Keɣa
Hendu teyaa ñʋʋdʋ. Daviid hendu.
41 Koboyaɣ tʋ lɛ weyi ɛmaɣzɩɣ ɛjam yɔɔ yɔ;+
Yehowa kaɣ-ɩ holuu asɛyʋʋ kɩyakʋ wiye.
2 Yehowa kaɣ ɛ-yɔɔ kandɩyʋʋ nɛ eyele nɛ ɛwɛɛ wezuu.
Pakaɣ-ɩ yaʋ tɛtʋ yɔɔ se koboyaɣ tʋ;+
Ŋŋkaɣ-ɩ ɖʋzʋʋ e-koyindinaa nesi tɛɛ kpa se palabɩ-ɩ mbʋ pɔsɔɔlaa yɔ.*+
3 Yehowa kaɣ-ɩ sɩnʋʋ ɛ-kʋdɔŋ ñalʋʋ yɔɔ;+
Ɛ-kʋdɔŋ alɩwaatʋ taa, ŋkaɣ lɛɣzʋʋ ɛ-ñalʋʋ tɩŋa.
4 Mbʋ pʋyɔɔ yɔ mɔyɔɔdaa se: «Hayɩ Yehowa, na man-pʋtɔdɩyɛ.+
Wa-m,*+ mbʋ pʋyɔɔ yɔ mayʋsɩnɩ-ŋ.»+
5 Ɛlɛ mon-koyindinaa yɔɔdʋʋ tɔm kɩdɛkɛdɩtʋ mɔ-yɔɔ nɛ pɔtɔŋ se:
«Ɛzɩmtaa ɛkaɣ sɩbʋ nɛ ɛ-hɩɖɛ ɖɩ?»
6 Pa-taa nɔɔyʋ kɔŋ se ɛnaɣ-m lɛ, cɛtɩm tɔm ɛ-laŋɩyɛ yɔɔdʋʋ.
Ɛñɩnɩɣ tɔm kɩdɛkɛdɩtʋ natʋyʋ mɔ-yɔɔ se ɛɛyɔɔdɩ;
Pʋwayɩ lɛ, ɛlɩɩ nɛ ɛyɛlɩnɩ-tʋ.
7 Mba payɩ papaɖɩɣ-m yɔ, pɛwɛɛtɩɣ ɖama tɔm;
Pɛkpɛyɩɣ tɔm kɩdɛkɛdɩtʋ mɔ-yɔɔ. Pɔtɔŋ se:
8 «Asɛyʋʋ nakʋyʋ talɩ-ɩ;
Lɛɛlɛɛyɔ, ɛwɛ tataa, ɛɛkaɣ tasʋʋ kʋyʋʋ.»+
9 Halɩ ɛyʋ weyi laŋhɛzɩyɛ kaawɛ ma nɛ ɩ ɖɛ-hɛkʋ taa yɔ, weyi mantaɣaɣ-ɩ liu yɔ,+
10 Ɛlɛ ña lɛ, hayɩ Yehowa, na man-pʋtɔdɩyɛ nɛ ŋkʋsɩ-m,
Nɛ manpɩzɩ nɛ mankpa-wɛ kɩmɩyɛ.
11 Pʋnɛ manaɣna se mɔn-tɔm kɛdɩnɩ-ŋ:
Ye mon-koyindu ɛtɩpɩzɩ nɛ ekoo se ɛwabɩ-m yɔ.+
13 Pasa Izrayɛɛlɩ tɛ Ɛsɔ Yehowa nɛ pɩkpaɣ nɛ pɩɖɛɛ tam tam.*+
Amɛn, Amɛn.