Kroniiki takayaɣ naalɛ ñɩŋga

19 Nɛ Yuuda wiyaʋ Yozafaatɩ pɩsɩ ɛ-ɖɩɣa* taa Yeruzalɛm nɛ alaafɩya.*+ 2 Ananii+ weyi ɛnaɣ natʋ yɔ ɛ-pɩyalʋ Yehu+ lɩɩ nɛ ɛkatɩ Wiyaʋ Yozafaatɩ nɛ ɛpɔzɩ-ɩ se: «Kañatʋ tʋ pɩwɛɛ se ŋɖʋ nesi na?+ Nɛ mba papaɖɩɣ Yehowa yɔ pɩwɛɛ se ŋsɔɔlɩ?+ Pʋyɔɔ lɛ Yehowa kɔ-ŋ nɛ pana. 3 Paa mbʋ yɔ, pana kɩbam nabʋyʋ ña-taa,+ mbʋ pʋyɔɔ yɔ ŋɖɩzɩ sizikasɩ kiɖeɖesi* ɛjaɖɛ taa nɛ ŋñɔɔzɩ ña-laŋɩyɛ* se ŋñɩnɩ Ɛsɔ toovenim tʋ.»+

4 Yozafaatɩ wɛɛ Yeruzalɛm mbʋ, nɛ ɛtasɩɣ lɩʋ nɛ ewoki samaɣ cɔlɔ, kpaɣnɩ Beyɛɛrɩ-Seeba nɛ piwolo Efrayim pʋŋ egeetiye taa,+ se ɛpɩsɩnɩ-wɛ pɔ-cɔzɔnaa tɛ Ɛsɔ Yehowa cɔlɔ.+ 5 Ɛlɩzɩ ɖɔɖɔ tɔm hʋyaa ɛjaɖɛ kpeekpe taa, paa Yuuda tɛtʋ ɖoŋ ñɩndʋ ndʋ lɛ tɩ-taa.+ 6 Nɛ eheyi tɔm hʋyaa se: «Ɩmaɣzɩ mbʋ iɖiɣni labʋ yɔ pɩ-yɔɔ camɩyɛ, mbʋ pʋyɔɔ yɔ pɩtɩkɛ ɛyʋ hɩɖɛ taa ɩhʋʋ tɔm ɛlɛ Yehowa hɩɖɛ taa, nɛ ɛwɛ mɩ-cɔlɔ alɩwaatʋ ndʋ ɩhʋʋ tɔm yɔ.+ 7 Lɛɛlɛɛyɔ lɛ, iyele nɛ Yehowa sɔɔndʋ seu wɛɛ mɩ-taa.+ Ɩmaɣzɩ mbʋ ɩlakɩ yɔ pɩ-yɔɔ camɩyɛ, mbʋ pʋyɔɔ yɔ ɖɛ-Ɛsɔ Yehowa cɔlɔ lɛ, mulum lakasɩ fɛyɩ,+ ɛsɩmɩyɛ yɔɔ lakasɩ fɛyɩ,+ mulum kʋjɔʋ mʋʋ fɛyɩ.»+

8 Yeruzalɛm taa ɖɔɖɔ lɛ, Yozafaatɩ lɩzɩ Leevi mba nabɛyɛ nɛ cɔjɔnaa nabɛyɛ nɛ Izrayɛɛlɩ taa caanaa ɖɩsɩ ñʋndɩnaa nabɛyɛ se pɛkɛ tɔm hʋyaa Yehowa hɩɖɛ taa nɛ pahʋʋ tɔm ndʋ tɩkɔŋ Yeruzalɛm taa mba hɛkʋ taa yɔ.+ 9 Nɛ ɛɖʋ-wɛ paɣtʋ se: «Pʋnɛ pɩwɛɛ se ɩlabɩnɩ Yehowa sɔɔndʋ seu, nɛ siɣsiɣ wɛtʋ nɛ laŋɩyɛ pilim:* 10 Alɩwaatʋ ndʋ payɩ mi-koobiya mba pɛwɛ pɛ-tɛtʋ ndɩ ndɩ taa yɔ pɔkɔŋnɩ tɔm natʋyʋ nɛ titukuuni calɩm kpɛdʋʋ+ yaa tɔm ndʋ titukuuni paɣtʋ, paɣtʋ taa tɔm natʋyʋ, kpalɩtʋ, yaa tɔm hʋʋ yɔ, pɩwɛɛ se ɩpaɣ-wɛ nɛ piyele nɛ pataaɖɔɔ wɛɛ Yehowa ɛsɩndaa; pɩtɩkɛ mbʋ yɔ, ɛ-pana kaɣ kɔm mɩ nɛ mi-koobiya mɩ-yɔɔ. Mbʋ pɩwɛɛ se ɩla nɛ ɩtaaɖɔɔ wɛɛ. 11 Cɔjɔ sɔsɔ Amariya yɔ, ɛnʋ kaɣnɩ-mɩ ɖɛʋ nɔɔ nɛ ɩcɔnɩ tɔm ndʋ payɩ titukuuni Yehowa yɔ ti-ɖeɖe.+ Isimayɛɛlɩ pɩyalʋ Zebaadiya kɛ Yuuda ɖɩɣa ɖiyiyu se ɛcɔnɩ tɔm ndʋ payɩ titukuuni wiyaʋ yɔ ti-ɖeɖe. Nɛ Leevi mba kaɣ kɛʋ tʋma yɔɔ cɔnɩyaa mba pasɩɣnɩ-mɩ yɔ. Ɩwɛɛ ɖoŋ nɛ ɩla tʋmɩyɛ, nɛ Yehowa ɛwɛɛ mba palakɩ mbʋ pɩwɛ ɖeu yɔ pɔ-cɔlɔ.»*+