ɛsɩndaa nɛ ŋpuzi pɩsaʋ kikenduu Ɛsɔ sɛtʋ kɩɖanɖʋʋ nɔnɔɔ yɔɔ.+

6 «Pɩwɛɛ se ŋsɩɩ kɩlaŋ kɩñaɣzɩŋ altaaru+ Ɛsɔ sɛtʋ kɩɖanɖʋʋ nɔnɔɔ ɛsɩndaa, pʋ-tɔbʋʋ se kediɣzaɣ kizinziku nɔnɔɔ ɛsɩndaa, 7 nɛ ŋsɩɩ ñanaɣ sɔsɔɔ kediɣzaɣ kizinziku nɛ altaaru pɛ-hɛkʋ taa nɛ ŋɖʋ ka-taa lɩm.+ 8 Pʋwayɩ lɛ, ŋla kadaɣ+ nɛ pɩcɔɔ-kʋ nɛ pɩta nɛ ŋpuzi pɩsaʋ kikenduu+ kadaɣ nɔnɔɔ yɔɔ. 9 Pʋbʋ wayɩ lɛ, pɩwɛɛ se ŋkpaɣ ŋgee num+ nɛ ŋtaa Ɛsɔ sɛtʋ kɩɖanɖʋʋ nɛ mbʋ payɩ pɩwɛ kɩ-taa yɔ,+ nɛ ŋpɩsɩ kɩ nɛ wondu ndʋ tɩwɛ kɩ-taa yɔ wondu kiɖeɖetu, se pɩsa nɛ kɩpɩsɩ pʋyʋ kiɖeɖeu. 10 Pɩwɛɛ se ŋtaa num kɩlaŋ kɩñaɣzɩŋ altaaru nɛ ki-wondu tɩŋa payɩ nɛ ŋpɩsɩ altaaru pʋyʋ kiɖeɖeu, se pɩsa nɛ kɩpɩsɩ altaaru kiɖeɖeu ŋgʋ kɩkpaɖaa yɔ.+ 11 Nɛ ŋtaa num ñanaɣ sɔsɔɔ nɛ ka-ɖɩdɩnɩyɛ nɛ ŋpɩsɩ-kɛ pʋyʋ kiɖeɖeu.

12 «Pʋwayɩ lɛ, ŋkɔnɩ Aarɔɔnɩ nɛ ɛ-pɩyalaa kediɣzaɣ kizinziku nɔnɔɔ cɔlɔ, nɛ ŋsɔ-wɛ lɩm.+ 13 Nɛ pɩwɛɛ se ŋsuu Aarɔɔnɩ wondu kiɖeɖetu+ nɛ ŋtaa-ɩ num+ nɛ ŋpɩsɩ-ɩ kiɖeɖeu, nɛ ɛkaɣ-m labʋ cɔjɔtʋ tʋmɩyɛ. 14 Pʋwayɩ lɛ, ŋkɔnɩ ɛ-pɩyalaa nɛ ŋsuu-wɛ tokonaa kɩɖaɣlaa.+ 15 Pɩwɛɛ se ŋtaa-wɛ num ɛzɩ ŋtaʋ pa-caa num yɔ,+ se pɩsa nɛ palabɩ-m cɔjɔtʋ tʋmɩyɛ, nɛ po-num taʋ mbʋ pɩkaɣ yebu se cɔjɔtʋ ɛpɩsɩ pa-tʋmɩyɛ tam pa-kpaɖɩŋ kpeekpe taa.»+

16 Moyizi la pɩtɩŋa payɩ ɛzɩ Yehowa kaapɔzʋʋ-ɩ yɔ.+ Mbʋ ɖeyi ɖeyi ɛlaba.

17 Pɩnaɣ 2 ñɩŋga, kajalaɣ fenaɣ tɛ kajalaɣ kɩyakʋ wiye pesiɣ Ɛsɔ sɛtʋ kɩɖanɖʋʋ.+ 18 Alɩwaatʋ ndʋ Moyizi siɣ Ɛsɔ sɛtʋ kɩɖanɖʋʋ yɔ, ɛsɩ kɩ-ɖɩdɩnɩyɛ lona,+ esiɣ kpoŋgbolonaa,*+ ɛɖʋ kɩ-ɖaŋ sɔsɔŋ,+ nɛ esiɣ ki-tilima. 19 Eposi kizinziku pɩsaʋ+ Ɛsɔ sɛtʋ kɩɖanɖʋʋ yɔɔ nɛ ɛtɩnɩ kizinziku kuhuuzuu+ kɩ-yɔɔ, ɛzɩ Yehowa kaapɔzʋʋ Moyizi se ɛla yɔ.

20 Pʋwayɩ lɛ, ɛkpaɣ Aseɣɖe Lɩzʋʋ+ nɛ ɛɖʋ Aɖakaɣ+ taa nɛ ɛsʋzɩ Aɖakaɣ ɖaŋ+ nɛ esuli sulaɣ+ Aɖakaɣ yɔɔ.+ 21 Ɛkɔnɩ Aɖakaɣ Ɛsɔ sɛtʋ kɩɖanɖʋʋ tɛɛ nɛ epuzi pɩsaʋ kikenduu+ ŋgʋ kɩtayɩɣ hɛkʋ taa yɔ ki-lone taa nɛ kikendi Aseɣɖe Lɩzʋʋ aɖakaɣ,+ ɛzɩ Yehowa kaapɔzʋʋ Moyizi se ɛla yɔ.

22 Pʋwayɩ lɛ, ɛsɩɩ taabɩlɩ+ kediɣzaɣ kizinziku tɛɛ, Ɛsɔ sɛtʋ kɩɖanɖʋʋ hayo kiŋ hɔɔlʋʋ taa, pɩsaʋ kikenduu ɛsɩndaa, 23 nɛ ɛñɔɔzɩ kpɔnɔnaa caŋa+ kɩ-yɔɔ Yehowa ɛsɩndaa, ɛzɩ Yehowa kaapɔzʋʋ Moyizi se ɛla yɔ.

24 Ɛsɩɩ kanɖʋnaa ɖɩzɩyɛ+ kediɣzaɣ kizinziku tɛɛ taabɩlɩ ɛsɩndaa, Ɛsɔ sɛtʋ kɩɖanɖʋʋ hadɛ kiŋ hɔɔlʋʋ taa. 25 Ɛsɔ kanɖʋnaa+ Yehowa ɛsɩndaa, ɛzɩ Yehowa kaapɔzʋʋ Moyizi se ɛla yɔ.

26 Pʋwayɩ lɛ, ɛsɩɩ sika altaaru+ kediɣzaɣ kizinziku tɛɛ pɩsaʋ kikenduu ɛsɩndaa, 27 se pɩsa nɛ ɛsɔ ŋgee tɩlaaɖɩ sɔzɩŋ ñɩŋgʋ+ kɩ-yɔɔ,+ ɛzɩ Yehowa kaapɔzʋʋ Moyizi se ɛla yɔ.

28 Nɛ epuzi pɩsaʋ kikenduu+ Ɛsɔ sɛtʋ kɩɖanɖʋʋ nɔnɔɔ yɔɔ.

29 Ɛkpaɣ kɩlaŋ kɩñaɣzɩŋ altaaru+ nɛ ɛsɩɩ Ɛsɔ sɛtʋ kɩɖanɖʋʋ, pʋ-tɔbʋʋ se kediɣzaɣ kizinziku nɔnɔɔ taa, se pɩsa nɛ ɛpɩzɩ nɛ ɛlaa kɩlaŋ kɩñaɣzɩŋ+ nɛ tɔɔnaɣ pee kɩlaŋ kɩ-yɔɔ, ɛzɩ Yehowa kaapɔzʋʋ Moyizi se ɛla yɔ.

30 Pʋwayɩ lɛ, ɛsɩɩ ñanaɣ sɔsɔɔ kediɣzaɣ kizinziku nɛ altaaru pɛ-hɛkʋ taa nɛ ɛɖʋ ka-taa lɩm se pasaŋɩɣ.+ 31 Moyizi nɛ Aarɔɔnɩ nɛ ɛlɛ pɩyalaa pocozaɣ lɩm ka-taa nɛ pasaŋɩɣ pe-nesi nɛ pɔkɔʋ pa-nɩŋgbanzɩ. 32 Alɩwaatʋ ndʋ pasʋwaɣ kediɣzaɣ kizinziku tɛɛ yaa pɔñɔtaɣnɩ altaaru yɔ, pɩɩwɛɛ se pasaŋɩɣ pe-nesi nɛ pɔkɔʋ pa-nɩŋgbanzɩ lɩm,+ ɛzɩ Yehowa kaapɔzʋʋ Moyizi se ɛla yɔ.

33 Kɛdɛzaɣ ɖeɖe lɛ, ɛlabɩ kadaɣ+ nɛ pɩcɔɔ Ɛsɔ sɛtʋ kɩɖanɖʋʋ nɛ altaaru nɛ pɩta nɛ epuzi pɩsaʋ kikenduu kadaɣ nɔnɔɔ yɔɔ.+

Mbʋ Moyizi tɛzɩnɩ tʋmɩyɛ nɖɩ. 34 Nɛ ɛsɔmɩnʋʋ paɣzɩ huuzuu kediɣzaɣ kizinziku yɔɔ, nɛ Yehowa samtʋ yuŋ su Ɛsɔ sɛtʋ kɩɖanɖʋʋ taa.+ 35 Moyizi taapɩzɩɣ se ɛsʋʋ kediɣzaɣ kizinziku tɛɛ mbʋ pʋyɔɔ yɔ mɩndʋ kaawɛ kɩ-yɔɔ, nɛ Yehowa samtʋ yuŋ su Ɛsɔ sɛtʋ kɩɖanɖʋʋ taa.+

36 Nɛ Izrayɛɛlɩ mba nʋmɔʋ ɖɔm tɩŋa taa lɛ, alɩwaatʋ ndʋ mɩndʋ kʋyaɣ Ɛsɔ sɛtʋ kɩɖanɖʋʋ yɔɔ yɔ, pakʋyaɣ lone nɖɩ ɖɩ-taa paawɛɛ yɔ nɛ pɛɖɛɣ.+ 37 Ɛlɛ, ye mɩndʋ ɛtɩkʋyɩ yɔ, paakʋyʋʋ lone nɖɩ ɖɩ-taa paawɛɛ yɔ pɩkɔɔ nɛ pɩsɩɩnɩ kɩyakʋ ŋgʋ tɩkʋyaa yɔ.+ 38 Mbʋ pʋyɔɔ yɔ Yehowa mɩndʋ cakaɣ Ɛsɔ sɛtʋ kɩɖanɖʋʋ yɔɔ wɩsɩ taa, nɛ miŋ cakaɣ kɩ-yɔɔ ɖoo taa Izrayɛɛlɩ samaɣ kpeekpe ɛsɩndaa pa-nʋmɔʋ ɖɔm kpeekpe taa.+