Keɣa
Daviid hendu.
138 Mankaɣ-ŋ sam nɛ ma-laŋɩyɛ kpeekpe.+
Mankaɣ-ŋ teu samtʋ hendu
Ɛsɔnaa lalaa ɛsɩndaa.*
2 Mankaɣ luŋuu nɛ maha ɛsa nɛ ñe-templo kiɖeɖeu,*+
Nɛ mankaɣ ña-hɩɖɛ sam+
Ñɔ-sɔɔlɩm siɣsiɣ ñɩmbʋ nɛ ñe-siɣsiɣ wɛtʋ yɔɔ.
Mbʋ pʋyɔɔ yɔ ŋkpazɩ ñɔ-tɔm nɛ ña-hɩɖɛ nɛ pɩkɩlɩ pɩtɩŋa.*
4 Oo Yehowa, tɛtʋ yɔɔ awiya kpeekpe kaɣ-ŋ sam,+
Mbʋ pʋyɔɔ yɔ akaɣ nɩʋ tamasɩ nzɩ ŋlaba yɔ sɩ-tɔm.
5 Akaɣ teu hendu nɛ aɖɛyɩnɩ Yehowa nʋmɔŋ,
Mbʋ pʋyɔɔ yɔ Yehowa samtʋ paɣlaa.+
6 Paa Yehowa ɛwɛ ɖooo ɛsɔdaa yɔ, ekeŋni mba poluzuu pa-tɩ yɔ,+
Ɛlɛ mba pakpazɩɣ pa-tɩ yɔ, poliŋ taa yem ɛsɩm-wɛ.+
7 Paa mɔnɖɔŋ kaɖɛ taa yɔ, ŋkaɣ me-wezuu ɖɔkʋʋ.+
Ŋseziɣ ñe-nesi nɛ ŋkaɖɩɣnɩ mon-koyindinaa pana;
Ñe-nesi kɩbanzɩ kaɣ ma-ñʋʋ yabʋ.
8 Yehowa kaɣ labʋ mbʋ payɩ ɛɖʋwa se ɛlakɩ-m yɔ.