Yɔɔb
13 «Ɛɛɛ, mɛ-ɛsɩyɛ na pɩtɩŋa mbʋ yɔ,
Ma-nɩŋgbaŋʋʋ nɩwa nɛ kɩnɩɩ pʋ-tɔbʋʋ.
2 Mbʋ ɩsɩma yɔ, ma ɖɔɖɔ mansɩm-pʋ;
Ɩtɩkɩlɩ-m.
3 Piyele nɛ ma lɛ, Ðoŋ Tɩŋa Tʋ maɣmaɣ mankaɣ yɔɔdɩnʋʋ;
Mɔnsɔɔlaa se malʋ man-tɩ yɔɔ Ɛsɔ ɛsɩndaa.+
4 Ɛlɛ ɩwɛɛ nɛ ɩpɔʋ mɔ-yɔɔ cɛtɩm;
Mɩ-tɩŋa ɩkɛ fɛɖaa mba paawazɩɣ pʋyʋ yɔ.+
5 Ye iisuŋaɣ tamɩyɛ yɔ,
Pɩɩwɩlaa se ɩwɛnɩ lɔŋsɩnɖɛ.+
6 Mentendi-mɩ, iwelisi tɔm ndʋ mɔyɔɔdʋʋ se malʋbɩnɩ man-tɩ yɔɔ yɔ,
Nɛ ikemsi mo-ndomee lʋkɩ mɔ-yɔɔ lʋbʋ mbʋ yɔ.
7 Ɩkaɣ yɔɔdʋʋ tɔm ndʋ tɩfɛyɩ siɣsiɣ yɔ Ɛsɔ hɩɖɛ taa?
Nɛ ɩkaɣ yɔɔdʋʋ cɛtɩm tɔm nɛ ɛ-nɔɔ na?
8 Ɩkaɣ tɩnʋʋ ɛ-yɔɔ?
Ɩkaɣ ñaɣʋ pana se ɩlʋ Ɛsɔ toovenim tʋ yɔɔ?
9 Ye ewili-mɩ yɔ, pɩkaɣ-mɩ tɛmnʋʋ camɩyɛ na?+
Ɩkaɣ-ɩ peɣzuu ɛzɩ pepeɣzuu ɛyʋ yɔ?
10 Ye ɩñakɩ pana mɛsaɣ tɛɛ se ɩla tɛ yɔɔ tɛ yɔɔ lakasɩ yɔ
Paa pɩɩla ɛzɩma yɔ, ɛkaɣ mɩ-nɩŋgbaŋʋʋ hɔm.+
11 Ɛzɩ ɛ-sɔsɔtʋ maɣmaɣ ɛɛkaɣ yebu nɛ iseli,
Nɛ sɔɔndʋ ndʋ tɩlɩnɩ ɛ-cɔlɔ yɔ tɩɩkaɣ tibu mɩ-yɔɔ?
12 Mɩ-lɔŋsɩnɖɛ tɔm kɛ tɔlɩma aduwa;
Tɔm ndʋ ɩlʋkɩnɩ mɩ-tɩ yɔɔ yɔ, tɩkɛ falaa pʋyʋ ɛzɩ cʋʋ kpayɩŋ yɔ.
13 Isu tamɩyɛ mɛ-ɛsɩndaa nɛ manpɩzɩ nɛ mɔyɔɔdɩ.
Nɛ paa ɛbɛ ɛtalɩɣ-m yɔ pɩtalɩ-m!
16 Ðɩnɛ ɛlɛ ɛkaɣ pɩsʋʋ ma-ñʋʋ yaɖʋ,+
Mbʋ pʋyɔɔ yɔ ɛyaa mba paañaŋ Ɛsɔ yɔ* pa-taa nɔɔyʋ ɛɛpɩzɩɣ nɛ ɛsʋʋ ɛ-ɛsɩndaa.+
17 Iwelisi mɔn-tɔm camɩyɛ;
Ikemsi tɔm ndʋ mɔyɔɔdʋʋ yɔ.
18 Ɩna, lɛɛlɛɛyɔ, mɔñɔɔzɩ tɔm ndʋ mɛwɛna se pahʋ-m tʋ yɔ;
Manawa se mɔn-tɔm ɖewa.
19 Akaɣ-m lʋbɩnʋʋ?
Ye pɩwɛɛ se monsu tamɩyɛ yɔ mansɩkɩ!*
20 Hayɩ Ɛsɔ, wondu 2 ɖeke mɔnpɔzʋʋ-ŋ,*
Se pɩsa nɛ mantaamɛlɩ ñɛ-ɛsɩndaa:
21 Kʋsɩ ñe-nesi yuŋ ñɩnzɩ mɔ-yɔɔ,
Nɛ taayele nɛ sɔɔndʋ ndʋ tɩlɩnɩ ñɔ-cɔlɔ yɔ tɩla nɛ menseli.+
22 Yɔɔdɩ nɛ mankaɣ-ŋ cosuu,
Yaa yɔ, yele nɛ mɔyɔɔdɩ nɛ ŋcosi-m.
23 Le nɛ le picoɖi-m nɛ man-kɩdɛkɛdɩm lɛ mbʋ?
Wɩlɩ-m mbʋ mɛwɛɛkaa yɔ nɛ ŋwɩlɩ-m man-kɩdɛkɛdɩm.
25 Ŋkaɣ ñaɣʋ pana se ŋɖʋ sɔɔndʋ tɩʋ hayʋʋ ŋgʋ helim kpaɣaa yɔ?
Yaa ŋkaɣ ɖʋʋ ñɩtʋ kɩwɩtʋ wayɩ?
26 Mbʋ pʋyɔɔ yɔ ŋtiyele mɔ-yɔɔ cɛtɩm tɔm sɔsɔtʋ maʋ nɛ ŋsɩɣ,
Nɛ kɩdɛkɛdɩm mbʋ maalabɩ me-evebitu taa yɔ, ŋpɔzʋʋ-m pɩ-tɛ akɔnta.
27 Ŋsʋzɩ ma-nɩŋgbanzɩ kpoŋgbolonaa pɔŋ* taa,
Ŋwili ma-nʋmɔŋ kpeekpe tete,
Nɛ ŋyʋsɩ paa ma-nɩŋgbaŋaɣ ɛgbaɖɛ nɖɩ.