Takayaɣ ŋga pama Koloosi mba yɔ
3 Ɛlɛ, ye pefezi mɩ nɛ Krɩstʋ yɔ,+ iwolo pɩ-yɔɔ nɛ ɩñɩnɩ ɛsɔdaa wondu, ɖenɖe Krɩstʋ caɣ Ɛsɔ nesi kɩbanzɩ yɔɔ yɔ.+ 2 Ɩka mɩ-lɩmaɣza ɛsɔdaa wondu yɔɔ,+ ɛlɛ pɩtaakɛ tataa wondu yɔɔ.+ 3 Mbʋ pʋyɔɔ yɔ ɩsɩba, nɛ pɛmɛsɩ mi-wezuu Krɩstʋ taa mɩ nɛ Ɛsɔ mɩ-nɔɔ kʋɖʋmaɣ labʋ taa. 4 Alɩwaatʋ ndʋ palɩzɩɣ Krɩstʋ, weyi ɛkɛ ɖe-wezuu+ nɛ pawɩlɩ yɔ, ɖɩnɛ ɛlɛ mɩ ɖɔɖɔ, pakaɣ mɩ nɛ ɩ lɩzʋʋ nɛ pawɩlɩ samtʋ taa.+
5 Pʋyɔɔ lɛ, ɩkʋ mi-tomnaɣ pilinzi+ nzɩ sɩwɛ tɛtʋ yɔɔ yɔ hɔɔlɩŋ ɛnɛ ɩ-taa: kʋzʋʋ kɩdɛkɛdʋʋ,* azuluma, kʋzʋʋ kɔɖɛyɩ kadadayaɣ,*+ kɔɖɛyɩ ŋgʋ kɩkɔŋnɩ ɛyʋ kaɖɛ yɔ, nɛ ɛsa naɣ naɣ, mbʋ pɩkɛ sɩɩnaa latʋ yɔ. 6 Lakasɩ nzɩ sɩ-yɔɔ Ɛsɔ pana kɔŋ. 7 Ðɔnɛ nɖɩ ɖeyi ɖeyi mɩ ɖɔɖɔ ɩɖɔŋaɣ mi-wezuu caɣʋ kɩbɩnʋʋ taa.*+ 8 Ɛlɛ lɛɛlɛɛyɔ lɛ, pɩwɛɛ se ɩlɔ lakasɩ sɩnɛ sɩ-tɩŋa ɖooo poliŋ: ɖɩwɩzɩyɛ, pana, lakasɩ kɩdɛkɛdɩsɩ,+ nɛ tɔm ndʋ tɩɖʋʋ ɖɩwɩzɩyɛ yɔ,+ nɛ ɛzaɣtʋ tɔm+ ɛtaalɩɩnɩ mɩ-nɔɔ taa. 9 Ɩtaacɛtɩ ɖama.+ Ɩhɔzɩ ɛyʋtʋ kɩbɩndʋ*+ nɛ tɩ-lakasɩ, 10 nɛ isuu ɛyʋtʋ kɩfatʋ,+ ndʋ toovenim sɩmtʋ yeba nɛ tɩpɩsɩɣ kɩfatʋ nɛ tɩlakɩ nɔɔ kʋɖʋmaɣ nɛ Weyi ɛlɩzɩ-tʋ yɔ ɛ-lɛzʋʋ yɔ,+ 11 nɛ tɩ-taa lɛ Grɛɛkɩ tʋ yaa Yuuda tʋ fɛyɩ, pɛlɩtʋ yaa kɩdɩbɛlɩtʋ fɛyɩ, ɛgɔm, Siitɩ tʋ,* yom, yaa ɛyʋ weyi ɛwɛ ɛ-tɩ yɔɔ yɔ ɛfɛyɩ; ɛlɛ Krɩstʋ kɛ pɩtɩŋa payɩ nɛ ɛwɛ pɩtɩŋa pɩ-taa.+
12 Pʋyɔɔ lɛ, ɛzɩ ɛyaa mba Ɛsɔ lɩzɩ-wɛ+ nɛ pɛkɛ kiɖeɖema nɛ ɛsɔɔlɩ-wɛ yɔ, isuu pʋtɔdɩyɛ naʋ tɛ sɔɔlɩm sɔsɔm,+ camɩyɛ lakasɩ, tɩ luzuu,+ hɛɛɛ wɛtʋ,+ nɛ suuɖu.+ 13 Iwolo pɩ-yɔɔ nɛ mɩ-tɔm ɛtaanɩɩ ɖama nɛ ikpeɣ ɖama faaa+ paa nɔɔyʋ ɛlabɩ nabʋyʋ nɛ pɩwɩzɩ lɛlʋ yɔ.+ Ɛzɩ Yehowa* kpeɣu-mɩ faaa yɔ, pɩwɛɛ se mɩ ɖɔɖɔ ɩla mbʋ.+ 14 Ɛlɛ pɩtasɩnɩ pɩtɩŋa payɩ mbʋ yɔ lɛ, isuu sɔɔlɩm;+ mbʋ pʋyɔɔ yɔ pɩkɛ nɔɔ kʋɖʋmaɣ tomiye nɖɩ ɖɩtalɩ pilim yɔ.+
15 Pɩtasɩ lɛ, iyele nɛ Krɩstʋ laŋhɛzɩyɛ ɖiyi mɩ-laŋa,+ mbʋ pʋyɔɔ yɔ laŋhɛzɩyɛ nɖɩ ɖɩ-yɔɔ paya-mɩ tomnaɣ kʋɖʋmaɣ taa. Nɛ ɩwɩlɩ se ɩwɛnɩ ɛsɩmɩyɛ. 16 Iyele nɛ Krɩstʋ tɔm wɛɛ mɩ-taa siŋŋ lɔŋsɩnɖɛ tɩŋa taa. Iwolo pɩ-yɔɔ nɛ ɩtɩŋnɩ keɣsi,+ Ɛsɔ samtʋ, fezuu taa hendu ndʋ iteɣni ɛsɩmɩyɛ yɔ tɩ-yɔɔ nɛ ɩwɩlɩ ɖama tɔm nɛ ɩkpazɩ ɖama ɖoŋ.* Iwolo pɩ-yɔɔ nɛ itee hendu Yehowa* mɩ-laŋa taa.+ 17 Paa ɛbɛ ɩlakɩ mɩ-yɔɔdaɣ taa yaa mɩ-lakasɩ taa yɔ, ɩla pɩtɩŋa Kɩbaɣlʋ Yesu hɩɖɛ taa, nɛ ɩtɩŋnɩ ɛ-yɔɔ nɛ ɩsɛɛ Caa Ɛsɔ se ɛlabaɣ lɛ.+
18 Mɩ halaa, iluzi mɩ-tɩ mɩ-walaa tɛɛ,+ ɛzɩ pɩmʋnaʋ Kɩbaɣlʋ taa yɔ. 19 Mɩ walaa, iwolo pɩ-yɔɔ nɛ ɩsɔɔlɩ mɩ-halaa+ nɛ ɩtaakɔ-wɛ nɛ pana kadadayaɣ.*+ 20 Mɩ piya, ɩña mɩ-lʋlɩyaa pɩtɩŋa pɩ-taa,+ mbʋ pʋyɔɔ yɔ, mbʋ kɛdɩɣnɩnɩ Kɩbaɣlʋ siŋŋ. 21 Mɩ caanaa, ɩtaawɛɛ nɛ ɩɖʋʋ mi-piya ɖɩwɩzɩyɛ,+ se pɩtaala nɛ pitibi-sɩ yɔɔɔ. 22 Mɩ yomaa, ɩña ɛyaa mba pɛkɛ mɩ-caanaa* yɔ pɩtɩŋa pɩ-taa,+ pɩtaakɛ alɩwaatʋ ndʋ peɖiɣni-mɩ naʋ yɔ ti-ɖeke tɩ-taa, se iɖe ɛyaa ɛsɩndaa yem; ɛlɛ ɩñamnɩ mɩ-laŋɩyɛ pilim, nɛ Yehowa* sɔɔndʋ seu. 23 Paa ɛbɛ iɖiɣni labʋ yɔ, ɩlabɩ-pʋ nɛ kalɩzaɣ* pilim ɛzɩ Yehowa* ɩlakɩ-pʋ yɔ,+ nɛ pɩtaawɛɛ ɛzɩ ɛyaa ɩlakɩ-pʋ yɔ; 24 mbʋ pʋyɔɔ yɔ, ɩsɩm mbʋ se Yehowa* cɔlɔ ɩkaɣ mʋʋ ñɩm mbʋ pɩkaɣ kɛʋ kɩhɛyʋʋ yɔ.+ Ɩwɩlɩ se ɩkɛ mɩ-Ñʋʋdʋ Krɩstʋ yomaa. 25 Toovenim taa lɛ, weyi ɛlakɩ mbʋ pɩtɩtʋʋzɩ yɔ, pakaɣ-ɩ hɛyʋʋ mbʋ ɛlaba nɛ pɩtɩtʋʋzɩ yɔ pɩ-yɔɔ,+ mbʋ pʋyɔɔ yɔ Ɛsɔ ɛɛɖʋʋ tʋkaɣ ɛyaa taa.+