Keɣa
א [Alɛf]
3 Paalakɩ mbʋ pɩtɩtʋʋzɩ yɔ;
Pɔɖɔŋ ɛ-nʋmɔŋ taa.+
4 Ŋɖʋ paɣtʋ
Se pɔɖɔ ña-kpalɩtʋ yɔɔ ɖeyi ɖeyi.+
6 Ðɩnɛ ɛlɛ, fɛyɛ ɛɛkaɣ-m kpaʋ+
Alɩwaatʋ ndʋ mantazɩɣ ña-paɣtʋ kpeekpe taa yɔ.
7 Laŋɩyɛ nɖɩ ɖɩtʋʋzaa yɔ, nɖɩ mankaɣ-ŋ samnʋʋ
Alɩwaatʋ ndʋ mantɩlɩɣ ñɔ-tɔm hʋʋ siɣsiɣ ñɩmbʋ yɔ.
8 Mankaɣ ɖɔm ña-paɣtʋ yɔɔ.
Taalɔ-m caɣ caɣ kpa.
ב [Bɛtɩ]
9 Ɛzɩma evebu pɩzɩɣ nɛ ɛla nɛ ɛ-nʋmɔʋ wɛɛ kele kele?
Pɩwɛɛ se ɛkpa ɛ-tɩ camɩyɛ nɛ ɛɖɔ ñɔ-tɔm yɔɔ.+
10 Mañɩnɩɣ-ŋ nɛ ma-laŋɩyɛ kpeekpe.
Taayele nɛ monposini ña-paɣtʋ.+
12 Tɛtɛ nɛ pasamɩ-ŋ, Oo Yehowa;
Wɩlɩ-m ña-paɣtʋ.
13 Monsusuuni mɔ-nɔɔ
Tɔm hʋʋ mbʋ payɩ pɩlɩnɩ ñɔ-nɔɔ taa yɔ.
16 Mɔnsɔɔlɩ ña-paɣtʋ kpem.
Maakaɣ sɔʋ ñɔ-tɔm yɔɔ.+
ג [Gimɛl]
17 La ña-lɩmɖʋyʋ kɩbandʋ,
Nɛ manpɩzɩ nɛ mancaɣ wezuu nɛ mɔnɖɔ ñɔ-tɔm yɔɔ.+
18 Kuli mɛ-ɛsa nɛ manpɩzɩ nɛ mana
Piti tɔm ndʋ tɩwɛ ña-paɣtʋ taa yɔ kpayɩ kpayɩ.
19 Ɛgɔm yem mɛnkɛ ɛjaɖɛ taa.+
Taamɛsɩ-m ña-paɣtʋ.
20 Paa ɛzɩmtaa lɛ,
Me-liu* wɛ ñɔ-tɔm hʋʋ paɣtʋ pɩŋŋ.
21 Ŋkalɩɣ tɩ kpazɩyaa,
Mba pɔlɔ pɔ-yɔɔ nɔɔ kɩdɛkɛdaɣ nɛ poposuuni ña-paɣtʋ yɔ.+
22 Ðɛnɩ* mɔ-yɔɔ fɛyɛ nɛ nimtu,
Mbʋ pʋyɔɔ yɔ mɔnɖɔm ñɔ-tɔm kɩtɔzɩtʋ yɔɔ.
23 Halɩ alɩwaatʋ ndʋ awumbiya cakɩ nɛ pɔyɔɔdʋʋ mɔ-yɔɔ tɔm kɩdɛkɛdɩtʋ yɔ,
Ma ña-lɩmɖʋyʋ lɛ, mamaɣzɩɣ ña-paɣtʋ yɔɔ.*
ד [Dalɛtɩ]
Yele nɛ mɛwɛɛ wezuu ɛzɩ ŋyɔɔdʋʋ yɔ.+
26 Mɛnkɛdɩ-ŋ mɔn-ɖɔnɛ, nɛ ŋcosi-m;
Wɩlɩ-m ña-paɣtʋ.+
28 Ma-laŋwɛɛkɩyɛ yeba nɛ mañɩnɩ ɖom nɛ mawɩɩ.*
Kpazɩ-m ɖoŋ ɛzɩ ŋyɔɔdʋʋ yɔ.
29 Posi-m nɛ cɛtɩm nʋmɔʋ,+
Na man-pʋtɔdɩyɛ nɛ ŋwɩlɩ-m ña-paɣtʋ.
30 Siɣsiɣ wɛtʋ nʋmɔʋ malɩzaa.+
Menɖiɣzinaa se ñɔ-tɔm hʋʋ tʋʋzaa.
31 Mɔñɔnɩ ñɔ-tɔm kɩtɔzɩtʋ.+
Hayɩ Yehowa, taayele nɛ fɛyɛ kpa-m.*+
ה [He]
34 Ha-m tɔm taa nɩʋ lɛɣtʋ,
Nɛ manpɩzɩ nɛ mɔnɖɔ ña-paɣtʋ yɔɔ
Nɛ mɔnɖɔkɩ-tʋ nɛ ma-laŋɩyɛ kpeekpe.
36 Kpili ma-laŋɩyɛ nɛ ñɔ-tɔm kɩtɔzɩtʋ yɔɔ,
Pɩtaakɛnɩ piɖeni men-ɖeke kɛzɛɣa yɔɔ.+
39 Ðɛnɩ poliŋ fɛyɛ nɖɩ sɔɔndʋ kpaɣnɩ-m yɔ,
Mbʋ pʋyɔɔ yɔ tɔm ndʋ ŋhʋʋ yɔ tɩwɛ ɖeu.+
40 Na ɛzɩma me-liu wɛ ña-paɣtʋ pɩŋŋ yɔ.
Yele nɛ mɛwɛɛ wezuu ñe-siɣsiɣ wɛtʋ taa.
ו [Vav]
41 Hayɩ Yehowa, wɩlɩ-m ñɔ-sɔɔlɩm siɣsiɣ ñɩmbʋ,+
Ya ma-ñʋʋ ɛzɩ ŋlabʋ tamaɣ yɔ;*+
42 Ðɩnɛ ɛlɛ mankaɣ cosuu weyi ɛcaɣ-m tɔm yɔ,
Mbʋ pʋyɔɔ yɔ mantaɣ ñɔ-tɔm liu.
43 Taalɩzɩ toovenim tɔm mɔ-nɔɔ taa,
Mbʋ pʋyɔɔ yɔ mantaɣ liu* ñɔ-tɔm hʋʋ.
44 Mankaɣ ɖɔkʋʋ ña-paɣtʋ paa ɛzɩmtaa,
Mankaɣ-tʋ ɖɔkʋʋ tam.+
46 Mankaɣ yɔɔdʋʋ ña-paɣtʋ tɔm awiya ɛsɩndaa,
Nɛ fɛyɛ ɛɛkaɣ-m kpaʋ.+
47 Ña-paɣtʋ tɔm kɛdɩnɩ-m kpem,
Ɛɛɛ, mɔnsɔɔlɩ-tʋ.+
48 Mankaɣ kpazʋʋ me-nesi nɛ ña-paɣtʋ ndʋ mɔnsɔɔlɩ-tʋ yɔ tɩ-cɔlɔ kiŋ,+
ז [Zayin]
50 Mbʋ pɩhɛzɩɣ ma-laŋɩyɛ man-kʋñɔŋ taa lɛ lɛ,+
Mbʋ pʋyɔɔ yɔ ñɔ-tɔm ɖɔkɩnɩ me-wezuu.
51 Tɩ kpazɩyaa woŋuu-m kpem,
Ɛlɛ maaposuuni ña-paɣtʋ.+
53 Kañatʋ tɩnaa mba pɔlɔʋ ña-paɣtʋ yɔ pɔ-yɔɔ lɛ,
Man-taa wɩɣ kpem.+
54 Paa le mantɩɩwɛɛ yɔ,*
Ña-paɣtʋ pɩsɩnɩ-m hendu nɛ menteɣ.
55 Hayɩ Yehowa, mɔntɔzʋʋ ña-hɩɖɛ yɔɔ ɖoo taa+
Se manpɩzɩ nɛ mɔnɖɔkɩ ña-paɣtʋ.
56 Pɩmalɩnɩ-m
Mbʋ pʋyɔɔ yɔ mɔnɖɔm ña-paɣtʋ yɔɔ.
ח [Hɛɛtɩ]
59 Mantazɩ mɔn-ɖɔnɛ taa,
Se pɩsa nɛ manpɩsɩnɩ ma-nɩŋgbanzɩ ñɔ-tɔm kɩtɔzɩtʋ taa.+
60 Mɔnɖɔŋ ña-paɣtʋ yɔɔ lɛɛ lɛɛ,
Maalakɩ ninika.+
61 Kañatʋ tɩnaa nimee cɔ-m nɛ ata,
Ɛlɛ maasɔʋ ña-paɣtʋ yɔɔ.+
62 Mankʋyʋʋ ɖoo hɛkʋ taa se mɛnsɛ-ŋ se ŋlabaɣ lɛ+
Ñɔ-tɔm hʋʋ siɣsiɣ ñɩmbʋ yɔɔ.
64 Hayɩ Yehowa, ñɔ-sɔɔlɩm siɣsiɣ ñɩmbʋ su tɛtʋ yɔɔ;+
Wɩlɩ-m ña-paɣtʋ.
ט [Tetɩ]
65 Hayɩ Yehowa, ŋlabɩ camɩyɛ lakasɩ
Ma ña-lɩmɖʋyʋ, ɛzɩ ŋyɔɔdʋʋ yɔ.
66 Kpɛlɩkɩ-m lɛɣtʋ nɛ ŋha-m sɩmtʋ,+
Mbʋ pʋyɔɔ yɔ mantaɣ ña-paɣtʋ liu.
67 Melekaɣ* pʋcɔ nɛ mansʋʋ kʋñɔŋ taa,
Ɛlɛ lɛɛlɛɛyɔ lɛ, mañaŋ ñɔ-tɔm.+
68 Ŋwɛ ɖeu+ nɛ ña-tʋma ɖɔɖɔ wɛ ɖeu.
Wɩlɩ-m ña-paɣtʋ.+
69 Tɩ kpazɩyaa pɔʋ mɔ-yɔɔ cɛtɩm tɔm,
Ɛlɛ mɔnɖɔŋ ña-paɣtʋ yɔɔ nɛ ma-laŋɩyɛ kpeekpe.
71 Pɩlabɩ ɖeu se mɔntɔɔ kʋñɔŋ+
Nɛ manpɩzɩ mɛnkpɛlɩkɩ ña-paɣtʋ.
72 Paɣtʋ ndʋ ŋsusaa yɔ tɩwɛ-m ɖeu,+
Tɩwɛ-m ɖeu kpem nɛ pɩkɩlɩ sika nɛ liidiye pɔɔyɩsɩ kudokiŋ sakɩyɛ.+
י [Yod]
73 Ñe-nesi labɩnɩ-m nɛ nzɩ manɩ-m.
Ha-m tɔm taa nɩʋ lɛɣtʋ
Nɛ manpɩzɩ mɛnkpɛlɩkɩ ña-paɣtʋ.+
75 Hayɩ Yehowa, manawa se ñɔ-tɔm hʋʋ wɛ siɣsiɣ,+
Nɛ manawa ɖɔɖɔ se ñe-siɣsiɣ wɛtʋ yɔɔ ŋyeba nɛ mɔntɔɔ kʋñɔŋ.+
78 Fɛyɛ ɛkpa tɩ kpazɩyaa,
Mbʋ pʋyɔɔ yɔ palakɩ-m kɩdɛkɛdɩm ɖulum.*
Ɛlɛ ma lɛ, mankaɣ maɣzʋʋ ña-paɣtʋ yɔɔ.*+
79 Yele nɛ mba peseɣ-ŋ sɔɔndʋ yɔ, papɩsɩ mɔn-cɔlɔ,
Mba pasɩm ñɔ-tɔm kɩtɔzɩtʋ yɔ.
כ [Kaf]
83 Mbʋ pʋyɔɔ yɔ mɛwɛ ɛzɩ tɔnɛ kokoɖe nɖɩ miŋ ñɔsɩ yeba nɛ ɖɩwɩlɩ yɔ,
Ɛlɛ maasɔʋ ña-paɣtʋ yɔɔ.+
84 Kɩyakɩŋ ɛzɩma pɩwɛɛ se ña-lɩmɖʋyʋ ɛɖaŋ?
Ɛzɩmtaa ŋkaɣ tɔm hʋnʋʋ mba panazɩɣ-m yɔ?+
85 Tɩ kpazɩyaa nɛ mba pakaɖɩɣnɩ ña-paɣtʋ yɔ,
Pohuyuu pɔŋ se mɔntɔlɩ ɩ-taa.
86 Ña-paɣtʋ tɩŋa mʋnaa se pataa-tʋ liu.
Ɛyaa nazɩɣ-m ɖulum; sɩnɩ-m!+
87 Pɩkazɩ pazɩ yem, paɖɩzaɣ-m tɛtʋ yɔɔ,
Ɛlɛ mantɩlɔ ña-paɣtʋ.
88 Ñɔ-sɔɔlɩm siɣsiɣ ñɩmbʋ yɔɔ lɛ, yele nɛ mɛwɛɛ wezuu,
Nɛ manpɩzɩ nɛ mɔnɖɔkɩ tɔm kɩtɔzɩtʋ ndʋ tɩlɩnɩ ñɔ-nɔɔ taa yɔ.
ל [Lamɛd]
89 Oo Yehowa,
Ñɔ-tɔm wɛɣ ɛsɔdaa tam.+
90 Ñe-siɣsiɣ wɛtʋ wɛ kpaɣnɩ kpaɖʋʋ nɛ piwolo kpaɖʋʋ.+
Ŋcaɣzɩ tɛtʋ camɩyɛ se tɩwɛɛ ti-lone taa tam.+
91 Ña-paɣtʋ yɔɔ pɩtɩŋa* pɩwɛ halɩ nɛ sɔnɔ,
Mbʋ pʋyɔɔ yɔ pɩtɩŋa pɩɖʋʋ-ŋ lɩm.
92 Ye mantaasɔɔlɩ ña-paɣtʋ kpem yɔ,
Ɛzʋnɔ maatɛm sɩbʋ man-kʋñɔŋ taa.+
93 Maakaɣ sɔʋ ña-paɣtʋ yɔɔ kpa,
Mbʋ pʋyɔɔ yɔ tɩ-yɔɔ ŋtɩŋnaa nɛ ŋɖɔkɩ me-wezuu.+
95 Kañatʋ tɩnaa ɖaŋaa se paɖɩzɩ-m,
Ɛlɛ mewelisiɣni ñɔ-tɔm kɩtɔzɩtʋ camɩyɛ.
96 Manawa se mbʋ payɩ pɩtalɩ pilim yɔ, pɩwɛnɩ kamaɣ,
Ɛlɛ ña-paɣtʋ ñɛfɛyɩnɩ kamaɣ.*
מ [Mem]
97 Mɔnsɔɔlɩ ña-paɣtʋ mbʋ suwe!+
Mamaɣzɩɣ tɩ-yɔɔ* evemiye kpeekpe.+
98 Ña-paɣtʋ yeki nɛ mankpaɖɩɣ mon-koyindinaa lɔŋ,+
Mbʋ pʋyɔɔ yɔ tɩwɛ mɔn-cɔlɔ tam.
100 Mɛwɛnɩ tɔm taa nɩʋ lɛɣtʋ nɛ pɩkɩlɩ akpadɩyaa,
Mbʋ pʋyɔɔ yɔ mɔnɖɔŋ ña-paɣtʋ yɔɔ.
101 Menkizaa se maaɖɔŋ nʋmɔʋ kɩdɛkɛdʋʋ nakʋyʋ taa,+
Se pɩsa nɛ mɔnɖɔ ñɔ-tɔm yɔɔ.
102 Maaposuuni ñɔ-tɔm hʋʋ,
Mbʋ pʋyɔɔ yɔ ñawɩlɩnɩ-m tɔm.
103 Ñɔ-tɔm wɛ leleŋ mɔ-nɔɔ taa mbʋ suwe!
Tɩwɛ leleŋ kpem nɛ pɩkɩlɩ tʋŋ num mɔ-nɔɔ taa.+
104 Ña-paɣtʋ yeki nɛ mɛwɛɣnɩ tɔm taa nɩʋ lɛɣtʋ.+
Pʋyɔɔ manpaɖɩɣ cɛtɩm nʋmɔŋ kpeekpe.+
נ [Nuuni]
106 Monɖuu ɖuutu se mañaŋ ñɔ-tɔm hʋʋ mbʋ pɩwɛ siɣsiɣ yɔ,
Nɛ mankaɣ tɩ-yɔɔ ɖɔm.
107 Mɔntɔɔ kʋñɔŋ kpem.+
Hayɩ Yehowa, yele nɛ mɛwɛɛ wezuu ɛzɩ ŋyɔɔdʋʋ yɔ.+
108 Hayɩ Yehowa, mentendi-ŋ, yele nɛ samtʋ haɖɛ nɖɩ malakɩ-ŋ faaa yɔ,* ɖɩkɛdɩnɩ-ŋ,+
Wɩlɩ-m ña-paɣtʋ.+
110 Kañatʋ tɩnaa ñɩbɩ-m kpaca,
Ɛlɛ mantiposini ña-paɣtʋ.+
111 Mankpakɩɣ ñɔ-tɔm kɩtɔzɩtʋ ɛzɩ ma-ñɩm mbʋ pɩwɛ tam yɔ,
Mbʋ pʋyɔɔ yɔ ndʋ kɛnɩ ma-laŋɩyɛ leleŋ.+
112 Mɛntɛm man-taa* se mañaŋ ña-paɣtʋ
Alɩwaatʋ kpeekpe, piwolo pɩtalɩ tɩnaɣ yɔɔ.
ס [Samɛk]
115 Ɛyaa kɩdɛkɛdaa mɩ, ɩtaañɔtɩnɩ-m,+
Nɛ manpɩzɩ nɛ mɔnɖɔ mɛ-Ɛsɔ paɣtʋ yɔɔ.
Taayele nɛ me-lidaʋ pɩsɩ fɛyɛ.*+
118 Ŋlɔʋ mba payɩ poposuuni ña-paɣtʋ yɔ,+
Mbʋ pʋyɔɔ yɔ pɛfɛyɩ toovenim nɛ pɛkɛ peɣziyaa.
119 Ŋlɔʋ tɛtʋ yɔɔ kañatʋ tɩnaa kpeekpe ɛzɩ kʋzɔɔtʋ ndʋ poyolusuu ñɩɣtʋ nɛ tɩlɩɣ yɔ.+
Pʋyɔɔ mɔnsɔɔlɩ ñɔ-tɔm kɩtɔzɩtʋ.
120 Ŋcaɣ sɔɔndʋ, pʋyɔɔ lɛ piyeki nɛ menseliɣ;*
Menseɣ ñɔ-tɔm hʋʋ sɔɔndʋ.
ע [Ayin]
121 Malabɩ mbʋ pɩtʋʋzaa nɛ pɩwɛɛ siɣsiɣ yɔ.
Taayebi-m ma-nazɩyaa nesi tɛɛ!
122 La ma ña-lɩmɖʋyʋ tamaɣ se pɩɖɔŋnɩ-m camɩyɛ;
Tɛtɛ nɛ tɩ kpazɩyaa ɩtaanazɩ-m.
123 Pɩnɩ mɛ-ɛsa nɛ ñʋʋ yabʋ mbʋ pɩlɩɣnɩ ñɔ-cɔlɔ yɔ pɩ-ɖaŋʋʋ+
125 Mɛnkɛ ña-lɩmɖʋyʋ; ha-m tɔm taa nɩʋ lɛɣtʋ+
Nɛ manpɩzɩ nɛ mantɩlɩ ñɔ-tɔm kɩtɔzɩtʋ.
126 Oo Yehowa, alɩwaatʋ talaa se ŋla nabʋyʋ,+
Mbʋ pʋyɔɔ yɔ pamanɩ ña-paɣtʋ yɔɔ.
128 Pʋyɔɔ lɛ, wɩlɩtʋ* ndʋ payɩ tɩlɩɣnɩ ñɔ-cɔlɔ yɔ, mankpakɩɣ-tʋ se tɩtʋʋzaa;+
Manpaɖɩɣ cɛtɩm nʋmɔŋ kpeekpe.+
פ [Pe]
129 Ñɔ-tɔm kɩtɔzɩtʋ wayɩ fɛyɩ.
Pʋyɔɔ mɔnɖɔŋ* tɩ-yɔɔ.
133 Tɩŋnɩ ñɔ-tɔm yɔɔ nɛ ŋɖiyi ma-nɩŋgbanzɩ nɛ kaɖɛ naɖɩyɛ ɛtaatalɩ-sɩ;*
Kɩdɛkɛdɩm nabʋyʋ ɛtaawabɩ-m.+
134 Holi-m* nazɩyaa nesi tɛɛ,
Nɛ mɔnɖɔ ña-paɣtʋ yɔɔ.
136 Ɛsɩtɛɣlɩm kpeŋ mɛ-ɛsɩndaa
Mbʋ pʋyɔɔ yɔ ɛyaa ɩɩɖɔŋ ña-paɣtʋ yɔɔ.+
צ [Cade]
138 Ñɔ-tɔm kɩtɔzɩtʋ wɛ siɣsiɣ
Nɛ tɩmʋnaa se pataa-tʋ liu kiya.
139 Men-kpekpeka selitiɣ-m,+
Mbʋ pʋyɔɔ yɔ mon-koyindinaa sɔ ñɔ-tɔm yɔɔ.
141 Mantɩlɩɩ pʋyʋ, nɛ peniŋi-m;+
Ɛlɛ mantɩsɔɔ ña-paɣtʋ yɔɔ.
143 Paa mɔntɔkɩ kʋñɔŋ nɛ mankatɩɣ tɩlasɩ yɔ,
Mɔnsɔɔlɩ ña-paɣtʋ mbʋ.
144 Ñɔ-tɔm kɩtɔzɩtʋ wɛ siɣsiɣ tam.
Ha-m tɔm taa nɩʋ lɛɣtʋ+ nɛ mantaasɩ.
ק [Kof]
145 Mayaɣ-ŋ nɛ ma-laŋɩyɛ kpeekpe. Hayɩ Yehowa, cosi-m.
Mankaɣ ɖɔm ña-paɣtʋ yɔɔ.
146 Mayaɣ-ŋ; ya ma-ñʋʋ!
Mankaɣ ɖɔkʋʋ ñɔ-tɔm kɩtɔzɩtʋ.
149 Ñɔ-sɔɔlɩm siɣsiɣ ñɩmbʋ yɔɔ lɛ, welisi mɔ-nɔɔ.+
Hayɩ Yehowa, yele nɛ mɛwɛɛ wezuu ɛzɩ ñe-siɣsiɣ wɛtʋ pɔzʋʋ yɔ.
150 Mba palakɩ lakasɩ nzɩ sɩwɛ fɛyɛ* yɔ, peɖiɣni ñɔtʋʋ;
Poposini ña-paɣtʋ kpem.
152 Mɛnkpɛlɩkɩ ñɔ-tɔm kɩtɔzɩtʋ yɔɔ tɔm ɖooo lɔŋ,
Se ŋɖʋ-tʋ se tɩwɛɛ tam.+
ר [Resɩ]
153 Cɔnɩ man-kʋñɔŋ nɛ ŋholi-m,+
Mbʋ pʋyɔɔ yɔ mantɩsɔɔ ña-paɣtʋ yɔɔ.
155 Ñʋʋ yabʋ posini kañatʋ tɩnaa kpem,
Mbʋ pʋyɔɔ yɔ patɩñɩnɩ ña-paɣtʋ.+
156 Oo Yehowa, ña-pʋtɔdɩyɛ naʋ paɣlaa.+
Yele nɛ mɛwɛɛ wezuu ɛzɩ ñe-siɣsiɣ wɛtʋ pɔzʋʋ yɔ.
157 Ma-nazɩyaa nɛ mon-koyindinaa ɖɔwa;+
Ɛlɛ mantiposini ñɔ-tɔm kɩtɔzɩtʋ.
158 Mɔncɔŋnɩ pɩ-tɛɛ nɛ pɩ-yɔɔ tɩnaa nɛ pɩlakɩ-m kiniŋ,
Mbʋ pʋyɔɔ yɔ paañaŋ ñɔ-tɔm.+
159 Na ɛzɩma mɔnsɔɔlɩ ña-paɣtʋ yɔ!
Hayɩ Yehowa, ñɔ-sɔɔlɩm siɣsiɣ ñɩmbʋ yɔɔ lɛ, yele nɛ mɛwɛɛ wezuu.+
ש [Sin]
162 Manɩɣ leleŋ ñɔ-tɔm yɔɔ+
Ɛzɩ ɛyʋ weyi ehiɣ ñɩm sɔsɔm you taa yɔ.
164 Mansaŋɩ-ŋ tam 7 evemiye taa
Ñɔ-tɔm hʋʋ siɣsiɣ ñɩmbʋ yɔɔ.
166 Oo Yehowa, manɖaŋ ña-ñʋʋ yabʋ tʋma,
Nɛ mɔnɖɔŋ ña-paɣtʋ yɔɔ.
168 Mɔnɖɔŋ ña-paɣtʋ nɛ ñɔ-tɔm kɩtɔzɩtʋ yɔɔ,
Mbʋ pʋyɔɔ yɔ ŋsɩm mbʋ payɩ malakɩ yɔ.+
ת [Tav]
169 Hayɩ Yehowa, kubusi nzɩ mamakɩ se ŋsɩnɩ-m yɔ, tɛtɛ nɛ sɩtalɩ ñɔ-cɔlɔ.+
Tɩŋnɩ ñɔ-tɔm yɔɔ nɛ ŋsɩnɩ-m nɛ manɩɩ tɔm taa.+
170 Tenduu mbʋ mentendiɣ se ŋna man-pʋtɔdɩyɛ yɔ, tɛtɛ nɛ pɩtalɩ-ŋ.
Ya ma-ñʋʋ ɛzɩ ŋlabʋ tamaɣ yɔ.*
171 Tɛtɛ nɛ samtʋ su mo-ndomee yɔɔ nɛ pɩwadɩ,+
Mbʋ pʋyɔɔ yɔ ŋwɩlɩɣ-m ña-paɣtʋ.
172 Yele nɛ ñɔ-tɔm kɛ hendu ma-nzʋlʋmɩyɛ yɔɔ,+
Mbʋ pʋyɔɔ yɔ ña-paɣtʋ tɩŋa wɛ siɣsiɣ.
174 Oo Yehowa, manɖaŋ ña-ñʋʋ yabʋ kpam,
Mɔnsɔɔlɩ ña-paɣtʋ.+