Hendu teyaa ñʋʋdʋ. Daviid hendu.
20 Yehowa ecosi-ŋ kʋñɔŋ kɩyakʋ wiye.
Yakɔɔb tɛ Ɛsɔ hɩɖɛ ɛkandɩyɩ ñɔ-yɔɔ.+
2 Tɛtɛ nɛ etiyini-ŋ sɩnʋʋ nɛ lone kiɖeɖeye taa+
Nɛ ɛɖʋ-ŋ nesi nɛ Siyɔŋ taa.+
3 Tɛtɛ nɛ ɛtɔzɩ ña-kɩlaŋ kpeekpe yɔɔ;
Etisi nɛ ɛmʋ ña-kɩlaʋ kɩñaɣzʋʋ. (Sɛɛla)
4 Tɛtɛ nɛ ɛha-ŋ mbʋ ña-laŋɩyɛ sɔɔlaa yɔ+
Nɛ eyele nɛ pɩɖɔmnɩ-ŋ camɩyɛ ña-tamasɩ kpeekpe taa.
5 Ðɩkaɣ mabʋ taa leleŋ kubusi ña-ñʋʋ yabʋ tʋma yɔɔ;+
Ðɩkaɣ kpazʋʋ ɖa-wabɩtʋ yʋsasɩ ɖɛ-Ɛsɔ hɩɖɛ taa.+
Yehowa ɛha-ŋ mbʋ payɩ ŋpɔzʋʋ yɔ.
6 Lɛɛlɛɛyɔ, manawa se Yehowa yakɩ ɛ-tɛ patam num ñʋʋ.+
Ɛtɩŋɩɣnɩ ɛ-nɩwaŋ ñʋʋ yabɩtʋ sɔsɔtʋ yɔɔ+
Nɛ ecosuu-i nɛ ɛsɔdaa, e-lone kiɖeɖeye taa.
7 Nabɛyɛ taɣ you kɛɛkɛɛnaa liu nɛ lalaa ñataɣ kpaŋnaŋ liu,+
Ɛlɛ ɖa lɛ, ɖɛ-Ɛsɔ Yehowa hɩɖɛ ɖɩyaɣ.+
8 Paɖaba, pɔtɔlaa,
Ɛlɛ ɖa lɛ, ɖɩkʋyaa nɛ ɖɩpɩsɩ ɖe-ɖeɖe.+
9 Hayɩ Yehowa, ya wiyaʋ ñʋʋ!+
Ɛkaɣ-ɖʋ cosuu kɩyakʋ ŋgʋ ɖɩyaɣ-ɩ se ɛsɩnɩ-ɖʋ yɔ.+