Keɣa
Masɩkili.* Ezra tʋ Etaanɩ+ hendu.
89 Mankaɣ teu hendu sɔɔlɩm siɣsiɣ ñɩmbʋ mbʋ Yehowa wɩlɩɣ yɔ pɩ-yɔɔ tam.
Mankaɣ kuluu mɔ-nɔɔ nɛ meyele nɛ kpaɖɩŋ tɩŋa tɩlɩ ñe-siɣsiɣ wɛtʋ.
2 Mbʋ pʋyɔɔ yɔ mɔyɔɔdaa se: «Sɔɔlɩm siɣsiɣ ñɩmbʋ kaɣ wɛʋ* tam,+
Nɛ ŋcaɣzɩ ñe-siɣsiɣ wɛtʋ camɩyɛ ɛsɔdaa.»
4 “Mankaɣ caɣzʋʋ ña-lʋlʋʋ taa mba*+ camɩyɛ tam,
Nɛ mankaɣ kpazʋʋ ɖoŋ ñe-kewiyaɣ kpelaɣ kpaɖɩŋ tɩŋa taa.”»+ (Sɛɛla)
5 Oo Yehowa, ɛsɔdaa saŋ ñe-piti tʋma,
Ɛɛɛ, kɩsaŋ ñe-siɣsiɣ wɛtʋ kiɖeɖema ɛgbɛyɛ taa.
6 Mbʋ pʋyɔɔ yɔ awɛ ɛsɔdaa se papɩzɩɣ nɛ pakpaɣ-ɩ nɛ pamaɣzɩnɩ Yehowa?+
Ɛsɔ pɩyalaa+ taa awɛ ɛzɩ Yehowa yɔ?
7 Pañaŋ Ɛsɔ siŋŋ kiɖeɖema kediɣzaɣ taa;+
Mba payɩ pɔcɔ-ɩ nɛ pata yɔ pɛ-ɛsɩndaa lɛ, ɛpaɣlaa nɛ ɛcaɣ sɔɔndʋ.+
8 Oo yoyaa tɛ Ɛsɔ Yehowa,
Awɛ ɖoŋ ɛzɩ ña yɔ, Oo Yah?+
Ñe-siɣsiɣ wɛtʋ cɔ-ŋ nɛ tɩta.+
10 Ŋtɔyɩtɩ Rahaabɩ+ ɛzɩ ɛyʋ weyi pakʋ-ɩ yɔ.+
Ñe-nesi ɖoŋ ñɩnzɩ ŋmɩzɩnɩ ño-koyindinaa.+
14 Toovenim wɛʋ nɛ siɣsiɣ wɛtʋ kɛnɩ ñe-kewiyaɣ kpelaɣ tigiɖe;+
Sɔɔlɩm siɣsiɣ ñɩmbʋ nɛ siɣsiɣ wɛtʋ wɛ ñɛ-ɛsɩndaa.+
15 Samaɣ ŋga kamakɩ taa leleŋ kubusi yɔ, kɛkɛ koboyaɣ tʋ.+
Oo Yehowa, kɔɖɔŋ ñalɩmɩyɛ nɖɩ ɖɩlɩɣnɩ ñɛ-ɛsɩndaa yɔ ɖɩ-taa.
16 Kanɩɣ leleŋ ña-hɩɖɛ yɔɔ evemiye kpeekpe,
Nɛ ño-toovenim wɛʋ* yɔɔ lɛ, pakpazɩɣ-kɛ.
18 Mbʋ pʋyɔɔ yɔ Yehowa tɩnɩ ɖa-kpayʋʋ,
Izrayɛɛlɩ tɛ Kiɖeɖeu tɩnɩ ɖe-wiyaʋ.+
19 Alɩwaatʋ ndʋ tɩ-taa, ŋheyi ñe-siɣsiɣ tɩnaa natʋ natʋyʋ taa se:
21 Me-nesi kaɣ-ɩ sɩnʋʋ,+
Nɛ ma-nɩŋgbɛɛŋa kaɣ-ɩ kpazʋʋ ɖoŋ.
22 Koyindu nɔɔyʋ ɛɛkaɣ-ɩ pɔzʋʋ se ɛhɛyɩ lambuu,
Nɛ ɛyʋ weyi ɛfɛyɩ siɣsiɣ yɔ ɛɛkaɣ-ɩ nazʋʋ.+
26 Ɛkaɣ kou nɛ eheyi-m se: “Ñɛkɛnɩ man-Caa,
Mɛ-Ɛsɔ nɛ ma-ñʋʋ yabʋ Kaaʋ.”+
30 Ye ɛ-pɩyalaa iyebi man-paɣtʋ
Nɛ paaɖɔŋ paɣtʋ ndʋ manɖʋwa yɔ tɩ-yɔɔ,*
31 Ye paañaŋ man-ɖʋtʋ
Nɛ paaɖɔkʋʋ man-paɣtʋ yɔ,
32 Ðɩnɛ ɛlɛ, mankaɣ kpaɣʋ ɖaʋ nɛ mɔhɔmnɩ pa-nɩŋgbaŋʋʋ pa-kaañamtʋ yɔɔ+
Nɛ molu-wɛ ɛgbazɩyɛ pa-kɩdɛkɛdɩm yɔɔ.
33 Ɛlɛ maakaɣ-ɩ yebu wɩlʋʋ sɔɔlɩm siɣsiɣ ñɩmbʋ kpa+
Nɛ maakaɣ kizuu ɖɔm tamaɣ ŋga malabɩ-ɩ yɔ kɔ-yɔɔ.*
35 Monɖuu men-kele kele wɛtʋ taa tam kʋɖʋm nɛ pɩkpaɣ pɩɖɛɛ;
Maakaɣ cɛtʋʋ Daviid.+
37 Kakaɣ kam camɩyɛ tam ɛzɩ fenaɣ yɔ,
Aseɣɖe tʋ siɣsiɣ tʋ weyi ɛwɛ ɛsɔdaa yɔ.» (Sɛɛla)
38 Ɛlɛ ña lɛ, ŋkizi-i nɛ ŋlɔ-ɩ;+
Ña-taa wɩnɩ weyi ŋta-ɩ num yɔ.
39 Ŋtɩkpaɣ ɛgbɛyɛ nɖɩ ŋɖʋnɩ ña-lɩmɖʋyʋ yɔ nɛ ŋyaa pʋyʋ;
Ŋpisi e-kewiyitu hulaɣ* mbʋ pʋyɔɔ yɔ ŋpɛɖɩ-kɛ tataa.
40 Ŋyɔkɩ ɛ-pɛɛ kolonzi* kpeekpe;
Ŋlaba nɛ e-kolonzi sɔsɔsɩ tɔlɩ.
41 Mba payɩ patɩŋnɩ ɛ-cɔlɔ yɔ, palazɩ e-wondu;
Ɛkɛ woŋa pʋyʋ ɛ-cɔlɔ mba ɛsɩndaa.+
43 Ŋlaba ɖɔɖɔ nɛ ɛ-laɣɖɛ ɛɛtasɩɣ wazʋʋ pʋyʋ,
Nɛ ŋtɩsɩnɩ-ɩ you taa.
44 Ŋlaba nɛ e-keɖeɣa sɩɩ tɩnaɣ
Nɛ ŋpɛɖɩ e-kewiyaɣ kpelaɣ tataa.
45 Ŋtobiyi e-evebitu kɩyakɩŋ;
Ŋhuuzi ɛ-yɔɔ fɛyɛ. (Sɛɛla)
46 Oo Yehowa, ŋwɛɣ nɛ ŋmɛlɩɣ nɛ pɩkɔɔ pɩsɩɩnɩ ɖooye? Tam?+
Ña-pana wɛɣ nɛ amʋʋ mbʋ ɛzɩ miŋ yɔ?
47 Tɔzɩ se me-wezuu wɛ tobi kpem!+
Ɛzɩ falaa ŋlɩzɩ ɛyaa kpeekpe?
48 Ɛyʋ weyi pɩzɩɣ nɛ ɛcaɣ wezuu nɛ ɛɛsɩkɩ kaaʋ?+
Ɛpɩzɩɣ nɛ ɛya ɛ-maɣmaɣ ɛ-ñʋʋ* Pɩlaʋ* nesi* tɛɛ? (Sɛɛla)
49 Hayɩ Yehowa, le sɔɔlɩm siɣsiɣ ñɩmbʋ lakasɩ nzɩ ŋŋlaba nɛ pɩɖɛɛ yɔ sɩwɛɛ?
Nzɩ sɩ-tɔm ŋŋɖuuni Daviid ñe-siɣsiɣ wɛtʋ taa yɔ.+
50 Hayɩ Yehowa, tɔzɩ tʋtʋ ndʋ patʋ ña-lɩmɖʋyaa yɔ tɩ-yɔɔ;
Tɔzɩ se pɩwɛɛ se mɔnɖɔkɩ man-tɩ alɩwaatʋ ndʋ ajɛɛ kpeekpe tʋʋ-m yɔ;*
51 Tɔzɩ ɛzɩma ño-koyindinaa tʋ weyi ŋta-ɩ num yɔ pɩ-yɔɔ, Oo Yehowa;
Ɛzɩma patʋʋ weyi ŋta-ɩ num yɔ ɖenɖe payɩ ewoki yɔ.
52 Pasa Yehowa tam. Amɛn, Amɛn.+