Keɣa
Daviid hendu, se pɩtɔzʋʋ ɛyaa nabʋyʋ yɔɔ.
38 Hayɩ Yehowa, taakalɩ-m ña-pana taa
Nɛ taahɔ ɖɔɖɔ ma-nɩŋgbaŋʋʋ ñɔ-hɔpɩsɩyɛ taa.+
2 Mbʋ pʋyɔɔ yɔ ñɔ-tɔʋ ñɩma sɔbɩ-m nɛ atii ɖooo man-taa,
Nɛ ñe-nesi tɔyɩtʋʋ-m.+
3 Ña-pana yɔɔ lɛ, pɩwɩɣ mon-tomnaɣ kpeekpe.*
Man-kɩdɛkɛdɩm yɔɔ lɛ, laŋhɛzɩyɛ fɛyɩ mɔ-mɔɔ taa.+
4 Mbʋ pʋyɔɔ yɔ man-kɩwɛɛkɩm kpa huuye nɛ pɩkɩlɩ ma-ñʋʋ;+
Pɩkɩlɩ-m yuŋ kpem, pɩwɛ ɛzɩ sʋʋtʋ sɔsɔtʋ natʋyʋ yɔ.
5 Man-kɩmɛlɛndʋ yɔɔ lɛ,
Me-heŋ lɩɣ sɔŋ siŋŋ nɛ ikpeŋ lɩm.
6 Mɛwɛ nɩɣzɛ taa, pitibi-m yɔɔɔ kpem;
Moyotuu laŋwɛɛkɩyɛ taa evemiye kpeekpe.
8 Pɩsɩbɩ mɔ-yɔɔ nɛ pɩyɔbɩ-m caɣ caɣ;
Ma-laŋɩyɛ taa wɩzasɩ yeba nɛ mɔmɔlʋʋ ɖoŋ.*
9 Hayɩ Yehowa, mbʋ me-liu wɛɛ yɔ, pi-kpeekpe pɩwɛ ñɛ-ɛsɩndaa,
Nɛ ma-amuza tɩkɛ-ŋ mɛsaɣ tɛɛ pʋyʋ.
10 Ma-laŋɩyɛ maɣ, mon-ɖoŋ tɛma,
Mɛ-ɛsa ñalɩmɩyɛ ɖema.+
11 Man-kɩjɩkpʋʋ yɔɔ lɛ, man-taabalaa nɛ mɛ-ɛgbaɣdɩnaa seɣ-m,
Nɛ mɛ-ɛyɩsɩmaa mba pɔñɔtɩnɩ-m yɔ, poposuu pa-tɩ nɛ m.
12 Mba pañɩnɩɣ me-wezuu* yɔ, pañɩkɩ kpacanaa;
Mba pañɩnɩɣ se palabɩ-m kɩdɛkɛdɩm yɔ, pɔyɔɔdʋʋ ɖɩzʋʋ tɔm;+
Pemidiɣ cɛtɩm tɔm evemiye kpeekpe.
14 Manpɩsɩ ɛzɩ ɛyʋ weyi ɛɛnɩɣ yɔ,
Weyi ɛ-nɔɔ fɛyɩnɩ natʋyʋ se kɔyɔɔdɩ nɛ kalʋbɩnɩ ɛ-yɔɔ yɔ.
16 Mbʋ pʋyɔɔ yɔ mɔyɔɔdaa se: «Pa-taa ɛtaala leleŋ nɛ man-kʋñɔŋ
Nɛ ye pitu ma-nɩŋgbaŋaɣ yɔ, pataakpazɩ pa-tɩ mɔ-yɔɔ.»
17 Mbʋ pʋyɔɔ yɔ pɩɩkazɩ pazɩ se mɔntɔlɩ,
Nɛ manɩɣaɣ wɩzasɩ paa ɛzɩmtaa.+
20 Pɛhɛyɩ-m kɩdɛkɛdɩm kɩbandʋ lone taa;
Pakaɖaɣnɩ-m, mbʋ pʋyɔɔ yɔ mañɩnaɣ mbʋ pɩwɛ ɖeu yɔ.
21 Hayɩ Yehowa, taalɔ-m.
Hayɩ Ɛsɔ, taaposini-m.+
22 Hayɩ Yehowa, ma-ñʋʋ yaɖʋ,+
Kɔɔ lɛɛ lɛɛ nɛ ŋsɩnɩ-m.