Izaayii
5 Mentendi-mɩ, iyele nɛ mentee hendu man-kʋsɔɔlʋ,
Mentee hendu natʋyʋ man-kʋsɔɔlʋ nɛ e-viiñi hayɩm.+
Man-kʋsɔɔlʋ kaawɛnɩ viiñi hayɩm nabʋyʋ piyaɣ hʋyʋʋ nakʋyʋ yɔɔ ɖenɖe tɔɔnasɩ lakɩ camɩyɛ yɔ.
2 Ɛcɛsɩ pɩ-taa nɛ ɛlɩzɩ pɛɛ nɛ ɛlɔ.
Pʋwayɩ lɛ, ɛwɛɛ ɖaŋʋʋ yɔɔ se pɩlʋlɩ viiñi pee kɩbana,
Ɛlɛ viiñi pee kɩdɛkɛdɛɛ yeke pɩlʋlaa.+
3 «Nɛ lɛɛlɛɛyɔ lɛ, mɩ mba ɩwɛ Yeruzalɛm taa yɔ nɛ Yuuda mba,
Mentendi-mɩ, ɩhʋʋ ma nɛ men-viiñi hayɩm ɖɛ-hɛkʋ taa tɔm.+
4 Ɛbɛ pɩɩwɛɛ se mantasɩ labʋ men-viiñi hayɩm
Nɛ mantɩlabɩta?+
Ɛbɛ yɔɔ alɩwaatʋ ndʋ manɖaŋaa se pɩlʋlɩ viiñi pee kɩbana yɔ,
Viiñi pee kɩdɛkɛdɛɛ yeke pɩlʋlaa?
5 Lɛɛlɛɛyɔ, mentendi-mɩ, iyele nɛ meheyi-mɩ
Mbʋ mankaɣ labʋ men-viiñi hayɩm yɔ:
Mankaɣ kpɛzʋʋ pɩ-ñɩtʋ koloŋa,
Nɛ pakaɣ-pʋ miŋ ñaɣzʋʋ.+
Mankaɣ yɔkʋʋ pɩ-pɛɛ koloŋa,
Nɛ pakaɣ fɛyʋʋ pɩ-yɔɔ.
6 Mankaɣ-pʋ pɩsʋʋ tɛtʋ ndʋ peyebi-tʋ yɔ;+
Paakaɣ pɩ-taa viiñi pilinzi pasʋʋ yaa paakaɣ-pʋ kozuu.
Sɔɔ cɔka nɛ ñɩtʋ kɩdɛkɛdɩtʋ pakaɣ suu pɩ-taa,+
Nɛ mankaɣ ɖʋʋ paɣtʋ ɛsɔmɩndʋ se titaayele nɛ tɛʋ nɩɩ pɩ-yɔɔ.+
7 Mbʋ pʋyɔɔ yɔ yoyaa tɛ Yehowa viiñi hayɩm lɛ Izrayɛɛlɩ ɖɩɣa;+
Yuuda mba kɛ viiñi ŋgʋ ɛsɔɔlɩ-kʋ pɩdɩɩfɛyɩ yɔ.
Ɛɛwɛɛ nɛ ɛtaɣ liu se mbʋ pɩwɛ siɣsiɣ yɔ pɩwɛɛ,+
Ɛlɛ na! Mulum wɛna;
Se siɣsiɣ wɛtʋ ɛwɛɛ,
Ɛlɛ na! Kʋñɔŋ kubusi wɛna.»+
8 Pɩtɔɔ mba pɔsɔzʋʋ ɖɩɣa, ɖɩɣa lɛɛka yɔɔ yɔ+
Nɛ mba pɛkpɛndɩɣ hayɩm, hayɩm lɛɛbʋ yɔɔ yɔ+
Pɩkɔɔ pɩsɩɩnɩ alɩwaatʋ ndʋ lone naɖɩyɛ tɩtasɩ kazʋʋ
Nɛ ɩwɛɛ mi-ɖeke tɛtʋ yɔɔ yɔ!
9 Yoyaa tɛ Yehowa ɖuu ma-nɩŋgbaaŋ taa
Se ɖɩsɩ sakɩyɛ, paa sɩɩpaɣlaa nɛ sɩwɛɛ kajʋka yɔ,
Sɩkaɣ pɩsʋʋ sɔɔndʋ pʋyʋ,
Nɔɔyʋ ɛɛwɛɣ sɩ-taa.+
11 Pɩtɔɔ mba pakʋyʋʋ tanaŋ tɛɛ cu se pɔñɔɔ sʋlʋm ɖoŋ ñɩmbʋ yɔ,+
Mba pacakɩ sʋlʋm tɛɛ nɛ ɖoo kɔɔ nɛ ayu nɛ sʋlʋm kɔɔ nɛ pɩkʋʋ-wɛ siŋŋ yɔ!
12 Pɛwɛnɩ cɩmʋʋ nɛ cɩmʋʋ wonuu ŋgʋ kɩ-yɔɔ wɛ nimasɩ yɔ,
Nesi tɛɛ suye,* hɩlaɣ, nɛ vɛɛ pa-kazandʋ taa;
Ɛlɛ paamaɣzɩɣ Yehowa tʋmɩyɛ yɔɔ,
Nɛ paanaɣ e-nesi tɛɛ tʋmɩyɛ.
13 Pʋyɔɔ lɛ, pakaɣ man-samaɣ kɛzʋʋ tɛtʋ,
Mbʋ pʋyɔɔ yɔ kɛfɛyɩnɩ sɩmtʋ;+
Pɛ-ɛyaa mba paɖʋʋ-wɛ hɩɖɛ yɔ pakaɣ caɣʋ ñɔɔsɩ,+
Nɛ lɔkɔtʋ kaɣ pɛ-ɛyaa kpeekpe kʋʋ.
14 Pʋyɔɔ lɛ, Pɩlaʋ* walɩsɩ kɩ-tɩ*
Nɛ kɩhaa kɩ-nɔɔ haaa kamaɣ fɛyɩ;+
Nɛ pɩtʋʋ fɛyɩ se tɛtʋ ndʋ tɩ-kajʋka,* tɩ-samaɣ kɔkɔɖɛ, nɛ tɩ-kazandʋ laɖaa sɔsaa
Pakaɣ tibu kɩ-taa.
15 Nɛ ɛyʋ kaɣ luŋuu,
Pakaɣ ɛyʋ tisuu,
Nɛ pakaɣ tisuu tɩ kpazɩyʋ ɛsa.
16 Yoyaa tɛ Yehowa kaɣ tɩŋnʋʋ ɛ-tɔm hʋʋ yɔɔ* nɛ ɛkpazɩ ɛ-tɩ;
Ɛsɔ toovenim tʋ, Kiɖeɖeu,+ kaɣ tɩŋnʋʋ siɣsiɣ wɛtʋ yɔɔ nɛ ɛwɩlɩ se ɛkɛ kiɖeɖeu.+
17 Nɛ heɣsi kaɣ tɔɔʋ ñɩtʋ ɛzɩ sɩ-ñɩtʋ ɖɩdɔɔyɛ taa yɔ;
Agɔma kaɣ tɔɔʋ lona wena a-taa nɔɔyʋ fɛyɩ yɔ, ɖenɖe kpɩna wena pacalɩ-yɛ camɩyɛ yɔ aawɛɛ yɔ.
18 Pɩtɔɔ mba pɔhɔŋ pa-kɩdɛkɛdɩm nɛ cɛtɩm nimee yɔ
Nɛ pɔhɔŋ pa-kɩwɛɛkɩm nɛ kɛɛkɛɛnaa nimee yɔ;
19 Mba pɔyɔɔdʋʋ se: «Ɛsɔ ɛla ɛ-tʋmɩyɛ lɛɛ lɛɛ;
Tʋmɩyɛ nɖɩ ɖɩkɔɔ lɛɛ lɛɛ nɛ ɖɩna-ɖɩ.
20 Pɩtɔɔ mba pɔyɔɔdʋʋ se kɩbam kɛ kɩdɛkɛdɩm nɛ kɩdɛkɛdɩm kɛ kɩbam yɔ,+
Mba pakpakɩɣ cɩkpɛndʋʋ se kɩkɛ ñalɩmɩyɛ nɛ ñalɩmɩyɛ se ɖɩkɛ cɩkpɛndʋʋ yɔ,
Mba pasɩɣ mbʋ pɩwɛ ñaŋ yɔ leleŋ lone taa nɛ leleŋ ñaŋ lone taa yɔ!
21 Pɩtɔɔ mba pɛkɛ lɔŋsɩnɖaa pa-maɣmaɣ pɛ-ɛsɩndaa
Nɛ pɛwɛɛ lɛɣtʋ pa-maɣmaɣ pɛ-ɛsɩndaa yɔ!+
22 Pɩtɔɔ mba pɛkɛ ɖoŋ tɩnaa sʋlʋm ñɔʋ taa yɔ
Nɛ mba papɩ sʋlʋm ɖoŋ ñɩmbʋ siduu taa yɔ,+
23 Mba pamʋʋ mulum kʋjɔʋ nɛ peɖeziɣ kɩdɛkɛdʋ tɔm+
Nɛ pekiziɣ ɛyʋ siɣsiɣ tʋ tɔm hʋʋ siɣsiɣ yɔ!+
24 Pʋyɔɔ lɛ, ɛzɩ miŋ nzʋlʋmɩyɛ ñakʋʋ kesi
Nɛ ñɩtʋ kɩwɩtʋ mʋkɩ miŋ nzʋlʋma taa yɔ,
Pe-lila maɣmaɣ kaɣ ɖazʋʋ,
Nɛ pɛ-hɛtʋ kaɣ mɩzʋʋ ɛzɩ mʋzʋʋ yɔ,
Mbʋ pʋyɔɔ yɔ pɔlɔ yoyaa tɛ Yehowa paɣtʋ*
Nɛ patɩña Izrayɛɛlɩ tɛ Kiɖeɖeu tɔm.+
25 Pʋyɔɔ Yehowa taa wɩɣnɩ ɛ-samaɣ siŋŋ,
Nɛ ɛkaɣ kpazʋʋ e-nesi pɔ-yɔɔ nɛ ɛmabɩ-wɛ.+
Pʋŋ kaɣ ñamsʋʋ,
Nɛ po-tomnasɩ kaɣ wɛʋ ɛzɩ mbʋ pɔlɔ huɖe yɔɔ yɔ habɛɛ yɔɔ.+
Pɩtɩŋa payɩ mbʋ yɔ pʋyɔɔ lɛ, ɛ-pana tɩhɛɛ,
Ɛlɛ ɛkpazɩ e-nesi mbʋ se ɛma.
26 Ɛkpazɩ yʋsaɣ* nakɛyɛ nɛ ɛwɩlɩ poliŋ taa ɛjaɖɛ naɖɩyɛ;+
Ɛhʋlɩ kancʋʋlaɣ se ɛyaa-wɛ nɛ palɩɩnɩ tɛtʋ kamasɩ yɔɔ nɛ pɔkɔɔ;+
Ɩna! Pɛwɛɛ nɛ pɔkɔŋ lɛɛ lɛɛ kpem.+
27 Pɩtɩnɩɩ pa-taa nɔɔyʋ yaa pitituuli-i.
Ðomɖomuu yaa ɖom tɩkpaɣ pa-taa nɔɔyʋ.
Pa-tɩnaɣ taa tambaɖɛ tɩhɛɖɩ,
Nɛ pa-naataŋgbala tɔnzɩ tɩcɛ.
28 Pɔ-tɔŋ ñɩma tɩŋa wɛ lɔŋ,
Nɛ pɔ-tɔŋ tɩŋa pama.*
Pa-kpaŋnaŋ acaa wɛ ɛzɩ pɩcalɩmɩyɛ yɔ,
Nɛ pɔ-pɔbɔla wɛ ɛzɩ helim sɔsɔm yɔ.+
Pakaɣ kou nɛ pakpa mbʋ pacaɣ kpaʋ yɔ
Nɛ pɛɖɛnɩ-pʋ nɛ nɔɔyʋ ɛɛpɩzɩɣ nɛ ɛya pɩ-ñʋʋ.
30 Kɩyakʋ ŋgʋ ki-wiye lɛ, pakaɣ pɩ-yɔɔ kou nɛ pitili
Ɛzɩ teŋgu tiluu yɔ.+
Weyi ɛcɔŋnɩ ɛjaɖɛ nɖɩ cuɖuɖu yɔ, ɛkaɣ naʋ kʋñɔŋ cɩkpɛndʋʋ;
Halɩ ɛsɔmɩndʋ yɔɔ lɛ, ñalɩmɩyɛ pɩsɩ cɩkpɛndʋʋ.+