Wayɩ Wayɩ Paɣtʋ
32 «Oo ɛsɔdaa, kʋ nɩŋgbaŋʋʋ, mankaɣ yɔɔdʋʋ,
Nɛ tɛtʋ ɛnɩɩ tɔm ndʋ tɩlɩɣnɩ mɔ-nɔɔ taa yɔ.
2 Tɔm ndʋ mawɩlɩɣ yɔ tɩkaɣ nɩʋ ɛzɩ tɛʋ yɔ;
Mɔn-tɔm pee kaɣ tibu ɛzɩ ɖoluu yɔ,
Ɛzɩ tɛʋ ŋgʋ kɩnɩɣ ñɩtʋ yɔɔ hɛɛɛ yɔ,
Nɛ ɛzɩ tɛʋ sɔsɔʋ ŋgʋ kɩnɩɣ mbʋ pɩñɔʋnɩ tɛtɛɛ yɔ pɩ-yɔɔ yɔ.
3 Mbʋ pʋyɔɔ yɔ mankaɣ susuu Yehowa hɩɖɛ.+
Ɩyɔɔdɩ ɖɛ-Ɛsɔ paɣlɩka tɔm!+
5 Mba labɩnɩ lakasɩ kɩdɛkɛdɩsɩ.+
Patɩkɛ e-piya, pɔ-yɔɔ ɛjandʋ wɛɛ.+
Pɛkɛ kpaɖʋʋ kɩdɛkɛdʋʋ ŋgʋ kɩtɩtʋʋzɩ yɔ!+
Pɩtɩkɛ ɛnʋ kɛnɩ ña-Caa weyi eyeba nɛ ŋwɛɛ,+
Weyi ɛma-ŋ nɛ eyele nɛ ŋka camɩyɛ yɔ?
7 Tɔzɩ caanaʋ taa kɩyakɩŋ yɔɔ;
Maɣzɩ kpaɖɩŋ weyi ɩɖɛwa yɔ ɩ-pɩnzɩ yɔɔ.
Pɔzɩ ña-caa, nɛ ɛkaɣ-ŋ heyuu;+
Pɔzɩ ñɛ-ɛzʋtʋyaa, nɛ pakaɣ-ŋ kɛdʋʋ.
8 Alɩwaatʋ ndʋ Kɩlɩm cɛlɩ ajɛɛ a-ñɩm yɔ,+
Alɩwaatʋ ndʋ ɛtayɩ Aɖam pɩyalaa* hɛkʋ taa yɔ,+
Ɛcɔnɩ Izrayɛɛlɩ pɩyalaa ɖɔ ɖɔʋ mbʋ yɔ+
Nɛ ɛɖʋ ɛyaa samasɩ kamasɩ.+
11 Ɛzɩ kpeluu* ciɣduu kɩ-ɖandʋ,
Nɛ kɩkʋyʋʋ nɛ kɩcɔʋ ki-piya yɔɔ,
Nɛ kiposuu ki-keŋ nɛ kɩkɛyɩɣ-sɩ,
Nɛ kɩkpakɩɣ-sɩ ki-keŋ yɔɔ yɔ,+
12 Yehowa ɖeke kaawɛna nɛ eɖiyiɣ-i;*+
Agbaaɣdaa ɛsɔ nɔɔyʋ taawɛɛ ɛ-cɔlɔ.+
Ɛcalɩ-ɩ nɛ tʋŋ num mbʋ pɩlɩnɩ ɛwaɣ taa yɔ
Nɛ num mbʋ pɩlɩnɩ kaaʋ ɖoŋ ñɩŋgʋ* taa yɔ,
14 Naanum, heŋ nɛ pʋŋ hɩlɩm,
Nɛ pɩtasɩnɩ heŋ weyi ɩkɩlɩ ɖeu yɔ,*
Nɛ Basaanɩ ɛyaŋ, nɛ tuliŋ,
Nɛ pɩtasɩnɩ blee* ŋgʋ kɩkɩlɩ ɖeu yɔ;*+
Nɛ ŋñɔ vɛɛ ŋgʋ kɩlɩnɩ viiñi pee lɩm* taa yɔ.
15 Yesurun* ɖʋ num lɛ, ɛtɔ nɩŋgbaŋaɣ nɛ kaañamtʋ.
Ŋɖʋ num, ŋɖʋ tɔnʋʋ, ŋhuwa.+
Pʋyɔɔ eyebi Ɛsɔ weyi ɛma-ɩ yɔ,+
Nɛ eni ɛ-ñʋʋ yabʋ Kaaʋ.
16 Pakpaɣ agbaaɣdaa ɛsɔnaa nɛ pokulusini ɛ-pana;+
Paawɛɛ nɛ paɖʋʋ-ɩ ɖɩwɩzɩyɛ nɛ wondu ndʋ tɩcaɣ kʋzɔɔtʋ yɔ.+
17 Aleewaa palaɣaɣ kɩlaŋ, pɩtaakɛ Ɛsɔ,+
Ɛsɔnaa mba pataasɩm-wɛ yɔ mba palaɣaɣ,
Ɛsɔnaa kɩfama mba palɩwa pitileɖi yɔ,
Ɛsɔnaa mba mɩ-cɔzɔnaa taasɩm-wɛ yɔ.
19 Yehowa na mbʋ lɛ, ɛlɔ-wɛ+
Mbʋ pʋyɔɔ yɔ ɛ-pɩyalaa nɛ ɛ-pɛlaa paɖʋ-ɩ ɖɩwɩzɩyɛ.
20 Pʋyɔɔ ɛyɔɔdaa se: “Maakaɣ-wɛ haʋ ɛsɩndaa;+
Mankaɣ naʋ mbʋ pakaɣ tɛmnʋʋ yɔ.
21 Pakpaɣ mbʋ pɩtɩkɛ ɛsɔ nɔɔyʋ yɔ nɛ pokulusini man-pana;*+
Pa-sɩʋ kpelisi nzɩ sɩfɛyɩnɩ wazaɣ nakɛyɛ yɔ, nzɩ paɖʋnɩ-m ɖɩwɩzɩyɛ.+
Pʋyɔɔ lɛ, mankaɣ yebu nɛ mbʋ pɩtɩkɛ samaɣ yɔ pikulusi pa-sʋsɩ;+
Ɛjaɖɛ nɖɩ ɖɩfɛyɩ lɔŋ yɔ, nɖɩ mankaɣ kpaɣʋ nɛ manɖʋnɩ-wɛ ɖɩwɩzɩyɛ.+
22 Mbʋ pʋyɔɔ yɔ man-pana puzi miŋ nɩɩyɩ,+
Miŋ ɛnɩ ɛkaɣ mʋʋ nɛ pɩtalɩ Pɩlaʋ* cukaŋ taa,+
Nɛ ɛkaɣ ñaɣʋ tɛtʋ nɛ pɩkpɛndɩnɩ mbʋ tɩlʋlʋʋ yɔ
Nɛ ɛkaɣ ñaɣʋ ɖɔɖɔ pʋŋ tigila.
23 Mankaɣ yebu nɛ pa-kʋñɔmɩŋ ɖɔɔ;
Nɛ mankaɣ-wɛ yaɣʋ mɔn-tɔʋ ñɩma nɛ atɛ.
24 Ñɔɔsɩ kaɣ-wɛ pʋʋzʋʋ+
Pakaɣ saʋ miŋ kaŋ kaŋ nɛ pɛtɛŋɩlɩ, nɛ ɖɩzʋʋ mbʋ pɩwɛ ñaŋ yɔ mbʋ kaɣnɩ-wɛ tɔɔʋ.+
Mankaɣ-wɛ tiyinuu tɛtɛgbɩna kela+
Nɛ mʋzʋʋ taa ɖʋmaa sɔtʋ.
25 Laɣɖɛ kaɣ tɛm pɛ-ɛyaa awayɩ;+
Nɛ pɩ-taa lɛ, sɔɔndʋ kaɣ kpaʋ+
Evebu nɛ pɛlɛ weyi ɛɛsɩŋ abalʋ yɔ,
Nɛ pɩkpɛndɩnɩ pɩɣa nɛ abalʋ ñʋʋ nɛ panzɩ tʋ.+
26 Maatɔm se: ‘Mankaɣ-wɛ mɩzʋʋ;
Mankaɣ yebu nɛ pɔsɔɔ pɔ-yɔɔ ɛyaa hɛkʋ taa,’
27 Ɛlɛ tɔm ndʋ koyindu pɩzɩɣ nɛ ɛyɔɔdɩ yɔ ndʋ menseɣ sɔɔndʋ,+
Mbʋ pʋyɔɔ yɔ pɩtɩla koyindinaa ɩɩkaɣ pɩ-taa nɩʋ.+
Papɩzɩɣ nɛ pɔtɔ se: ‘Ðo-ɖoŋ wabɩna;+
Pɩtɩkɛ Yehowa labɩnɩ pɩtɩŋa payɩ mbʋ yɔ.’
29 Ye paakɛ lɔŋsɩnɖaa yɔ,+ ɛzʋnɔ paamaɣzɩ pɩ-yɔɔ camɩyɛ.+
Ɛzʋnɔ paamaɣzɩ mbʋ pɩkaɣ-wɛ tɛmnʋʋ yɔ pɩ-yɔɔ.+
30 Ɛzɩma ɛyʋ kʋɖʋm pɩzɩɣ nɛ ɛɖʋ ɛyaa 1 000 wayɩ,
Nɛ ɛyaa 2 yele nɛ ɛyaa 10 000 kpaɣ seya?+
Ye pɩtɩkɛ pa-Kaaʋ pɛdɩnɩ-wɛ+
Nɛ ye pɩtɩkɛ Yehowa kpaɣnɩ-wɛ nɛ ɛcɛlɩ yɔ.
32 Mbʋ pʋyɔɔ yɔ pe-viiñi lɩnɩ Sodom viiñi taa,
Kɩlɩnɩ Gomɔɔrɩ hayɩm taa.+
Pe-viiñi pee kɛ viiñi pee wena awɛ sɔtʋ yɔ,
Pe-viiñi pee wɛ ñaŋ.+
33 Pɛ-vɛɛ kɛ ɖʋmaa sɔtʋ,
Ðalʋ sɔtʋ patʋ ñɩndʋ.
34 Ɛzɩ patɩsɩɩ-pʋ mɔn-cɔlɔ,
Nɛ pataaɖɩ pɩ-yɔɔ nɛ pɩwɛɛ mo-wondu ɖɩzɩyɛ taa yaa we?+
35 Matɩnɩ kɩmɩyɛ kpaʋ, nɛ mɛhɛyɩɣnɩ pi-lone taa,+
Alɩwaatʋ ndʋ paɖʋwa yɔ tɩtalɩɣ lɛ, pɩkaɣ pa-nɩŋgbanzɩ tuu,+
Mbʋ pʋyɔɔ yɔ pa-asɛyʋʋ kɩyakʋ ñɔtaa,
Nɛ mbʋ pɩɖaŋ-wɛ yɔ, pɩkaɣ kɔm tuda.”
36 Mbʋ pʋyɔɔ yɔ Yehowa kaɣ tɔm hʋnʋʋ ɛ-samaɣ,+
Nɛ ɛkaɣ naʋ ɛ-lɩmɖʋyaa pʋtɔdɩyɛ*+
Alɩwaatʋ ndʋ ɛnaɣ se po-ɖoŋ tɛma yɔ,
Nɛ alɩwaatʋ ndʋ ɛnaɣ se weyi ɛfɛyɩnɩ ɖoŋ nɩɩyɩ yɔ nɛ ɛjam pe-ɖeke pakazɩna yɔ.
37 Ðɩnɛ ɛlɛ ɛkaɣ yɔɔdʋʋ se: “Le pɛ-ɛsɔnaa wɛɛ,+
Kaaʋ ŋgʋ kɩ-tɛɛ pañɩnɩɣ ɖɩjɔzɩyɛ yɔ,
38 Mba pɔtɔkaɣ pa-kɩlaŋ num yɔ,*
Mba pɔñɔwaɣ vɛɛ ŋgʋ palakɩnɩ kilizasɩ yɔ?+
Pakʋyɩ nɛ pasɩnɩ-mɩ lɛ.
Papɩsɩ mɩ-ɖɩjɔzɩyɛ lɛ.
Mankʋʋ, nɛ mahaɣ wezuu.+
40 Mbʋ pʋyɔɔ yɔ mankpazɩɣ me-nesi ɛsɔdaa,
Nɛ monɖuki se: ‘Mañɩtʋʋ nɛ mɛwɛɛ wezuu tam yɔ,’+
41 Ye mansayɩ ma-laɣɖɛ nɖɩ ɖɩñɩlɩsɩɣ yɔ
Nɛ mɔñɔɔzɩ me-nesi se mahʋʋ tɔm yɔ,+
Mankaɣ kpaʋ kɩmɩyɛ mon-koyindinaa+
Nɛ mɛhɛyɩ mba papaɖɩɣ-m yɔ.
42 Mankaɣ labʋ nɛ mɔn-tɔʋ ñɩma ñɔɔ calɩm nɛ pɩkʋ-yɛ,
Nɛ ma-laɣɖɛ kaɣ tɔɔʋ nandʋ,
Akaɣ ñɔʋ mba pakʋ-wɛ yɔ pa-calɩm nɛ yomaa calɩm,
Ðɩkaɣ tɔɔʋ koyindu ɖiyiyaa ñʋŋ.”
43 Mɩ ajɛɛ, mɩ-taa ɛla leleŋ, mɩ nɛ ɛ-samaɣ,+
Mbʋ pʋyɔɔ yɔ ɛkaɣ kpaʋ kɩmɩyɛ ɛ-lɩmɖʋyaa calɩm yɔɔ,+
Nɛ ɛkaɣ e-koyindinaa kɩmɩyɛ kpaʋ+
Nɛ ɛkaɣ labʋ kɩwɛɛkɩm yɔɔ huuzuu sɔnzɩ* ɛ-samaɣ ɛjaɖɛ.»
44 Mbʋ Moyizi kɔma, ɛ nɛ Nuuni pɩyalʋ Osee,*+ nɛ ɛyɔɔdɩ hendu ndʋ tɩ-taa tɔm kpeekpe samaɣ nɩŋgbaaŋ taa.+ 45 Moyizi heyi Izrayɛɛlɩ mba kpeekpe tɔm ndʋ tɩ-tɩŋa nɛ pɩtɛ lɛ, 46 eheyi-wɛ se: «Ɩɖɔkɩ tɔm ndʋ payɩ manpaɣnɩ-mɩ sɔnɔ yɔ mɩ-laŋa taa+ se pɩsa nɛ ɩpaɣ mɩ-pɩyalaa se pɔɖɔ Paɣtʋ tʋnɛ tɩ-taa tɔm kpeekpe yɔɔ ɖeyi ɖeyi.+ 47 Mbʋ pʋyɔɔ yɔ tɔm tʋnɛ tɩtɩkɛ-mɩ falaa tɔm, ɛlɛ tɩkɛ mi-wezuu,+ nɛ tɩ-yɔɔ pɩkaɣ tɩŋnʋʋ nɛ ɩpɩzɩ nɛ ɩcaɣ wezuu nɛ pileɖi ɛjaɖɛ nɖɩ ɩtɛzɩɣ Yɔɔrdaŋ pɔɔ se ɩmʋ-ɖɩ yɔ ɖɩ-taa.»
48 Yehowa yɔɔdɩnɩ Moyizi puwiye nɛ eheyi-i se: 49 «Kpa Abarim pʋʋ+ kʋnɛ kɩ-taa, Nebo Pʋʋ+ taa, pʋʋ ŋgʋ kɩwɛ Mowaabʋ ɛjaɖɛ taa yɔ, ŋgʋ kɩpam ɛsa nɛ Yeriikoo yɔ, nɛ ŋna Kanaŋ ɛjaɖɛ nɖɩ mɛncɛlɩɣ Izrayɛɛlɩ mba se ɖɩkɛ pa-ñɩm yɔ.+ 50 Nɛ ŋkaɣ sɩbʋ pʋʋ ŋgʋ kɩ-taa ŋkpaɣ yɔ nɛ pɛkpɛndɩ-ŋ ña-samaɣ yɔɔ,* ɛzɩ ña-ɖalʋ Aarɔɔnɩ ɖɔɖɔ sɩbʋ Hɔr Pʋʋ taa+ nɛ pɛkpɛndɩ-ɩ ɛ-samaɣ yɔɔ yɔ, 51 mbʋ pʋyɔɔ yɔ mɩ-naalɛ ɩtaawɛɛ siɣsiɣ mɛ-ɛsɩndaa Izrayɛɛlɩ mba hɛkʋ taa Meriba lɩm cɔlɔ+ Kadɛɛsɩ, Ziini kañɩmbusuu taa, mbʋ pʋyɔɔ yɔ ɩtɩwɩlɩ Izrayɛɛlɩ samaɣ ɛsɩndaa se mɛnkɛ kiɖeɖeu.*+ 52 Ðooo poliŋ taa ŋkaɣ naʋ ɛjaɖɛ nɖɩ, ɛlɛ ŋŋkaɣ sʋʋ ɛjaɖɛ nɖɩ mɛncɛlɩɣ Izrayɛɛlɩ samaɣ yɔ ɖɩ-taa.»+